آزاد سکھ ریاست بناکر رام مندر کی جگہ بابری مسجد تعمیر کریں گے، گرپتونت سنگھ پنوں
اشاعت کی تاریخ: 22nd, November 2025 GMT
علیحدگی پسند تنظیم سکھس فار جسٹس نے کہا ہے کہ بابری مسجد کو اسی مقام پر دوبارہ تعمیر کیا جائے گا جہاں اس وقت رام مندر واقع ہے۔ تنظیم نے وزیراعظم نریندر مودی کے ایودھیا میں مجوزہ پروگرام کو ‘ہندوتوا دہشت گردی کی جنم بھومی’ قرار دیا۔
تنظیم کے جنرل کونسل گرپتونت سنگھ پنوں نے 25 نومبر کو مودی کے ایودھیا دورے سے قبل ملک بھر کے مسلمانوں سے اپیل کی ہے کہ وہ ایودھیا کا محاصرہ کرنے اور ایک بڑی انسانی زنجیر تشکیل دینے کے لیے جمع ہوں۔ ان کا کہنا ہے کہ اگر مسلمانوں کو ہندستان میں بقا چاہیے تو انہیں اپنے دین اور تاریخ کے دفاع کے لیے تیار رہنا ہوگا۔
یہ بھی پڑھیے: لاہور پریس کلب سے خطاب کرنے پر خالصتانی رہنما گرپتونت سنگھ پنوں پر انڈیا میں مقدمہ درج
گرپتونت سنگھ پنوں نے اس مقصد کے لیے مودی کے ایودھیا پروگرام کی مخالفت کرنے والوں کے لیے 11 لاکھ روپے کے انعام کا اعلان بھی کیا۔ پنوں کا کہنا تھا کہ جب پنجاب آزاد ہو کر خالصتان بنے گا تو بابری مسجد وہیں دوبارہ تعمیر ہوگی جہاں آج رام مندر کھڑا ہے۔ تاریخ کو نہ بلڈوزر بدل سکتے ہیں اور نہ ہندوتوا کے ہجوم۔
انہوں نے رام مندر کو ایک سیاسی تنازع کا شاخسانہ اور بابری مسجد کی مسماری کے بعد وجود میں آنے والی علامت قرار دیا۔ پنوں نے یہ اعلان بھی کیا کہ خالصتان کے جھنڈے اتر پردیش کے مختلف علاقوں میں لہرا کر عالمی سطح پر یہ دکھایا جائے گا کہ مودی نے ایک صدیوں پرانی مسجد کی مسماری کو قومی جشن اور سیاسی تماشے میں بدل دیا۔
یہ بھی پڑھیے: مودی کی جنگ بھارت کی آخری جنگ ہوگی، خالصتان حقیقت کے قریب ہے، گرپتونت سنگھ پنوں
ایس ایف جے کا کہنا ہے کہ ایودھیا ابھی بھی بھارت کا سب سے ‘بارودی اور غیر حل شدہ تاریخی تنازع’ ہے، اور ان کے مطابق نہ پروپیگنڈا، نہ تعمیرات اور نہ ہی سیاسی تقریبات اس حقیقت کو مٹا سکتی ہیں کہ بابری مسجد کو غیر قانونی طور پر مسمار کیا گیا تھا اور یہ تاریخی ناانصافی الٹی بھی جا سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابری مسجد خالصتان رام مندر گرپتونت سنگھ پنوں.
ذریعہ
ذریعہ: WE News
کلیدی لفظ: خالصتان گرپتونت سنگھ پنوں گرپتونت سنگھ پنوں کے لیے
پڑھیں:
کشمیر کا فیصلہ صرف کشمیری عوام کریں گے،بلاول بھٹو
پاکستان پیپلز پارٹی کے چیئرمین بلاول بھٹو زرداری نے کہا ہے کہ کشمیر کے مستقبل کا فیصلہ صرف کشمیری عوام کا حق ہے اور اس بارے میں کوئی دوسرا فیصلہ نہیں کر سکتا۔سماجی رابطے کی ویب سائٹ ایکس پر جاری اپنے بیان میں بلاول بھٹو زرداری نے کہا کہ کشمیر کا فیصلہ صرف و صرف کشمیر کرے گا، نہ اسلام آباد، نہ پنجاب، نہ سندھ، نہ بلوچستان اور نہ ہی خیبرپختونخوا اس کا فیصلہ کر سکتے ہیں۔
انہوں نے کہا کہ کشمیر کے مستقبل کا فیصلہ صرف کشمیری عوام کی مرضی اور رائے کے مطابق ہونا چاہیے، کیونکہ یہی ان کا بنیادی اور جمہوری حق ہے۔
بلاول بھٹو زرداری نے آزاد جموں و کشمیر قانون ساز اسمبلی کے انتخابات کے حوالے سے عوام سے اپیل کرتے ہوئے کہا کہ27 جولائی کو برابری کے حق اور عوامی نمائندگی کے لیے تیر کے نشان پر مہر لگا کر پاکستان پیپلز پارٹی کے نامزد امیدواروں کو کامیاب بنایا جائے۔
پیپلز پارٹی کے چیئرمین کا کہنا تھا کہ عوام کی حمایت سے منتخب ہونے والے نمائندے کشمیری عوام کے حقوق اور مستقبل کے فیصلوں میں مؤثر کردار ادا کریں گے۔
واضح رہے کہ آزاد جموں و کشمیر قانون ساز اسمبلی کے انتخابات مرحلہ وار منعقد کیے جا رہے ہیں، جن کے پہلے مرحلے میں 27 جولائی کو میرپور ڈویژن میں پولنگ ہوگی، جبکہ دیگر مراحل اگست کے پہلے عشرے میں مکمل کیے جائیں گے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم