فلسطین اور لبنان کی تقدیر کا فیصلہ اسلامی مزاحمت کرے گی، حزب اللہ لبنان
اشاعت کی تاریخ: 7th, November 2025 GMT
حزب اللہ لبنان کے اعلی سطحی رہنما نے اس بات پر زور دیا ہے کہ فلسطین اور لبنان کے مستقبل کا فیصلہ اسلامی مزاحمت کرے گی اور اسلامی مزاحمتی گروہ ہر گز اپنے ہتھیار کسی اور کے حوالے نہیں کریں گے۔ اسلام ٹائمز۔ حزب اللہ لبنان کے بین الاقوامی تعلقات عامہ شعبے کے ذمہ دار عمار الموسوی نے آج بروز جمعہ بیروت میں 34ویں عرب نیشنل کانفرنس کے افتتاح کے موقع پر تقریر کرتے ہوئے کہا کہ لبنانی حکومت کا مزاحمتی تنظیم کے پاس موجود ہتھیاروں کو محدود کرنے اور ان پر اجارہ داری قائم کرنے کا فیصلہ عرب اور مغربی مداخلت کا نتیجہ ہے۔ انہوں نے مزید کہا: "اسلامی مزاحمت نے اپنے موقف پر قائم رہتے ہوئے عظیم قربانیوں کا مظاہرہ کیا ہے اور وہ موقف یہ ہے کہ جب تک دشمن اپنے وعدوں کی مکمل پابندی نہیں کرتا اس وقت تک کسی بھی مسئلے پر بات چیت یا مذاکرات نہیں کیے جا سکتے۔" حزب اللہ لبنان کے رہنما عمار الموسوی نے کہا: "ہم نے دیکھا کہ کس طرح مغربی دنیا کے رہنما طوفان الاقصی آپریشن کے بعد مقبوضہ علاقوں کی طرف دوڑ پڑے تھے۔" انہوں نے مزید کہا: "امریکی صدر ڈونلڈ ٹرمپ نے صیہونی فوج کی تعریف اور حوصلہ افزائی کی اور دشمن کے ساتھ ان تمام جنگوں میں شرکت کا اعتراف کیا جو اس نے خطے کی قوموں کے خلاف چھیڑ رکھی ہیں۔"
حزب اللہ لبنان کے بین الاقوامی تعلقات عامہ کے شعبے کے سربراہ نے ابراہیمی معاہدے کی جانب اشارہ کرتے ہوئے کہا: "اس کا واحد مقصد "ابراہیمی امن" کی آڑ میں اسلامی مزاحمت کو نشانہ بنانا ہے۔" عمار الموسوی نے حزب اللہ لبنان کی جانب سے اہل غزہ کی حمایت اور ان کی شاندار مزاحمت کے بارے میں کہا: "ہم نے اس مسئلے کی حقانیت اور صحیح ہونے کے یقین کی بنا پر غزہ کی حمایت میں جنگ میں قدر رکھا تھا اور ہمیں اپنے فیصلے پر کوئی افسوس نہیں ہے۔" انہوں نے اس بات پر زور دیتے ہوئے کہ وہ اسلامی مزاحمت جس نے ان تمام شہید قائدین کی تربیت کی جو اس وقت شہید ہو چکے ہیں، ایک بار پھر ان جیسے لوگوں کی تربیت کرنے اور انہیں پرورش دینے کی صلاحیت رکھتی ہے، کہا: "گذشتہ کئی سالوں پر مبنی تجربات آپ کو بتاتے ہیں کہ لبنان اور فلسطین میں اسلامی مزاحمت اس سے کہیں زیادہ مشکل بحرانوں سے گزری ہے جس کا اسے آج سامنا ہے۔" حزب اللہ لبنان کے رہنما نے کہا: "یہ اسلامی مزاحمت ہے جو فلسطین سے لبنان تک کے مستقبل کی تعمیر کرے گی۔" انہوں نے مزید کہا: "ہم سمجھتے ہیں کہ غزہ کی حمایت میں یمن کا اقدام ہم سب کے لیے اور عرب اور اسلامی اقوام کے لیے ایک واضح حجت ہے۔" اس کانفرنس میں حزب اللہ لبنان کے بین الاقوامی تعلقات عامہ کے سربراہ نے مظلوم اہل غزہ کی حمایت پر لاطینی امریکہ کی حکومتوں اور اقوام بالخصوص برازیل، وینزویلا، کولمبیا، کیوبا اور دیگر ممالک کی تعریف کرتے ہوئے ان کا شکریہ ادا کیا۔ یاد رہے 34ویں عرب قومی کانفرنس آج بیروت میں 250 سے زائد عرب شخصیات کی شرکت کے ساتھ شروع ہوئی اور یہ تین دن تک جاری رہے گی۔
ذریعہ
ذریعہ: Islam Times
کلیدی لفظ: حزب اللہ لبنان کے اسلامی مزاحمت غزہ کی حمایت انہوں نے
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار