ہنی سنگھ منشیات کے عادی کیسے ہوئے، معروف گلوکار کے انکشافات
اشاعت کی تاریخ: 28th, November 2025 GMT
معروف بھارتی ریپروگلوکار ہنی سنگھ نے اعتراف کیا ہے کہ منشیات کا استعمال ان کے کیریئر کی سب سے بڑی غلطی تھی، جس نے انہیں شدید نقصان پہنچایا۔ انہوں نے بتایا کہ اپنے جسم سے منشیات کو مکمل طور پر خارج کرنے میں انہیں تقریباً 8 سال لگے۔
ایک انٹرویو میں ہنی سنگھ نے کہا کہ ’15-20 سال قبل کا ہنی سنگھ ذہین اور پرعزم تھا، لیکن اس نے ایک بڑی غلطی کی اور وہ تھی منشیات کا استعمال۔ منشیات نے مجھے بہت نقصان پہنچایا، اور آج میں اپنے چھوٹے بھائیوں اور بہنوں کو کہتا ہوں کہ وہ منشیات سے دور رہیں کیونکہ یہ آپ کو بہت نقصان پہنچاتی ہیں اور آپ کو احساس بھی نہیں ہوتا‘۔
یہ بھی پڑھیں: ’میں آج بھی ذہنی مریض ہوں‘، یویو ہنی سنگھ
ان کا کہنا تھا کہ ’میں نے 2014 میں منشیات چھوڑ دی تھیں جب مجھے بتایا گیا کہ میں بیمار ہوں۔ لیکن اس کے باوجود مجھے مکمل صحت یابی میں 8 سال لگے۔ یہ میری جسم سے آسانی سے نہیں گیا اور میں نہیں چاہتا کہ کوئی بھی حتیٰ کہ میرا دشمن بھی، وہ سب کچھ جھیلے جو میں نے جھیلا‘۔
ہنی سنگھ نے مزید بتایا کہ’2012 سے 2014 کے دوران اپنے کیریئر کے عروج پر ایک وقت ایسا بھی آیا جب میں اپنے والدین سے ملاقات سے گریز کرتا تھا کیونکہ میں شہرت سمیٹنے اور پیسے کمانے میں مصروف تھا۔ میں دنیا بھر میں ٹور کر رہا تھا اور انہیں بھول گیا تھا۔ اور میں نے ان سے فاصلہ بھی رکھا کیانکہ میں نہیں چاہتا تھا کہ والدین کو میری نشے کی عادت کا پتہ چل جائے‘۔
یہ بھی پڑھیں: سلمان خان نے ہنی سنگھ کو فلم کی پیشکش کیوں کی؟
یو یو ہنی سنگھ 2012 میں اپنے کیریئر کے عروج پر تھے جب وہ زوال کا شکار ہوئے۔ اپنے گانے دیسی کلاکار کی کامیابی کے بعد انہیں بائپولر ڈس آرڈر کی تشخیص ہوئی اور انہوں نے منشیات کا استعمال شروع کر دیا۔ 2017 میں ہنی سنگھ ٹور کے دوران رو پڑے۔ انہوں نے موسیقی اور منشیات چھوڑ دی دہلی واپس آئے اور ڈاکٹروں اور تھراپسٹ کی عالمی ٹیم کے ساتھ بحالی کا آغاز کیا۔
انہوں نے بتایا کہ ’میں منشیات اور شراب میں ڈوب رہا تھا، 12-15 جوائنٹس سگریٹ کر رہا تھا اور بوتلیں پی رہا تھا۔ میں نے اپنے خاندان کو چھوڑ دیا اور خود پر قابو کھو دیا۔ ایک بار میں اتنا نشے میں تھا کہ میں نے ایک دوست کو اس کے پیٹ پر 8 بار کاٹا‘۔
یہ بھی پڑھیں: ابرارالحق معروف گلوکار ہنی سنگھ کو خاتون کیوں سمجھتے رہے؟
کام سے وقفے کے بعد ہنی سنگھ 2023 میں گانے Kalaastar کے ساتھ واپس آئے، جو Desi Kalakaar کا سیکوئل ہے۔ وہ اب اپنی موسیقی کو عالمی سطح پر لے جانے کے لیے My Story World Tour کی تیاری کر رہے ہیں، جس کا آغاز 6 فروری 2026 کو دبئی میں Coca-Cola Arena سے ہوگا۔ ساتھ ہی انہوں نے حال ہی میں اپنا البم 51 Glorious Days بھی ریلیز کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی گلوکار منشیات ہنی سنگھ.
ذریعہ
ذریعہ: WE News
کلیدی لفظ: بھارتی گلوکار منشیات ہنی سنگھ ہنی سنگھ انہوں نے رہا تھا کہ میں
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان