آئین کی خلاف ورزی کسی صورت برداشت نہیں کی جا سکتی، سینیٹر علی ظفر
اشاعت کی تاریخ: 13th, November 2025 GMT
اسلام آباد (نیوز ڈیسک) پاکستان تحریک انصاف کے رہنما سینیٹر علی ظفر نے کہا ہے کہ آئین کی خلاف ورزی پر مبنی کسی بھی عمل کو برداشت نہیں کیا جا سکتا۔ انہوں نے کہا کہ ڈیفیکشن (Defection)، جو فریب اور دھوکے پر مبنی ہو، آئین کے منافی ہے اور اس سے جمہوری نظام متاثر ہوتا ہے۔
سینیٹ اجلاس سے خطاب کرتے ہوئے سینیٹر علی ظفر کا کہنا تھا کہ آرٹیکل 63 اے واضح طور پر کہتا ہے کہ کوئی رکن پارٹی پالیسی کے خلاف ووٹ نہیں دے سکتا، اور اگر ایسا کرے گا تو وہ نااہلی (Disqualification)کا مرتکب ہوگا۔ ان کے مطابق یہ آئینی عمل ایک باقاعدہ پروسیس ضرور رکھتا ہے، لیکن اس کا مطلب یہ نہیں کہ آئینی خلاف ورزی کو نظرانداز کیا جا سکتا ہے۔
انہوں نے کہا کہ ہم سب نے آئین کے تحفظ اور پاسداری کی قسم کھائی ہے، اس لیے ہر رکن کو آئین کے مطابق عمل کرنا چاہیے۔ علی ظفر نے مزید کہا کہ قومی اسمبلی میں جو ترمیمی بل واپس لایا جا رہا ہے، وہ ان کے خیال میں پائیدار (Sustainable) نہیں ہے اور عدالتی سطح پر اس کا جائزہ لیا جا سکتا ہے۔
سینیٹر نے کہا کہ یہ افسوسناک ہے کہ آئین جیسے مقدس دستاویز کو سیاسی مقاصد کے لیے استعمال کیا جا رہا ہے، جبکہ آئین سب کے لیے برابر ہونا چاہیے۔
.
ذریعہ
ذریعہ: Daily Mumtaz
کلیدی لفظ: کہ آئین علی ظفر نے کہا کہا کہ
پڑھیں:
دوسرا ون ڈے: آسٹریلیا کی پاکستان کے خلاف بیٹنگ جاری
پاکستان نے آسٹریلیا کے خلاف 3 ایک روزہ میچوں پر مشتمل سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کرلیا، جس کے بعد مہمان ٹیم کی بیٹنگ جاری ہے۔
لاہور کے قذافی اسٹیڈیم میں پاکستان اور آسٹریلیا کے درمیان جاری 3 ایک روزہ میچوں کی سیریز کے دوسرے میچ میں قومی ٹیم نے ایک بار پھر ٹاس اپنے نام کرلیا۔
پاکستان نے ٹاس جیت کر پہلے فیلڈنگ کا فیصلہ کیا۔ دوسرے ون ڈے کے لیے ٹیم میں کوئی تبدیلی نہیں کی گئی۔ pic.twitter.com/YEk2H1aXuB
— Zeeshu Bhatti (@zeeshu_bhatti) June 2, 2026
پاکستانی کپتان شاہین شاہ آفریدی نے ٹاس جیتنے کے بعد پہلے فیلڈنگ کا فیصلہ کرتے ہوئے آسٹریلوی ٹیم کو بیٹنگ کی دعوت دی۔
ٹاس کے موقع پر گفتگو کرتے ہوئے شاہین آفریدی نے کہاکہ پہلے ون ڈے میں کامیابی حاصل کرنے والی قومی ٹیم میں کوئی تبدیلی نہیں کی گئی اور اسی کمبی نیشن کو برقرار رکھا گیا ہے۔
واضح رہے کہ سیریز کے ابتدائی ایک روزہ میچ میں پاکستان نے آسٹریلیا کو 5 وکٹوں سے شکست دے کر 3 میچوں کی سیریز میں 0-1 کی برتری حاصل کر رکھی ہے۔
دوسرے میچ میں قومی ٹیم کی کوشش ہوگی کہ کامیابی حاصل کرکے سیریز اپنے نام کرے، جبکہ آسٹریلیا سیریز میں واپسی کے لیے میدان میں اترا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلیا ایک روزہ سیریز پاکستان ون ڈے میچ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ