جی 7 ممالک کا غزہ منصوبےکی حمایت کا اعادہ، اسرائیلی قیدیوں کی باقیات کی واپسی پر زور
اشاعت کی تاریخ: 13th, November 2025 GMT
وزرائے خارجہ نے غزہ میں امداد پہنچانے میں رکاوٹوں پر تشویش کا اظہار کیا اور تمام فریقین سے بغیر رکاوٹ بڑے پیمانے پر غزہ میں انسانی امداد کی اجازت دینے کا مطالبہ کیا۔ اسلام ٹائمز۔ جی سیون ممالک نے امریکی صدر ڈونلڈ ٹرمپ کے غزہ منصوبے کی حمایت کا اعادہ کر دیا۔ کینیڈا میں جی سیون ممالک کے وزرائے خارجہ کا اجلاس ہوا، جس میں غزہ کی صورتحال، یوکرین روس جنگ سمیت دیگر امور پر گفتگو کی گئی۔ جی سیون ممالک کے وزرائے خارجہ نے اجلاس کے بعد مشترکہ اعلامیے میں اسرائیلی قیدیوں کی باقیات کی فوری واپسی پر زور دیا۔
وزرائے خارجہ نے غزہ میں امداد پہنچانے میں رکاوٹوں پر تشویش کا اظہار کیا اور تمام فریقین سے بغیر رکاوٹ بڑے پیمانے پر غزہ میں انسانی امداد کی اجازت دینے کا مطالبہ کیا۔ جی سیون وزرائے خارجہ نے یوکرین کے توانائی ڈھانچے پر روس کے حملوں کی مذمت کرتے ہوئے یوکرین روس جنگ بندی پر زور دیا۔ برطانیہ نے روسی حملوں سے تباہ شدہ بجلی، پانی اور توانائی کے دیگر بنیادی ڈھانچوں کی بحالی میں مدد کے لیے یوکرین کو 17 ملین ڈالر فراہم کرنے کا اعلان کیا۔
ذریعہ: Islam Times
کلیدی لفظ: جی سیون
پڑھیں:
اسرائیل غزہ میں امداد کا داخلہ روک رہا ہے، یونیسیف
اقوام متحدہ کے امدادی ادارے نے اعلان کیا ہے کہ قابض صیہونی رژیم نے غزہ کی پٹی میں جنگبندی شروع ہونے کے بعد سے لیکر اب تک 271 فلسطینی شہریوں کو شہید اور 622 دیگر کو زخمی کیا ہے اسلام ٹائمز۔بچوں کی امداد کیلئے اقوام متحدہ کے عالمی ادارے یونیسیف (UNICEF) نے اعلان کیا ہے کہ اسرائیل، بچوں کی ویکسینیشن کے لئے سرنجوں اور فارمولا دودھ کی بوتلوں کو غزہ میں داخل ہونے سے مسلسل روک رہا ہے۔ یونیسیف نے وضاحت کی کہ غزہ میں جنگ بندی شروع ہونے کے بعد سے، اسرائیل نے 107 بچوں سمیت 271 فلسطینی شہریوں کو شہید اور 221 بچوں سمیت 622 افراد کو زخمی کیا ہے۔ اپنی رپورٹ میں یونیسیف نے تاکید کی کہ ان میں سے زیادہ تر جرائم "یلو لائن" کے پیچھے وقوع پذیر ہوئے ہیں۔ اقوام متحدہ کے ذیلی ادارے نے لکھا کہ اس حقیقت کے باوجود کہ جنگ بندی کی دفعات کے تحت غزہ کی پٹی میں روزانہ 600 امدادی ٹرک داخل ہونے چاہئیں، تاہم اس وقت غزہ کی پوری پٹی میں روزانہ 200 سے زائد ٹرک داخل نہیں رہے۔ یونیسیف نے مزید کہا کہ اسرائیلیوں نے نہ صرف غزہ میں ہسپتالوں، بجلی اور پانی کے اسٹیشنوں کے لئے ایندھن اور ضروری آلات کے، معمول کے مطابق داخلے کو بھی روک رکھا ہے بلکہ بھاری مشینری کے داخلے پر بھی سخت پابندی عائد کر دی ہے۔
لاہور ہائیکورٹ کا دھواں چھوڑنے والی گاڑیوں کیخلاف سخت کارروائی کا حکم