اسلام آباد اور راولپنڈی میں ہاؤسنگ اسکیموں کی جعلسازی، شہریوں سے کھربوں روپے کا فراڈ
اشاعت کی تاریخ: 28th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وفاقی دارالحکومت اور راولپنڈی میں نجی ہاؤسنگ اسکیموں اور کوآپریٹو سوسائٹیز نے زمین کی غیر موجودگی، جعلی ممبرشپس اور حد سے زیادہ پلاٹس فروخت کرکے شہریوں سے کھربوں روپے کا مبینہ فراڈ کیا ہے۔
نیب راولپنڈی کی تحقیقات کے مطابق صرف اسلام آباد اور راولپنڈی میں تقریباً 91 ہزار زائد پلاٹس اور فائلیں فروخت کی گئیں جبکہ 20 ہزار ممبرشپس بغیر زمین کے جاری کی گئیں۔
ایک مخصوص ہاؤسنگ اسکیم نے 2022 میں 4 ہزار کنال زمین کی منظوری کے باوجود عوام کو دکھایا کہ منصوبہ 80 ہزار کنال پر مشتمل ہے، اس دوران 30 سے 40 ہزار پلاٹس فروخت کیے گئے اور متاثرین سے 50 سے 60 ارب روپے وصول کیے گئے۔ تین سال بعد بھی اسکیم صرف 34 ہزار کنال زمین حاصل کر پائی، وہ بھی بغیر منصوبہ بندی کے۔
کوآپریٹو ہاؤسنگ سوسائٹیز میں بھی بے ضابطگیاں سامنے آئیں، تقریباً 20 ہزار ممبرشپس اور 65 ہزار پلاٹس ایسے منصوبوں میں فروخت کیے گئے جہاں قبضہ دینا ممکن نہیں تھا۔ کئی سوسائٹیز آج بھی ہزاروں ممبرز کو زمین فراہم کرنے میں ناکام ہیں۔
نیب راولپنڈی نے ریگولیٹرز کے ساتھ مل کر ڈیٹا اکٹھا کیا ہے اور ہاؤسنگ سیکٹر کے لیے اصلاحاتی پیکیج پر کام کر رہا ہے تاکہ شہریوں کے مفادات کا تحفظ کیا جا سکے اور دیرینہ مسائل حل ہوں۔
.
ذریعہ
ذریعہ: Jasarat News
پڑھیں:
کراچی، ہل پارک کے اطراف میں غیر قانونی تعمیرات کے خلاف آپریشن، پلاٹس مسمار
کراچی:شہر قائد میں ہل پارک کے اطراف پہاڑی علاقے کو کاٹ کر کی جانے والی غیرقانونی تعمیرات کے خلاف رات گئے بڑا آپریشن کیا گیا جس میں ہیوی مشینری کی مدد سے متعدد تعمیرات کو مسمار کر دیا گیا۔
میئر کراچی بیرسٹر مرتضیٰ وہاب کی ہدایت پر شروع ہونے والی اس کارروائی کے دوران متنازعہ پلاٹ پر بنی باؤنڈری وال سمیت کئی غیرقانونی ڈھانچے گرا دیے گئے۔ کارروائی ڈائریکٹر انکروچمنٹ شیر علی کی نگرانی میں محکمہ لینڈ کے عملے نے انجام دی۔
ترجمان کے ایم سی کے مطابق ہل پارک کے اطراف سے تمام غیرقانونی تعمیرات کا خاتمہ کر دیا گیا ہے اور علاقے کو تجاوزات سے مکمل طور پر صاف کر دیا گیا ہے۔
دوسری جانب میئر کراچی نے سیکریٹری وزارت ہاؤسنگ اینڈ ورکس کو خط لکھ کر پلاٹ نمبر 39 جی فور بلاک 6 کا مکمل ریکارڈ طلب کر لیا ہے۔
ذرائع کے مطابق مذکورہ پلاٹ کے حوالے سے پی ای سی ایچ ایس کی جانب سے لیز دینے کے دعوے سامنے آ رہے ہیں جس پر مزید جانچ پڑتال جاری ہے۔
انتظامیہ کا کہنا ہے کہ شہر میں غیرقانونی تعمیرات کے خلاف بلاامتیاز کارروائی جاری رہے گی تاکہ سرکاری و محفوظ علاقوں پر قبضے کی کسی بھی کوشش کو روکا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ