اسلام آباد میں نجی ہاؤسنگ سوسائٹی اسکینڈل، شہریوں سے کھربوں روپے کے فراڈ کا انکشاف
اشاعت کی تاریخ: 28th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وفاقی دارالحکومت اور اس سے ملحقہ شہر راولپنڈی میں زمینوں کی خرید و فروخت سے متعلق ایک بڑے فراڈ کا انکشاف ہوا ہے، جہاں نجی ہاؤسنگ اسکیموں اور کوآپریٹو سوسائٹیز نے حد سے زیادہ پلاٹس بیچ کر، جعلی ممبرشپس جاری کر کے اور گمراہ کن مارکیٹنگ کے ذریعے شہریوں سے گزشتہ برسوں میں کھربوں روپے وصول کیے۔
اطلاعات کے مطابق نیب راولپنڈی نے اس معاملے کی تفصیلی تحقیقات کی ہیں جن میں تشویشناک بے ضابطگیوں کا پتہ چلا ہے۔
اسلام آباد اور راولپنڈی میں ہاؤسنگ اسکیموں نے اپنی دستیاب زمین یا منظور شدہ لے آؤٹ پلانز کے مقابلے میں تقریباً 91 ہزار زائد پلاٹس اور فائلیں فروخت کیں۔ مزید یہ کہ زمین موجود نہ ہونے کے باوجود 20 ہزار ممبرشپس بھی بیچ دی گئیں۔
تحقیقات سے ظاہر ہوا کہ مختلف اسکیموں نے تقریباً 80 ہزار کنال ایسی زمین کی تشہیر اور فروخت کی جو ان کے منظور شدہ منصوبے کا حصہ ہی نہیں تھی۔
ذرائع کے مطابق نجی ہاؤسنگ اسکیموں نے مجموعی طور پر تقریباً 26 ہزار پلاٹس اور فائلیں اپنی اصل گنجائش سے زیادہ فروخت کیں، جبکہ 80 ہزار کنال ایسی زمین بیچی جس کا کوئی ریکارڈ موجود نہیں تھا۔
ایک معروف ہاؤسنگ اسکیم کی مثال سے صورتحال کی سنگینی واضح ہوتی ہے۔ اس اسکیم نے 2022 میں صرف 4 ہزار کنال زمین کے لیے لے آؤٹ پلان کی منظوری مانگی، لیکن عوام کو یہ تاثر دیا کہ منصوبہ 75 ہزار سے ایک لاکھ کنال پر مشتمل ہے۔
بعد ازاں مارکیٹنگ میں اسے 80 ہزار کنال کا میگا منصوبہ دکھایا گیا، اور 30 سے 40 ہزار پلاٹس فروخت کیے گئے، جن سے 50 سے 60 ارب روپے اکٹھے کیے گئے۔
ذریعہ
ذریعہ: Jasarat News
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا