’آپ لوگوں کو شرم آنی چاہیے‘، سنی دیول گھر کے باہر کھڑے فوٹوگرافرز پر برس پڑے
اشاعت کی تاریخ: 13th, November 2025 GMT
بالی ووڈ کے معروف اداکار سنی دیول نے دھرمیندر کے گھر کے باہر موجود فوٹوگرافرز پر سخت برہمی کا اظہار کیا، جو خاندان کے جذباتی لمحات کی تصاویر اور ویڈیوز بنا رہے تھے۔
دھرمیندر کی صحت سب کے لیے تشویش کا باعث بنی ہوئی تھی، کیونکہ حال ہی میں انہیں سانس لینے میں دشواری کی شکایت کے بعد اسپتال لے جایا گیا تھا۔ کئی نیوز چینلز نے ان کی موت کے بارے میں قیاس آرائیاں کیں، جنہیں بعد میں ان کے اہل خانہ نے مسترد کر دیا۔ اس دوران اداکار کے خاندان نے میڈیا سے پرائیویسی کی درخواست کی تھی۔
یہ بھی پڑھیں: بالی ووڈ اداکار دھرمیندر اسپتال سے ڈسچارج، اب طبعیت کیسی ہے؟
سوشل میڈیا پر دھرمیندر کے اہل خانہ کی ملاقاتوں کی ویڈیوز وائرل ہو رہی ہیں۔ کیمرہ مین مسلسل خاندان کے جذباتی لمحات کو زوم کر کے ریکارڈ کر رہے تھے۔ جس پر سنی دیول نے گھر کے باہر موجود کیمرہ مینز پر غصے کیا۔
Mumbai, Maharashtra: Actor Sunny Deol steps out of his bungalow and conveys his displeasure to journalists with folded hands pic.
— IANS (@ians_india) November 13, 2025
ان کا کہنا تھا کہ ’آپ لوگوں کو شرم آنی چاہیے، آپ کے گھر میں ماں باپ ہیں، آپ کے بچے ہیں۔ اور آپ لوگ ویڈیو کر رہے ہو۔ شرم نہیں آتی‘۔
یاد رہے کہ دھرمیندر کو 31 اکتوبر 2025 کو سانس کی دشواری کے باعث اسپتال میں داخل کیا گیا تھا۔ ان کی صحت کے حوالے سے پہلی افواہیں یکم نومبر کو سامنے آئیں، جس کے بعد 10 نومبر کو رپورٹس میں کہا گیا کہ انہیں دوبارہ اسپتال لے جایا گیا۔ اس کے بعد سوشل میڈیا پر ان کی موت کی جھوٹی خبریں بڑے پیمانے پر پھیل گئیں۔
یہ بھی پڑھیں: ’وہ زندہ ہیں‘، دھرمیندر کی موت کی خبروں پر اہلِ خانہ کا سخت ردِعمل
ہیما مالینی اور ایشا دیول نے معروف فلم اسٹار دھرمیندر کی موت کے حوالے سے پھیلنے والی جھوٹی خبروں کی سختی سے تردید کی اور مداحوں کو یقین دلایا کہ وہ صحتیاب ہو رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشا دیول بالی ووڈ دھرمیندر دھرمیندر انتقال دھرمیندر موت ہیما مالنیذریعہ: WE News
کلیدی لفظ: ایشا دیول بالی ووڈ دھرمیندر انتقال دھرمیندر موت ہیما مالنی کی موت
پڑھیں:
سازش کرنے والوں کے خلاف سخت کارروائی ہوگی، دہلی کار دھماکہ پر نریندر مودی کا ردعمل
دہلی میں لال قلعہ کے پاس کار میں دھماکہ کی شدت اتنی خطرناک تھی کہ آس پاس موجود دیگر گاڑیوں اور لوگوں کے پرخچے اڑ گئے۔ اب تک اس حادثہ میں مہولین کی تعداد 12 ہوگئی ہے۔ اسلام ٹائمز۔ بھارت کے وزیراعظم نریندر مودی نے بھوٹان کے دورے کے دوران دہلی میں ہوئے خطرناک حادثہ پر اظہار افسوس کیا اور متاثرہ فیملی کے تئیں اظہار تعزیت کیا۔ انہوں نے کہا کہ وہ بھاری دل سے بھوٹان آئے ہیں کیونکہ گزشتہ شام (10 نومبر) کے حادثہ نے پورے ملک کو گہرے صدمے میں ڈال دیا ہے۔ نریندر مودی نے بتایا کہ وہ پوری رات حادثہ کی جانچ میں مصروف سبھی ایجنسیوں کے ساتھ رابطے میں رہے اور ضروری احکامات دیتے رہے۔ انہوں نے واضح الفاظ میں کہا کہ اس سازش کی گہرائی تک پہنچنے کے لئے سبھی وسائل لگائے جائیں گے اور اس کے پیچھے کے سازش کرنے والوں کو بخشا نہیں جائے گا۔
بھارت کے وزیراعظم نریندر مودی نے کہا کہ حادثے میں جن اہل خانہ نے اپنے عزیزوں کو گنوایا ہے، پورا ملک ان کے غم میں شریک ہے۔ انہوں نے سوگوار خاندانوں سے تعزیت کا اظہار کیا اور زخمیوں کی جلد صحتیابی کی دعا کی۔ سیکورٹی اور قانون نافذ کرنے والے اداروں کو مکمل اختیار دیا گیا ہے کہ وہ مجرموں کی نشاندہی کریں اور اس دھماکہ میں شامل قصورواروں کے خلاف سخت ترین ممکنہ کارروائی کو یقینی بنانے کے لئے منصفانہ اور فوری تحقیقات کو یقینی بنائیں۔
نریندرمودی نے کہا کہ آج کا دن بھوٹان، اس کے شاہی خاندان اور عالمی امن میں یقین رکھنے والے تمام لوگوں کے لئے بہت اہم ہے۔ انہوں نے کہا کہ ہندوستان اور بھوٹان کے درمیان صدیوں سے خوشگوار، روحانی اور ثقافتی تعلقات رہے ہیں جو دونوں ممالک کی مشترکہ وراثت کی عکاسی کرتے ہیں۔ انہوں نے کہا کہ اس تاریخی موقع پر شرکت کرنا نہ صرف ہندوستان کے لئے بلکہ ان کے لئے بھی ایک عزم اور عزم کی علامت ہے۔ انہوں نے کہا کہ ہندوستان ہمیشہ بھوٹان کے ساتھ کھڑا رہے گا اور وقت کے ساتھ ساتھ دونوں ممالک کے تعلقات مزید مضبوط ہوں گے۔
دہلی میں لال قلعہ کے پاس کار میں دھماکہ کی شدت اتنی خطرناک تھی کہ آس پاس موجود دیگر گاڑیوں اور لوگوں کے پرخچے اڑ گئے۔ اب تک اس حادثہ میں مہولین کی تعداد 12 ہوگئی ہے۔ پولیس نے منگل کو یہ جانکاری دی ہے۔ وہیں 20 سے زیادہ لوگ زخمی ہیں، جن کا اسپتال میں علاج جاری ہے۔ ان میں سے کئی لوگوں کی حالت سنگین ہے۔ واضح رہے کہ لال قلعہ میٹرو کے گیٹ نمبر ایک کے پاس سست رفتار سے چل رہی ایک کار میں زبردست دھماکہ ہوا تھا۔
صہیونی رجیم کے مقابلے میں مسلمان ممالک کی قوت کے استعمال کی ضرورت