پنجاب: 8 نومبر کو عام تعطیل کا اعلان
اشاعت کی تاریخ: 7th, November 2025 GMT
پنجاب کے ضلع مظفرگڑھ میں 10ویں جیپ ریلی اور مقامی ثقافتی میلے کی تقریبات کے موقع پر ہفتہ 8 نومبر کو عام تعطیل کا اعلان کیا گیا ہے۔
یہ بھی پڑھیں: کیا حکومت نے یوم اقبال پر عام تعطیل کا اعلان کردیا؟
ضلعی انتظامیہ نے یہ فیصلہ شہریوں کی سہولت اور ریلی کے شرکا و تماشائیوں کی آسانی کے پیش نظر کیا ہے۔
ریلی: سنسنی خیز مقابلے اور بین الاقوامی شرکتیہ 4 روزہ ریلی ٹورازم ڈیولپمنٹ کارپوریشن آف پنجاب اور ضلعی انتظامیہ کے اشتراک سے جمعرات کے روز شروع ہوئی۔
ریلی کے مقابلے مظفرگڑھ، کوٹ ادو اور لیہ کے ریگستانی راستوں پر منعقد کیے جا رہے ہیں جن میں پاکستان سمیت بیرونِ ملک سے بھی ماہر ڈرائیورز شریک ہیں۔
شیڈول اور ریس کیٹیگریزسرکاری شیڈول کے مطابق رجسٹریشن، ٹیکنیکل اور میڈیکل معائنے کا عمل جمعرات کو صبح 9 بجے سے دوپہر 3 بجے تک جاری رہا۔
مزید پڑھیے: سندھ حکومت کا بینظیر بھٹو شہید کی برسی پر عام تعطیل کا اعلان
ریلی کا کوالیفائنگ راؤنڈ 7 نومبر کو ہیڈ محمد والا چھاگا مانگا میں ہوگا جب کہ اسٹاک کیٹیگری کی ریس 8 نومبر کو اور موڈیفائیڈ و خواتین کیٹیگری کے مقابلے 9 نومبر (اتوار) کو ہوں گے۔
ایونٹ کی اختتامی تقریب فیصل اسٹیڈیم میں منعقد کی جائے گی۔
سیکیورٹی کے سخت انتظاماتایونٹ کے دوران سیکیورٹی کے سخت انتظامات کیے گئے ہیں۔
ڈسٹرکٹ پولیس آفیسر غضنفر علی شاہ کے مطابق ریلی کے دوران 400 سے زائد پولیس اہلکار، 3 ڈی ایس پیز اور 11 انسپکٹرز تعینات ہوں گے جبکہ ریلی کے تمام راستوں پر سرچ آپریشن بھی مکمل کر لیا گیا ہے۔
ڈی پی او نے کہا کہ امن و امان کی صورتحال برقرار رکھنے اور شرکا و تماشائیوں کی حفاظت کے لیے تمام حفاظتی اقدامات مکمل کر لیے گئے ہیں تاکہ عوام اس ایونٹ کو پرامن اور محفوظ ماحول میں محظوظ ہو سکیں۔
مزید پڑھیں: ڈیرہ اسماعیل خان، ڈیرہ جات جیپ ریلی نادر مگسی نے جیت لی
یاد رہے کہ ضلعی انتظامیہ بابا گرو نانک کے جنم دن کی تقریبات کے باعث تمام سرکاری و نجی تعلیمی اداروں میں 4 تا 6 نومبر تعطیل دیہ تھی جبکہ 8 نومبر کی اضافی عام تعطیل کا اطلاق خصوصی طور پر جیپ ریلی اور مقامی میلے کے سلسلے میں کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: عام تعطیل کا اعلان نومبر کو ریلی کے
پڑھیں:
پنجاب بھر میں دفعہ 144 کے نفاذ میں توسیع
لاہور: پنجاب بھر میں دفعہ 144 کے نفاذ میں توسیع کردی گئی۔محکمہ داخلہ پنجاب کے مطابق صوبہ بھر میں کھلی فضا میں ڈرون اُڑانے پر مکمل پابندی برقرار ہے، دفعہ 144 کے تحت آؤٹ ڈور ڈرون اڑانے پر عائد پابندی میں 30 روز کی توسیع کر دی گئی ہے۔حکومت پنجاب نے یہ فیصلہ سکیورٹی خدشات کے پیشِ نظر کیا ہے۔اعلامیے میں کہا گیا ہے کہ ہالز اور مارکیز کے اندر تقریبات کے دوران چھوٹے ڈرون کے محدود استعمال کی اجازت ہے، جبکہ اندرونی تقریبات میں ڈرون کے محفوظ استعمال کی ذمہ داری منتظمین پر عائد ہوگی۔حکومتی ہدایت کے مطابق قانون نافذ کرنے والے ادارے اور انٹیلیجنس ایجنسیاں اس پابندی سے مستثنیٰ ہوں گی اور وہ اپنے فرائض کے مطابق ڈرون سمیت دیگر ٹیکنالوجی استعمال کر سکیں گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ