پاکستان آئی سی سی ون ڈے رینکنگ میں چوتھے نمبر پر پہنچ گیا
اشاعت کی تاریخ: 12th, November 2025 GMT
سری لنکا کے خلاف پہلے سنسنی خیز ون ڈے میں 6 رنز سے کامیابی حاصل کر کے پاکستان نے آئی سی سی مردوں کی ون ڈے ٹیم رینکنگ میں چوتھی پوزیشن پر پہنچ گیا ہے۔
گزشتہ روز راولپنڈی کرکٹ اسٹیڈیم میں کھیلے گئے میچ میں اس سنسنی خیز فتح سے نہ صرف 3 میچوں کی سیریز میں پاکستان کو 0-1 کی برتری حاصل ہوگئی ہے بلکہ اس کے ساتھ ہی سری لنکا 5ویں نمبر پر چلا گیا۔
یہ بھی پڑھیں: ون ڈے اور ٹی20 پلیئرز کی نئی رینکنگ جاری، قومی کھلاڑیوں کی پوزیشن کیا ہے؟
یہ پیش رفت پاکستان کے لیے ایک حوصلہ افزا خبر ہے، خاص طور پر اس تناظر میں کہ قومی ٹیم اس وقت ٹیسٹ اور ٹی20 رینکنگ میں 7ویں نمبر پر موجود ہے۔
Pakistan Moves to Number 4 in ICC ODI Rankings
Right Direction pic.
— ٰImran Siddique (@imransiddique89) November 12, 2025
جنوبی افریقہ کے خلاف ون ڈے اور ٹی20 سیریز 2-1 سے جیتنے کے بعد پاکستان نے اپنی عمدہ فارم کو برقرار رکھتے ہوئے سری لنکا کے خلاف پہلے ون ڈے میں بھی شاندار کارکردگی دکھائی۔
پاکستان نے پہلے بیٹنگ کرتے ہوئے 5 وکٹوں کے نقصان پر 299 رنز بنائے، سلمان علی آغا نے 87 گیندوں پر شاندار ناقابلِ شکست 105 رنزکی اننگز کھیلی، جس میں دلکش اسٹروک پلے شامل تھا۔
ان کی اس کارکردگی پر انہیں ’پلیئر آف دی میچ‘ کا ایوارڈ دیا گیا، جب کہ وہ آئی سی سی کی تازہ بیٹنگ رینکنگ میں 14 درجے ترقی پاکر 16ویں نمبر پر پہنچ گئے، جو ان کے کیریئر کا بہترین 639 ریٹنگ پوائنٹس کا اسکور ہے۔
مزید پڑھیں: بابر اعظم نے بین الاقوامی کرکٹ میں 15 ہزار رنز کا سنگ میل عبور کرلیا
آل راؤنڈر حسین طلعت نے 63 گیندوں پر 62 رنز بنا کر بھرپور ساتھ دیا، جب کہ محمد نواز نے 36 رنز کی کارآمد اننگز کھیل کر ٹیم کا مجموعہ 300 کے قریب پہنچایا۔
جواب میں سری لنکا نے بھرپور مقابلہ کیا۔ ونندو ہسارنگا نے 52 گیندوں پر 59 رنز اور سدھیرا سماراوکراما نے 39 رنز بنائے، مگر پوری ٹیم 50 اوورز میں 9 وکٹوں پر 293 رنز تک محدود رہی۔
مزید پڑھیں: ٹی 20 کرکٹ میں سب سے زیادہ رنز، بابر اعظم نئے ریکارڈ سے کتنے دور؟
فاسٹ بولر حارث رؤف نے شاندار بولنگ کرتے ہوئے 61 رنز کے عوض 4 وکٹیں حاصل کیں۔ فہیم اشرف اور نسیم شاہ نے 2 دو کھلاڑیوں کو آؤٹ کیا، جب کہ محمد نواز نے ایک وکٹ حاصل کی۔
دونوں ٹیمیں جمعرات کو اسی مقام پر دوسرا ون ڈے کھیلیں گی، جہاں پاکستان سیریز میں مسلسل دوسری فتح کے لیے پُرامید ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل راؤنڈر پاکستان پلیئر آف دی میچ حسین طلعت راولپنڈی سری لنکا سلمان علی آغا سنسنی خیز کرکٹ کرکٹ اسٹیڈیم ون ڈے رینکنگ
ذریعہ
ذریعہ: WE News
کلیدی لفظ: پاکستان پلیئر آف دی میچ راولپنڈی سری لنکا سلمان علی آغا کرکٹ کرکٹ اسٹیڈیم ون ڈے رینکنگ سری لنکا
پڑھیں:
کالم نگار کو بیوروکریسی کے بارے میں مبینہ ریمارکس پر نوٹس صرف مؤقف حاصل کرنے کے لیے جاری کیا گیا تھا، اس پر کوئی ایف آئی آر درج نہیں کی گئی، سینیٹ کی قائمہ کمیٹی برائے اطلاعات و نشریات کے اجلاس میں این سی سی آئی کی بریفنگ
اسلام آباد (ڈیلی پاکستان آن لائن)سینیٹر سرمد علی کی قائم مقام صدارت میں پی ٹی وی ہیڈ کوارٹر اسلام آباد میں سینیٹ کی قائمہ کمیٹی برائے اطلاعات و نشریات کا اجلاس منعقد ہوا جس میں این سی سی آئی اے کی جانب سے سوشل میڈیا کے اعداد و شمار اور میٹا کی جانب سے قابلِ اعتراض مواد ہٹانے کے حوالے سے بریفنگ دی گئی۔ این سی سی آئی اے نے واضح کیا کہ اس سے قبل کمیٹی کو جو اعداد و شمار فراہم کیے گئے تھے، وہ میٹا کے عوامی سطح پر دستیاب ڈیٹا پر مبنی تھے۔ کمیٹی نے اس وضاحت کو قبول کیا اور تصدیق شدہ حقائق کی بنیاد پر ذمہ دارانہ رپورٹنگ کی ضرورت پر زور دیا۔
کمیٹی نے بیوروکریسی کے بارے میں مبینہ متنازعہ ریمارکس پر ایک اخبار کے کالم نگار کو نوٹس جاری کرنے کے معاملے کا بھی جائزہ لیا۔ این سی سی آئی اے نے کمیٹی کو بتایا کہ یہ نوٹس پاس (PAS) افسران ایسوسی ایشن کے صدر کی طرف سے درج کرائی گئی شکایات کے بعد صرف کالم نگار کا مؤقف حاصل کرنے کے لیے جاری کیا گیا تھا۔ مزید آگاہ کیا گیا کہ پیکا کے تحت کوئی ایف آئی آر درج نہیں کی گئی، کالم نگار نے تاحال نوٹس کا جواب نہیں دیا، اور یہ مضمون اخبار کے ای پیپر سے ہٹا دیا گیا ہے، اگرچہ یہ کالم نگار کے فیس بک پیج پر اب بھی دستیاب ہے۔
سینیٹ کی قائمہ کمیٹی برائے اطلاعات و نشریات کا اجلاس،فلم "بلھا" پر پابندی یا نام تبدیلی کی سفارش، صحافیوں کے ہاؤسنگ کوٹے اور پیکا کیسز پر اہم فیصلے
بحث کے دوران اراکین نے پارلیمنٹ میں دی گئی حکومت کی اس یقین دہانی کو دہرایا کہ پیکا کا استعمال اخبارات اور ٹیلی ویژن کی ویب سائٹس یا ڈیجیٹل پلیٹ فارمز کے خلاف نہیں کیا جائے گا کیونکہ ان کے منظم کردہ مواد کو بالترتیب پریس کونسل اور پیمرا کنٹرول کرتے ہیں۔ سینیٹر پرویز رشید نے اس بات پر زور دیا کہ حقائق واضح کرنے کے لیے کالم نگار کو نوٹس کا جواب دینے کا کہا جائے۔ کمیٹی نے متفقہ طور پر مشاہدہ کیا کہ ہر فرد کی عزت اور تقدس کا احترام کیا جانا چاہیے۔ مشاورت کے بعد، قائم مقام چیئرمین نے این سی سی آئی اے کو ہدایت کی کہ وہ شکایت اور شکایات کنندہ دونوں کو پریس کونسل آف پاکستان کے پاس بھیجیں، جو کہ شائع شدہ کالم کا جائزہ لینے اور اس معاملے پر فیصلہ کرنے والا مناسب فورم ہے۔
کمیٹی نے صوبائی حکام سے پیکا کے مقدمات کی این سی سی آئی اے کو منتقلی کا بھی جائزہ لیا۔ سینیٹر وقار مہدی کے سوال پر این سی سی آئی اے کے حکام نے کمیٹی کو بتایا کہ سندھ سے اب تک صرف نو مقدمات منتقل کیے گئے ہیں، جبکہ دیگر صوبوں میں مقدمات کی منتقلی کا عمل ابھی باقی ہے۔ تفصیلی غوروخوض کے بعد، سینیٹر سرمد علی نے ہدایت کی کہ تمام متعلقہ صوبائی حکام کو خطوط بھیجے جائیں تاکہ عمل درآمد کے لیے سینیٹ کی ذیلی کمیٹی برائے اطلاعات و نشریات کی سفارشات اور رپورٹ کے ساتھ زیر التوا مقدمات کی منتقلی کو تیز کیا جا سکے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی