بالی ووڈ کے لیجنڈری اداکار دھرمیندر کی موت کی خبریں زیر گردش
اشاعت کی تاریخ: 10th, November 2025 GMT
بالی ووڈ انڈسٹری پر راج کرنے والے لیجنڈری اداکار دھرمیندر کی موت کی خبریں زیر گردش ہیں۔
تفصیلات کے مطابق بالی ووڈ کے لیجنڈری اداکار کو 11 روز قبل ممبئی کے بریچ کینڈی اسپتال منتقل کیا گیا تھا جہاں ڈاکٹرز نے اُن کی حالت کو تشویشناک قرار دیتے ہوئے وینٹی لیٹر پر منتقل کیا۔
89 سالہ دھرمیندر کی اسپتال منتقلی کے 11 روز بعد موت کی خبریں آج سامنے آئیں جس کے بعد مداحوں میں بے چینی پھیل گئی تاہم فیملی ذرائع نے تردید کرتے ہوئے بتایا کہ وہ وینٹی لیٹر پر ہیں اور حالت ٹھیک نہیں ہے۔
فیملی ذرائع کا کہنا ہے کہ دھرمیندر کو 31 اکتوبر کو اسپتال منتقل کیا گیا اور پھر اگلے روز حالت بہتر نہ ہونے پر انہیں وینٹی لیٹر پر منتقل کردیا گیا تھا۔
سنی دیول، بوبی دیول اور اداکار کے قریبی ساتھیوں نے دھرمیندر کی موت کی تردید کرتے ہوئے بتایا کہ اُن کی حالت تشویشناک ہیں۔ انہوں نے لیجنڈری اداکار کیلیے دعاؤں کی اپیل بھی کی ہے۔
دوسری جانب انڈین ایکسپریس نے بوبی دیول کے ذرائع کے حوالے سے لکھا کہ دھرمیندر کو وینٹی لیٹر پر منتقل کیا گیا تھا تاہم اب اُن کی حالت خطرے سے باہر ہے تاہم وہ انتہائی نگہداشت وارڈ میں زیر علاج ہیں۔
.
ذریعہ: Express News
کلیدی لفظ: وینٹی لیٹر پر دھرمیندر کی منتقل کیا موت کی
پڑھیں:
ڈپریشن اور اینزائٹی،اداکاروجے ورما نے خاموشی توڑ دی
ممبئی (شوبز ڈیسک) بالی ووڈ کے مشہور اداکار وجے ورما، جو اپنی گہری اور حقیقت پسندانہ اداکاری کے باعث پہچانے جاتے ہیں، نے پہلی بار اپنے ذہنی دباؤ اور اضطراب (اینزائٹی) سے متعلق ذاتی جدوجہد پر کھل کر بات کی ہے۔
ایک حالیہ گفتگو میں 39 سالہ اداکار نے انکشاف کیا کہ انہیں شدید ڈپریشن اور اینزائٹی کی تشخیص ہوئی تھی، جس دوران وہ خود کو “بہت تنہا” اور “خوف زدہ” محسوس کرتے تھے۔
اداکارہ ریا چکرورتی کے پوڈکاسٹ پر گفتگو کرتے ہوئے وجے ورما نے بتایا:
“میں ممبئی کے ایک فلیٹ میں اکیلا رہتا تھا۔ خوش قسمتی سے میرے پاس ایک چھوٹی سی چھت تھی جہاں سے آسمان دیکھ سکتا تھا، قدرت کے قریب رہ سکتا تھا۔ ورنہ شاید میں پاگل ہو جاتا۔ بلکہ، میں ہوا بھی۔”
انہوں نے مزید کہا، “میں نے محسوس کیا کہ مسلسل کام کے پیچھے بھاگنے کی وجہ سے زندگی میں ایک ٹھہراؤ آگیا، اور اس کا نتیجہ یہ نکلا کہ میں بہت زیادہ اکیلا ہو گیا۔ میں خود سے پوچھتا تھا کہ آخر میں چار دن سے صوفے سے اٹھ کیوں نہیں پا رہا؟ میرے ساتھ ہو کیا رہا ہے؟”
اداکار کے مطابق، عامر خان کی بیٹی ایرا خان اور اداکار گلشن دیویاہ نے اس مشکل وقت میں ان کا ساتھ دیا۔ ایرا خان ان دنوں سیریز “دہاد” پر کام کر رہی تھیں، جہاں سے دونوں کی دوستی ہوئی اور وہ اکثر آن لائن بات چیت کرتے تھے۔
وجے ورما نے بتایا کہ جب ان کی حالت مزید خراب ہوئی تو ایرا خان نے انہیں ورزش میں شامل ہونے کی ترغیب دی اور حرکت میں رہنے کا حوصلہ دیا۔ بعدازاں انہوں نے ایک ماہرِ نفسیات (تھراپسٹ) سے رجوع کیا، جنہوں نے تصدیق کی کہ وہ ڈپریشن اور اینزائٹی میں مبتلا ہیں۔
اداکار نے یہ بھی بتایا کہ یوگا اور تھیراپی نے ان کی زندگی میں دوبارہ توازن پیدا کیا۔ انہوں نے روزانہ سوریہ نمسکار شروع کیے اور باقاعدہ طور پر ماہرین سے مدد لی، جس سے ان کی ذہنی حالت میں بہتری آئی۔
پیشہ ورانہ طور پر وجے ورما حال ہی میں فلم IC 814: The Kandahar Hijack اور Murder Mubarak میں نظر آئے، جبکہ ان کی نئی فلم Gustaakh Ishq رواں سال 28 نومبر کو ریلیز ہوگی۔
پاکستان نے جنوبی افریقا کو 2 وکٹوں سے شکست دے دی، سلمان آغا اور رضوان کی شاندار بیٹنگ