شہرت کی وجہ سے موسیقاروں کی زندگی میں کمی آتی ہے، نئی تحقیق میں حیران کن انکشاف
اشاعت کی تاریخ: 26th, November 2025 GMT
ایک نئی تحقیق میں انکشاف ہوا ہے کہ شہرت موسیقاروں کی زندگی پر اتنا ہی منفی اثر ڈال سکتی ہے جتنا سگریٹ نوشی کرنے سے ہوتا ہے۔
جرنل آف ایپی ڈیمیولوجی اینڈ کمیونٹی ہیلتھ میں شائع ہونے والے مطالعے کے مطابق شہرت موسیکاروں کی اوسط عمر میں 4.6 سال تک کمی کر دیتی ہے۔ جرمنی کی یونیورسٹی وٹن ہرڈیکے کے محققین نے 648 گلوکاروں کا ڈیٹا جمع کیا، جن میں سے نصف کو شہرت یافتہ جبکہ نصف کو نسبتاً کم معروف قرار دیا گیا تھا۔
یہ بھی پڑھیے: درمیانی عمر میں وزن میں کمی انسانی زندگی میں برسوں کا اضافہ کرسکتی ہے، تحقیق
اس تحقیق میں سولو سنگرز، بینڈ کے لیڈ اور بیک اپ گلوکار بھی شامل تھے۔ شہرت یافتہ فنکار ‘ٹاپ 2000 آرٹسٹس آف آل ٹائم’ کی فہرست سے منتخب کیے گئے جن میں دی بیٹلز، باب ڈلن، رولنگ سٹونز، ڈیوڈ باؤی اور بروس اسپرنگسٹین جیسے نام شامل ہیں۔
تحقیق میں ہر مشہور گلوکار کا ایک کم معروف گلوکار سے موازنہ کیا گیا، جن کا انتخاب جنس، قومیت اور موسیقی کے انداز کی بنیاد پر کیا گیا تھا۔ نتائج سے معلوم ہوا کہ مشہور گلوکار اوسطاً 75 سال جبکہ کم معروف گلوکار 79 سال تک زندہ رہے۔
مطالعے کے مطابق شہرت کا زندگی پر اثر کبھی کبھار سگریٹ پینے کے برابر ہے۔ محققین کا کہنا ہے کہ شہرت حاصل کرنا صحت کے مسائل کے لیے ایک اہم موڑ ثابت ہو سکتا ہے، جس کے ساتھ ذہنی دباؤ، رازداری کا خاتمہ اور عوامی نگرانی جیسے عوامل جڑے ہوئے ہیں۔
یہ بھی پڑھیے: مضامین لکھوانے کے لیے مصنوعی ذہانت پر انحصار دماغ کو کمزور کرتا ہے، تحقیق میں انکشاف
سولو آرٹسٹس میں موت کا خطرہ مزید بڑھا ہوا پایا گیا کیونکہ بینڈ ممبرز جیسی ’جذباتی اور عملی مدد‘ انہیں میسر نہیں ہوتی۔ تحقیق میں جنس کے لحاظ سے واضح عدم توازن بھی پایا گیا، جس میں 83.
ماضی میں ’لائیو فاسٹ، ڈائی ینگ‘ طرزِ زندگی اور منشیات و الکوحل کے استعمال کو بھی نوجوان فنکاروں کی اموات سے جوڑا جاتا رہا ہے۔ پاپ اسٹارز میں کم عمری کی شہرت کو بھی زیادہ خطرے کا سبب قرار دیا گیا ہے۔
حالیہ برسوں میں میک ملر، ایویچی اور لیئم پین جیسے نوجوان فنکاروں کی موت نے مداحوں کو شدید صدمہ پہنچایا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
صحت طب عمر فنکار موت موسیقارذریعہ: WE News
پڑھیں:
ہر سال اپنا نام بدلنے والا روسی شہری، وجہ جان کر آپ بھی حیران رہ جائیں گے
روس کے شہر ٹیومین میں ایک آدمی ایسا ہے جو ہر سال اپنا پورا نام بدل دیتا ہے—پہلا نام، خاندانی نام اور والد کا نام بھی شامل ہیں۔
رپورٹس کے مطابق یہ شہری یہ کام اس لیے کرتا ہے تاکہ چائلڈ سپورٹ کی ادائیگی سے بچ سکے۔ بعد میں وہ دوبارہ اپنا اصل نام رکھ لیتا ہے اور یہ چکر ہر سال دہراتا رہتا ہے۔
تاہم حیرت کی بات یہ ہے کہ اس کی یہ حکمت عملی کام نہیں آتی۔ روس کے رجسٹری آفس نئے نام کی تبدیلی کی اطلاع عدالت کو دیتا ہے، جس کی وجہ سے اس کی قانونی ذمہ داری ختم نہیں ہوتی۔
روس میں چائلڈ سپورٹ کی ادائیگی نہ کرنے پر سخت قانونی نتائج سامنے آ سکتے ہیں۔ ان میں جرمانہ، ڈرائیونگ لائسنس کی معطلی اور بیرونِ ملک سفر پر پابندی شامل ہے۔ اگر کوئی شخص جان بوجھ کر ادائیگی سے بچنے کی کوشش کرے تو اسے فوجداری سزا بھی ہو سکتی ہے، جس میں ایک سال تک اصلاحی سزا، جبری مشقت یا عام طور پر 3 ماہ سے ایک سال تک قید شامل ہے۔
امریکی کانگریس کا بھارت کے خلاف جنگ میں پاکستان کی فتح کا اعتراف،اہم ترین رپورٹ جاری