350 سال بعد ادبی تجربہ، اے آئی کی مدد سے مولیئر کا نیا ڈرامہ تخلیق
اشاعت کی تاریخ: 19th, November 2025 GMT
اگر مایہ ناز فرانسیسی ڈرامہ نگار، شاعر اور اداکار مولیئر اسٹیج پر اپنا ڈرامہ ’دی امیجِنری اِنویلڈ‘ ادا کرتے ہوئے گر کر جاں بحق نہ ہوتے تو اُن کا اگلا کھیل کیا ہوسکتا تھا؟ اسی سوال کا جواب تلاش کرنے کے لیے فرانسیسی ماہرین، فنکاروں اور ایک اے آئی کمپنی نے مشترکہ کوشش کی ہے۔
اس تحقیق کا نتیجہ ایک نئے مزاحیہ ڈرامے ’فالس اومین‘ یعنی جھوٹے شگون کی صورت میں سامنے آیا ہے جو اگلے برس پیلس آف ورسائی میں پیش کیا جائے گا—وہی محل جہاں صدیوں قبل مولیئر کے سرپرست بادشاہ لوئی چہار دہم دربار لگایا کرتے تھے۔
یہ بھی پڑھیں: ہنگری کے مصنف لازلو کراسناہورکائی ادب کے نوبیل انعام کے حقدار قرار
منصوبے سے وابستہ محقق ہیوگو کیسلیس-ڈوپرے کا کہنا ہے کہ انہوں نے سوچا کیوں نہ موج ودہ اے آئی ٹیکنالوجی کی مدد سے مولیئر کے تخلیقی عمل کو دوبارہ تخلیق کرنے کی کوشش کی جائے۔
فرانسیسی ثقافت کی نمائندہ شخصیتفرانس میں مولیئر کو ایک علامتی حیثیت حاصل ہے، یہاں تک کہ فرانسیسی زبان کو کبھی کبھار ’مولیئر کی زبان‘ بھی کہا جاتا ہے، اُن کے ڈرامے، جو طنزیہ مزاح اور سماجی تبصرے سے بھرپور ہوتے ہیں، فرانسیسی اسکولوں میں پڑھائے جاتے ہیں اور فرانسیسی دنیا بھر میں باقاعدگی سے اسٹیج کیے جاتے ہیں۔
Scholars and AI artists in Paris used artificial intelligence to write a play in the style of Moliere, the renowned 17th-century playwright https://t.
— Reuters (@Reuters) November 19, 2025
لوئی چہار دہم کی سرپرستی کے باوجود مولیئر نے اپنی زندگی کا بڑا حصہ سختیوں میں گزارا اور 51 برس کی عمر میں تھکن کے باعث وفات پاگئے، پیچھے یہ سوال چھوڑتے ہوئے کہ اُن کا اگلا طنزیہ نشانہ کون ہوتا؟
فرانسیسی کمپنی مسٹرال اے آئی کی سرپرستی میں جاری منصوبہ کاروں کے مطابق، ممکن ہے کہ وہ اس بار نجومیوں کو نشانہ بناتے۔
ڈرامے کے ڈائریکٹر اور آرٹ ہسٹورین میکائل بوفارڈ کے مطابق انہوں نے تلاش کیا کہ مولیئر کس نوعیت کا کھیل لکھ سکتے تھے۔ ’ان کے کام میں ایک موضوع جو بار بار مگر بڑے لطیف انداز میں سامنے آتا ہے، وہ ہے نجومیات۔‘
ڈرامے کی کہانینیا ڈرامہ ایک بھولے بھالے رئیس جیرونت کے گرد گھومتا ہے جو ایک دھوکے باز نجومی کے جھانسے میں آجاتا ہے، یہ نجومی جیرونت کی بیٹی کی شادی ایک فریبی وگ بنانے والے شخص سے کرانے کی سازش کرتا ہے، حالانکہ بیٹی کسی اور سے محبت کرتی ہے۔
اے آئی پر مکمل انحصار؟ڈرامے کا متن بنانے میں اے آئی نے مدد تو کی، مگر محققین نے تاریخی غلطیوں اور دیگر خامیوں کی باقاعدہ اصلاح کی۔
اس عمل نے ماہرین کو مولیئر کی فنی تکنیک کو ساڑھے تین صدی بعد مزید گہرائی سے سمجھنے میں مدد دی۔
ڈائریکٹر میکائل بوفارڈ کے مطابق انہوں نے مولیئر کے بارے میں وہ چیزیں سیکھیں جو پہلے ان کی نظر سے اوجھل تھیں کیونکہ وہ اُن کے کام میں بہت بکھری ہوئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرٹ ہسٹورین اداکار پیلس آف ورسائی ڈرامہ نگار شاعر فرانسیسی مولیئر نجومیذریعہ: WE News
کلیدی لفظ: آرٹ ہسٹو رین اداکار پیلس آف ورسائی ڈرامہ نگار مولیئر اے آئی
پڑھیں:
یوکرین فرانس سے 100 رافیل طیارے خریدے گا، اہم دفاعی معاہدہ طے پا گیا
data-id="863a0a8" data-element_type="widget" data-widget_type="theme-post-content.default">
یوکرین کے صدر ولادیمیر زیلنسکی نے فرانس کے ساتھ ایک اہم دفاعی معاہدے پر دستخط کر دیے ہیں۔
غیر ملکی میڈیا کے مطابق اس معاہدے کے تحت یوکرین آئندہ دس برسوں میں فرانس سے ایک سو رافیل لڑاکا طیاروں سمیت ڈرون، ریڈار، فضائی دفاعی نظام، اسمارٹ گائیڈڈ بم اور دیگر جدید عسکری آلات خریدے گا۔
پیرس میں فرانسیسی صدر کے ساتھ مشترکہ پریس کانفرنس کرتے ہوئے صدر زیلنسکی نے اس معاہدے کو تاریخی پیش رفت قرار دیا اور کہا کہ اس سے یوکرین کی طویل مدتی سکیورٹی مزید مضبوط ہوگی۔
فرانسیسی صدر میکرون نے بھی اسے دونوں ممالک کے اسٹریٹجک روابط میں ایک نئے دور کا آغاز قرار دیا۔ ان کا کہنا تھا کہ معاہدے میں شامل ڈرون، انٹرسیپٹر، گائیڈڈ میزائل اور جدید ایئر ڈیفنس سسٹمز کی پہلی کھیپ کی ترسیل آئندہ تین سال کے اندر شروع کردی جائے گی۔
شکارپور: 2 گروپوں میں فائرنگ، 5 افراد قتل