اسلام آباد کی تاریخ میں پہلی روبوٹک سرجری کامیابی سے مکمل
اشاعت کی تاریخ: 13th, November 2025 GMT
اسلام آباد کی تاریخ میں پہلی روبوٹک سرجری کامیابی سے مکمل کرلی گئی۔ پمز اسپتال میں سرجری کے لیے جدید ٹومائے سرجیکل روبوٹ کا استعمال کیا گیا اور سرجری میں برطانیہ کے بین الاقوامی ماہرین نے بھی حصہ لیا۔پمز کے پروفیسر شمیم خان، پروفیسر متین شریف اور ڈاکٹر جاوید برکی نے رہنمائی کی جب کہ پمز کے ماہرین ڈاکٹر عاطف انعام شامی، ڈاکٹر برہان الحق اور ڈاکٹر خالد سعید نے بھی اس میں شرکت کی۔ڈائریکٹر روبوٹک سرجری ڈاکٹر متین شریف نے پمز اسپتال میں میڈیا سے گفتگو میں کہا کہ روبوٹک سرجری سے پیچیدہ آپریشن اب زیادہ محفوظ اور مؤثر ہوں گے۔ڈاکٹر متین کے مطابق ٹومائے نام کا روبوٹ چائنا میں بنایا گیا ہے، مشن ہےکہ روبوٹک سرجری پورے پاکستان میں شروع کی جائے ۔انہوں نے مزید کہا کہ حکومت ہمیں سپورٹ کر رہی ہے، ایک خاتون مریضہ کا روبوٹک آپریشن کیا اور اور روبوٹک سرجری سے مریض بہت جلد صحتیاب ہوگا۔
.ذریعہ: Nawaiwaqt
کلیدی لفظ: روبوٹک سرجری
پڑھیں:
دبئی میں پہلی فلائنگ ٹیکسی نے کامیاب آزمائش مکمل کرلی
data-id="863a0a8" data-element_type="widget" data-widget_type="theme-post-content.default">
دبئی: متحدہ عرب امارات نے ٹرانسپورٹ کے شعبے میں ایک اور سنگ میل عبور کر لیا ہے، جہاں اڑنے والی ٹیکسی کی پہلی آزمائشی پرواز کامیابی کے ساتھ مکمل کر لی گئی۔
یہ پرواز جدید ٹیکنالوجی اور ماحول دوست توانائی کے استعمال کی ایک نئی مثال ہے، جس سے دبئی کی اسمارٹ سٹی منصوبے کی رفتار مزید تیز ہونے کی توقع ہے۔
تفصیلات کے مطابق ائیر ٹیکسی نے صحرائی علاقے مرغم سے اُڑان بھری اور دبئی کے المکتوم ائیرپورٹ تک کامیابی سے پرواز مکمل کی۔ اماراتی حکام کے مطابق یہ الیکٹرک ائیر ٹیکسی 320 کلومیٹر فی گھنٹہ کی رفتار سے اڑان بھرنے کی صلاحیت رکھتی ہے اور اس میں 4 مسافروں کے بیٹھنے کی گنجائش ہوگی۔ سب سے اہم بات یہ ہے کہ یہ مکمل طور پر ماحول دوست ہے اور روایتی ہوائی جہازوں کے مقابلے میں نہایت کم شور پیدا کرے گی۔
حکومت کا کہنا ہے کہ دبئی میں ائیر ٹیکسی سروس 2026 تک عوام کے لیے باقاعدہ شروع کر دی جائے گی۔ اس مقصد کے لیے شہری علاقوں میں مزید تجرباتی پروازوں کا شیڈول تیار کر لیا گیا ہے۔ اسکائی پورٹس کمپنی دبئی انٹرنیشنل ائیرپورٹ کے قریب پہلا ائیر ٹیکسی اسٹیشن تعمیر کر رہی ہے، جو اس انقلابی ٹرانسپورٹ نظام کا مرکزی مرکز ہوگا۔
انٹرنیٹ پر شہریوں کا ڈیٹا بیچنے والا ملزم گرفتار، کروڑوں پاکستانیوں کے ڈیٹا پر مشتمل ہارڈ ڈسک برآمد