ٹرمپ اپنے مبالغہ آمیز دعووں کی فہرست طویل کرتے جا رہے ہیں، جے رام رمیش
اشاعت کی تاریخ: 7th, November 2025 GMT
کانگریس کے جنرل سکریٹری نے اسی جملے کو طنز کے طور پر استعمال کرتے ہوئے اشارہ دیا کہ ٹرمپ آج بھی مودی سے قربت جتانے کی سیاست کر رہے ہیں، جبکہ مودی اس پر خاموش ہیں۔ اسلام ٹائمز۔ انڈین نیشنل کانگریس کے جنرل سکریٹری جے رام رمیش نے امریکی صدر ڈونلڈ ٹرمپ کے تازہ بیان پر طنز کرتے ہوئے کہا کہ ٹرمپ اپنے مبالغہ آمیز دعووں کی فہرست طویل کرتے جا رہے ہیں، ساتھ انہوں نے وزیراعظم نریندر مودی کی خاموشی پر بھی سوال اٹھایا۔ جے رام رمیش نے ایکس پر لکھا کہ ٹرمپ ٹریکر آج صبح 59 پر پہنچ گیا ہے، یعنی ٹرمپ کے آپریشن سندور کو رکوانے کا دعویٰ کرنے کی تعداد اب 59 ہوگئی ہے۔ جے رام رمیش اس معاملہ پر لگاتار آواز اٹھاتے ہیں اور وزیراعظم نریندر مودی پر الزام عائد کرتے ہیں کہ وہ ٹرمپ کے بیان کی تردید کرنے کی جرأت نہیں کر پاتے۔ اپنی پوسٹ میں جے رام رمیش نے بتایا کہ ٹرمپ نے ایک ہی گفتگو میں تین بڑے دعوے کئے ہیں، پہلا یہ کہ انہوں نے صرف 24 گھنٹوں میں آپریشن سندور ختم کروا دیا تھا۔ دوسرا یہ کہ ہندوستان نے روس سے تیل خریدنا بڑی حد تک بند کر دیا ہے اور تیسرا یہ کہ وہ اکثر وزیراعظم نریندر مودی سے بات کرتے ہیں، جو چاہتے ہیں کہ وہ جلد ہندوستان کا دورہ کریں۔
جے رام رمیش نے ان بیانات کے آخر میں طنزیہ انداز میں سوال اٹھایا کہ اب "ہاؤڈی مودی" اس سب پر کیا کہیں گے۔ جے رام رمیش نے اسی جملے کو طنز کے طور پر استعمال کرتے ہوئے اشارہ دیا کہ ٹرمپ آج بھی مودی سے قربت جتانے کی سیاست کر رہے ہیں، جبکہ مودی اس پر خاموش ہیں۔ انہوں نے مزید کہا کہ اگر ٹرمپ کے مطابق ہندوستان نے روس سے تیل خریدنا بند کر دیا ہے تو یہ بات درست نہیں، کیونکہ حالیہ اعداد و شمار اس کے برعکس ہیں۔ جے رام رمیش نے کہا کہ ٹرمپ اکثر ایسے دعوے کرتے ہیں جو حقیقت پر مبنی نہیں ہوتے لیکن انہیں اپنے اثر و رسوخ کا مظاہرہ کرنے کے لئے بار بار دہراتے ہیں۔ قابل ذکر ہے کہ ایک روز قبل ڈونلڈ ٹرمپ نے وائٹ ہاؤس میں پریس کانفرنس کے دوران کہا کہ وہ اگلے سال ہندوستان کا دورہ کر سکتے ہیں۔ ٹرمپ کے مطابق "نریندر مودی ایک عظیم شخصیت ہیں، ہم اکثر بات کرتے ہیں اور وہ چاہتے ہیں کہ میں ہندوستان آؤں"۔ ٹرمپ نے مزید کہا تھا کہ ہندوستان نے روس سے تیل کی خریداری میں نمایاں کمی کی ہے اور دونوں ممالک کے درمیان تجارت مثبت سمت میں آگے بڑھ رہی ہے۔
ذریعہ
ذریعہ: Islam Times
کلیدی لفظ: کرتے ہیں کہ ٹرمپ رہے ہیں ٹرمپ کے کہا کہ
پڑھیں:
’سب کچھ تیار ہے‘ ٹرمپ نے ایران پر تاریخ کے سب سے بڑے حملے کا اشارہ دیدیا
امریکی صدر ڈونلڈ ٹرمپ نے کہا ہے کہ وہ ایران پر اب تک کے سب سے بڑے فوجی حملے کی منظوری دینے کے قریب ہیں۔
امریکی خبر رساں ادارے سے گفتگو میں صدر ٹرمپ نے کہا کہ میں ایران پر ایک بہت بڑے حملے پر غور کر رہا ہوں جو پہلے ہونے والے تمام حملوں سے کہیں بڑا ہوگا۔
انھوں نے مزید کہا کہ اگرچہ ابھی حتمی فیصلہ نہیں کیا گیا۔ تمام عسکری آپشنز زیر غور ہیں۔ میں فیصلہ کرنے کے بہت قریب ہوں اور اس کی تمام تیاریاں بھی مکمل ہیں۔
امریکی صدر ٹرمپ نے یہ دعویٰ بھی کیا کہ اگر وہ چاہیں تو اسرائیل دو منٹ میں اس کارروائی میں شامل ہو جائے گا تاہم ہمیں کسی کی ضرورت نہیں۔
قبل ازیں ایران کے حمایت یافتہ یمنی حوثیوں کے بحیرہ احمر میں دو سعودی آئل ٹینکروں پر حملے کے بعد امریکی صدر نے ایران اور حوثیوں دونوں کو بڑی فوجی سزا دینے کی دھمکی بھی دی تھی۔
صدر ٹرمپ نے سوشل میڈیا پر لکھا تھا کہ اگر حوثیوں نے دوبارہ ایسے حملے کیے تو امریکا انھیں ایران کی کارروائی تصور کرے گا کیونکہ حوثی اس کے حمایت یافتہ گروہ ہیں۔
دوسری جانب مشرقِ وسطیٰ میں بڑھتی ہوئی کشیدگی کے باعث عالمی منڈی میں برینٹ خام تیل کی قیمت ایک بار پھر 100 ڈالر فی بیرل سے تجاوز کرچکی ہے۔
بحیرہ احمر اور باب المندب میں جہاز رانی کو لاحق خطرات نے عالمی توانائی منڈی میں تشویش بڑھا دی ہے۔
ادھر اقوامِ متحدہ کے سیکریٹری جنرل انتونیو گوتریس نے نے کہا کہ صورتحال قابو سے باہر ہوتی جا رہی ہے۔ خطہ مسلسل وسیع ہوتے تصادم کی لپیٹ میں آ رہا ہے۔ ایک بحران دوسرے بحران کو جنم دے رہا ہے اور ہر نئی کشیدگی اگلی کشیدگی کا سبب بن رہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار