سونے کی عالمی اور مقامی مارکیٹوں میں قیمت میں اچانک بڑا اضافہ
اشاعت کی تاریخ: 13th, November 2025 GMT
کراچی:
سونے کی عالمی اور مقامی مارکیٹوں میں 2 دن کے وقفے کے بعد قیمتوں میں آج اچانک بڑا اضافہ ہوگیا۔
بین الاقوامی بلین مارکیٹ میں آج فی اونس سونے کی قیمت میں یک دم 83ڈالر کا اضافہ ریکارڈ ہوا، جس کے نتیجے میں نئی عالمی قیمت 4ہزار 207 ڈالر کی سطح پر آگئی ۔
مقامی صرافہ بازاروں میں آج جمعرات کے روز 24 قیراط کے حامل فی تولہ سونے کی قیمت بھی 8ہزار 300روپے کے بڑے اضافے سے 4لاکھ 43ہزار 062روپے کی سطح پر آگئی جب کہ فی 10 گرام سونے کی قیمت 7ہزار 116 روپے بڑھ کر 3لاکھ 79ہزار 854 روپے کی سطح ہو گئی۔
مارکیٹ پر نظر رکھنے والے تجزیہ کاروں کے مطابق سرمایہ کاروں کی اپنے اثاثوں کو ڈی ویلیوایشن سے محفوظ بنانے کی غرض سے خالص سونے میں انویسٹمنٹ اور برکس ممالک کی طلب بڑھنے سے عالمی اور مقامی مارکیٹوں میں عارضی کمی کے بعد سونے کی قیمتوں اضافے کا رحجان دوبارہ غالب ہوگیا ہے۔
دریں اثنا ملک میں فی تولہ چاندی کی قیمت بھی 228روپے کے اضافے سے 5ہزار 662روپے اور فی 10 گرام چاندی کی قیمت بھی 196روپے کے اضافے سے 4ہزار 854روپے کی سطح پر آگئی۔
.ذریعہ: Express News
کلیدی لفظ: سونے کی قیمت کی سطح
پڑھیں:
چاندی کی بڑھتی قیمت، کیا چاندی سونے کی جگہ لے رہی ہے؟
سونے کی قیمت میں مسلسل اضافے نے مینوفیکچررز اور خریداروں کو مشکل میں ڈال دیا ہے، شادی کا سیزن شروع ہونے کے باوجود سونے کے زیورات بنانے والوں کا کاروبار ٹھنڈا ہے لیکن ساتھ ہی بڑے بڑے برانڈز نے اپنی نظریں چاندی پر گاڑھ لی ہیں اور چاندی کے بسکٹس بنانا شروع ہوگئے ہیں۔
اس حوالے سے جانتے ہیں کہ سونے اور چاندی کا مستقبل کیا ہے؟
چئیرمین آل پاکستان جیولرز مینوفیکچرر ایسوسی ایشن محمد ارشد نے وی نیوز کو بتایا کہ سونے کی قیمت کا اندازہ لگانا آسان کام نہیں، اس کا انحصار عالمی مارکیٹ پر ہوتا ہے۔
مزید پڑھیں: فرانس میں گھر کے مالک کو باغیچے میں دبایا گیا 8 لاکھ ڈالر مالیت کا سونا مل گیا
ان کا کہنا ہے کہ ایک امید تھی کہ ڈونلڈ ٹرمپ اور چین کے صدر کے مابین ملاقات سے سونے کی قیمتیں نیچے آجائیں گی لیکن ایسا نہ ہوا کیوں کہ جہاں سب سوچ رہے تھے کہ چین کو ٹیرف میں 25 فیصد ریلیف مل جائے گا لیکن صرف 10 فیصد ہی ریلیف دیا گیا۔
محمد ارشد کے مطابق سونے کی اس قیمت پر کام کرنا ہمارے لیے مشکل ہوگیا ہے، اس سے پہلے کبھی ایسا نہیں ہوا کہ سونے کی قیمت میں 200 یا 300 ڈالر کا اتار چڑھاؤ آیا ہو۔ کبھی 5 یا کبھی 10 ڈالر آجاتا تھا جو قابل برداشت تھا لیکن اب جو صورت حال ہے اس میں تو مینوفیکچرر اور خریدار پریشان ہیں کیوں کہ یہ شادیوں کا سیزن ہے اور اس سیزن میں سونے کی جیولری دینا ایک روایت ہوا کرتی تھی۔
محمد ارشد نے کہاکہ اب چاندی نے سونے کی جگہ لے لی ہے پہلے سونا جس ریٹ پر ملتا تھا اب سلور 6 ہزار روپے تولا ہو چکا ہے۔ آنے والا وقت نا صرف چاندی کا ہے بلکہ جیولری بھی چاندی میں منتقل ہو جائے گی۔
ان کا مزید کہنا ہے کہ بہت سارے برانڈز نے سلور بسکٹ لانچ کردیے ہیں اور کچھ کرنے جا رہے ہیں۔
’معیار سب کا ایک جیسا ہے، اس وقت 10 تولے چاندی کی ڈیمانڈ زیادہ نہیں، جو 70 ہزار روپے تک مل رہا ہے جو عام آدمی کی پہنچ میں بھی ہے۔‘
مزید پڑھیں: راولپنڈی کے ایسے جیولرز جو آج بھی اپنے گاہکوں کو سستا سونا دے رہے ہیں
محمد ارشد چاندی کو سونے کا متبادل دیکھ رہے ہیں، ان کے مطابق 1500 روپے فی تولے سے سلور 6 ہزار روپے تولا تک آگیا ہے مستقبل میں سونے کی طرح چاندی کے زیورات بنائے جائیں گے۔ اس سے ہمارا شعبہ دوبارہ اٹھے گا اور کام پھر سے اچھا ہو جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اتار چڑھاؤ چاندی سونا قیمتیں مستقبل وی نیوز
پاک افغان مذاکرات میں پیشرفت، دفترِ خارجہ نے ڈیڈ لاک کی تردید کر دی