جی 7 ممالک کا غزہ منصوبےکی حمایت کا اعادہ، یرغمالیوں کی باقیات کی واپسی پر زور
اشاعت کی تاریخ: 13th, November 2025 GMT
data-id="863a0a8" data-element_type="widget" data-widget_type="theme-post-content.default">
جی سیون ممالک نے امریکی صدر ڈونلڈ ٹرمپ کے غزہ امن منصوبے کی حمایت ایک بار پھر دہرا دی ہے۔ کینیڈا میں منعقد ہونے والے جی سیون وزرائے خارجہ کے اجلاس میں غزہ کی موجودہ صورتحال، یوکرین اور روس کی جنگ سمیت عالمی سلامتی سے متعلق مختلف امور پر تفصیلی تبادلہ خیال کیا گیا۔
اجلاس کے بعد جاری مشترکہ اعلامیے میں وزرائے خارجہ نے اسرائیلی یرغمالیوں کی باقیات کی فوری واپسی پر زور دیتے ہوئے کہا کہ انسانی بنیادوں پر غزہ میں امداد کی فراہمی کو کسی قسم کی رکاوٹ کے بغیر ممکن بنایا جائے۔ وزرائے خارجہ نے اس بات پر تشویش کا اظہار کیا کہ امدادی سامان کی ترسیل میں مسلسل مشکلات غزہ کے شہریوں کے لیے سنگین انسانی بحران پیدا کر رہی ہیں۔
جی سیون رہنماؤں نے روس کی جانب سے یوکرین کے توانائی اور شہری ڈھانچے پر حملوں کی شدید مذمت کی اور فوری جنگ بندی کی ضرورت پر زور دیا۔ برطانیہ نے اعلان کیا کہ وہ یوکرین کے تباہ شدہ بجلی، پانی اور توانائی کے بنیادی ڈھانچوں کی بحالی کے لیے 17 ملین ڈالر کی مالی امداد فراہم کرے گا تاکہ عوام کو ضروری سہولیات دوبارہ میسر آ سکیں۔
ذریعہ
ذریعہ: Jasarat News
پڑھیں:
یورپی یونین کی اعلیٰ نمائندہ برائے امور خارجہ آج اسلام آباد پہنچیں گی
اسلام آباد(نیوز ڈیسک) یورپی یونین کی اعلیٰ نمائندہ برائے امور خارجہ اور یورپی کمیشن کی سلامتی پالیسی کی نائب صدر کایہ کالس اسلام آباد کا دورہ کریں گی۔
نجی ٹی وی چینل کےمطابق سفارتی ذرائع کا کہنا ہے کہ کایہ کالس 31 مئی کو اسلام آباد پہنچیں گی، یورپی یونین کی اعلیٰ نمائندہ کی پاکستان کی اعلیٰ قیادت سے ملاقاتیں بھی متوقع ہیں۔
یوکرین تنازع، امریکہ اسرائیل ایران جنگ اور عالمی توانائی و اقتصادی بحران کے تناظر میں دورہ اہمیت کا حامل ہے۔
مزید پڑھیں۔بجٹ کے بعد کون سے موبائل فون سستے ہو رہے ہیں؟ اہم خبر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ