اجتماع عام ملک میں مثبت تبدیلی کا باعث بنے گا،جاوید قصوری
اشاعت کی تاریخ: 11th, November 2025 GMT
data-id="863a0a8" data-element_type="widget" data-widget_type="theme-post-content.default">
251111-05-15
لاہور(وقائع نگارخصوصی)امیرجماعت اسلامی پنجاب محمد جاوید قصوری نے کہا ہے کہ جماعت اسلامی کا اجتماعِ عام 21 سے 23 نومبر تک لاہور کے تاریخی مقام مینارِ پاکستان پر منعقد ہوگا۔ یہ ملک کی موجودہ سیاسی صورتِ حال میں ایک بڑی اور مثبت تبدیلی کا آغاز ثابت ہوگا۔اس میں پور ے پاکستان سے لاکھوں افراد شریک ہونگے۔ یہ اجتماع نہ صرف جماعت اسلامی کی عوامی رابطہ مہم کو نئی قوت دے گا بلکہ نوجوانوں کی فکری، سیاسی اور نظریاتی تربیت کے لیے سنگِ میل ہوگا۔ ان کا کہنا تھا کہ جماعت اسلامی کے ہر سطح کی قیادت، کارکنان، ارکان و ذمہ داران اس کی تیاری میں مکمل یکسوئی کے ساتھ کام کر رہے ہیں۔ ر جسٹریشن، سیکورٹی، رہائش، ٹرانسپورٹ، میڈیا کوریج اور تربیتی سیشنز کے لیے خصوصی کمیٹیاں تشکیل دی گئی ہیں جو اپنے اپنے دائرہ کار میں کام کر رہی ہیں۔ان خیالات کا اظہار انہوں نے لاہور اور فیصل آباد میں اجتماع عام کی تیاریوں کے حوالے سے جائزہ اجلاس سے خطاب کرتے ہوئے کیا۔ انہوں نے کہا کہ ملک بھر سے لاکھوں کارکنان، نوجوان، خواتین اور اہلِ علم اس اجتماع میں شرکت کریں گے۔ انتظامات کو انتہائی منظم، پرامن اور جدید انداز میں مکمل کیا جا رہا ہے۔ انہوں نے کہا کہ ملک شدید سیاسی بے یقینی، معاشی بحران اور اخلاقی زوال کا شکار ہے اور ایسے حالات میں جماعت اسلامی عوام کو امید، راستہ اور قیادت فراہم کرے گی۔ نوجوان پاکستان کا مستقبل ہیں، اور جماعت اسلامی انہیں باکردار، باشعور اور فعال قیادت فراہم کرے گی۔ اجتماعِ عام کے دوران اسلامی نظام، کرپشن فری پاکستان، معاشی خودمختاری، تعلیم اور نوجوانوں کے کردار پر خصوصی پروگرام ترتیب دیے گئے ہیں۔محمد جاوید قصوری نے عوام خصوصاً نوجوانوں سے اپیل کی کہ وہ جوق در جوق اجتماع عام میں شرکت کریں اور پاکستان میں حقیقی تبدیلی کے سفر کا حصہ بنیں۔موجودہ فرسودہ نظام نے ملک کا بیڑہ غرق کرکے رکھ دیا ہے، معیشت زبوں حالی کا شکار ہے، عوام کی زندگی اجیرن ہو چکی ہے۔ لاقانونیت اور رشوت کے کلچر نے میرٹ کی دھجیاں اڑا دیں ہیں۔ اعلیٰ تعلیم یافتہ نوجوان پاکستان چھوڑنے پر مجبور ہیں۔ظلم کے اس نظام کو بدلنے کا وقت آگیا ہے۔
ذریعہ: Jasarat News
کلیدی لفظ: جماعت اسلامی
پڑھیں:
صدراورآرمی چیف کوتاحیات استثنا قبول نہیں ‘کاشف سعیدشیخ
data-id="863a0a8" data-element_type="widget" data-widget_type="theme-post-content.default">
251111-08-22
میرپورخاص (نمائندہ جسارت) جماعت اسلامی سندھ کے امیرکاشف سعید شیخ نے کہا ہے کہ 27 ویں آئینی ترمیم کے ذریعے ملک پرشخصی آمریت کی راہ ہموار اورآئین وعدلیہ کاجنازہ نکالا جارہا ہے، صدراورآرمی چیف کو استثنا ناقابل قبول ہے ۔ فارم 47 کے ذریعے ملک پرمسلط ہونے والے عوام کے بعد اب عدالتوں کو بھی جوابدہ نہیں رہنا چاہتے۔ اپوزیشن 27ویں ترمیم کو مکمل طور مسترد کرتی ہے۔جماعت اسلامی کا بدل دو نظام اجتماع عام ملک پر مسلط استحصالی نظام سے بغاوت کا اعلان ہوگا۔ملک و ملت کی تقدیر بدلنے کے لیے لاکھوں پاکستانی مینار پاکستان پر جمع ہوں گے۔مینار پاکستان بدل دو نظام کو اجتماع عام حافظ نعیم الرحمن کی جرأت مند قیادت میں پاکستان کو مضبوط محفوظ اور روشن پاکستان کی بنیاد رکھنے کے لیے سنگ میل ثابت ہوگا۔ان خیالات کا اظہار انہوں نے میرپورخاص میں اجتماع عام تیاریوں کے سلسلے میں ضلعی ذمے داران کے سے خطاب کرتے ہوئے کیا۔صوبائی رہنما افضال صدیق آرائیں ،ڈپٹی سیکرٹری سہیل احمد شارق ،امیر ضلع حافظ سلمان خالدنے بھی خطاب کیا۔صوبائی امیر نے مزید کہا کہ وادی مہران باب الاسلام سندھ کے لاتعداد گاؤں ،دیہات اور شہروں سے لاکھوں شہری جماعت اسلامی کی دعوت پر مینار پاکستان پر جمع ہوکر پاکستان کی حقیقی منزل اسلامی نظام کے لیے جدوجہد کا عزم کریں گے۔امیر جماعت اسلامی ضلع میرپورخاص حافظ سلمان خالد نے کہا کہ ضلع بھر سے ہزاروں مرد و خواتین کی شرکت کو یقینی بنانے کے لیے مؤثر اور بھرپور پلاننگ کی گئی ہے۔آخرمیں امیرضلع نے صوبائی قائدین کو اجتماع عام کے لیے جمع کیا گیافنڈ کا چیک بھی پیش کیا۔
میرپورخاص :امیر جماعت اسلامی سندھ کاشف شیخ اجتماع عام کے حوالے اجلاس کی صدارت کررہے ہیں، چھوٹی تصویر میں امیر ضلع حافظ سلمان خالد امیر صوبہ کو اجتماع عام فنڈ پیش کررہے ہیں
گوگل کا پاکستان کو ایکسپورٹ ہب کی شکل دینے کی خواہش کا اظہار، وزیر خزانہ