حکومت پاکستان کا اماراتی بزنس مین سہیل الزرونی کو خراج تحسین پیش
اشاعت کی تاریخ: 11th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر)حکومت پاکستان نے متحدہ عرب امارات ( یو اے ای) کے معروف بزنس مین اور گنیز ورلڈ ریکارڈ ہولڈر سہیل محمد الزرونی کو ایک اہم سفارتی اقدام کے تحت پاکستانی کمیونٹی کے لیے اُن کی بے لوث خدمات پرشاندار الفاظ میں باضابطہ طور پرخراجِ تحسین پیش کیا ہے۔ پاکستان کے سفیر برائے متحدہ عرب امارات فیصل نیاز ترمذی نے سہیل الزرونی کو تعریفی اسناد پیش کی جس میں اُن کی پاکستانی کمیونٹی کے ساتھ گہری وابستگی اور فلاحی سرگرمیوں کو سراہا گیا۔ سہیل الزرونی نے یو اے ای میں نہ صرف پاکستانی کاروباری افراد کو سہولتیں فراہم کیں بلکہ مزدور طبقے کی فلاح و بہبود کے لیے بھی نمایاں کردار ادا کیا جس سے دونوں ممالک کے درمیان عوامی سطح پر اعتماد اور خیرسگالی کو فروغ ملا۔پاکستان کی جانب سے سہیل الزرونی کی سماجی ہم آہنگی، ثقافتی یکجہتی اور کمیونٹی اقدامات میں سرگرم شرکت کو اجاگر کیا گیا۔ ان کی خدمات کو خطے میں انسانیت نوازی اور بین الاقوامی تعاون کی روشن مثال قرار دیا گیا۔پاکستان اور متحدہ عرب امارات کے درمیان تجارت، ٹیکنالوجی اور سیاحت کے نئے امکانات تلاش کیے جا رہے ہیں اور ایسی بااثر شخصیات جیسے سہیل الزرونی اِن کوششوں کو مشترکہ اقدار اور انسانی رشتوں کی بنیاد پر مستحکم کرنے میں کلیدی کردار ادا کر رہے ہیں۔
ذریعہ: Jasarat News
کلیدی لفظ: سہیل الزرونی
پڑھیں:
اماراتی ائرلائن‘ امریکی مسافروں کیلیے نئی ہدایت جاری
data-id="863a0a8" data-element_type="widget" data-widget_type="theme-post-content.default">
ابوظبی: اماراتی ائرلائن کی جانب سے مسافروں خصوصاً امریکا جانے والے مسافروں کے لیے نئی ٹریول ایڈوائزری جاری کر دی گئیں۔
عالمی میڈیا کی رپورٹ کے مطابق دنیا کی مشہور و معروف ایمرٹس ائرلائن کی جانب سے مسافروں کے لیے نئی ٹریول ایڈوائزری جاری کر دی گئیں۔ اعلیٰ حکام کے مطابق امارات نے امریکی مسافروں سے درخواست کی ہے کہ ہوائی اڈے پر تاخیر کے پیشِ نظر فلائٹ سے کم از کم 4 گھنٹے قبل پہنچ جائیں۔ ا ئرلائن کا امریکی مسافروں سے کہنا تھا کہ وہ سیکورٹی اسکریننگ کے اوقات میں توسیع کی وجہ سے اپنی طے شدہ پروازوں سے 4 گھنٹے قبل ہوائی اڈوں پر پہنچ جائیں۔ رپورٹ کے مطابق مذکورہ ایڈوائزری ایک ایسے وقت میں جاری کی گئی جب امریکا میں شٹ ڈاو¿ن کے باہر ملک بھر کے ائرپورٹس پر مسافروں کا رش اور آپریشنل چیلنجز سامنے آ رہے ہیں۔
گوگل کا پاکستان کو ایکسپورٹ ہب کی شکل دینے کی خواہش کا اظہار، وزیر خزانہ