خیبر پختونخوا کو گندم کی ترسیل پر پنجاب حکومت کی پابندی آئین کی خلاف ورزی ہے، عبدالواسع
اشاعت کی تاریخ: 11th, November 2025 GMT
جماعت اسلامی کے صوبائی امیر کا کہنا تھا کہ وزیراعلیٰ پنجاب مریم نواز کا یہ غیر آئینی اور غیر منصفانہ اقدام صوبوں کے درمیان نفرت پیدا کرنے اور وفاقی یکجہتی کو نقصان پہنچانے کے مترادف ہے۔ اسلام ٹائمز۔ جماعت اسلامی خیبرپختونخوا وسطی کے امیر عبدالواسع نے صوبے کو گندم اور بیج کی ترسیل پر پنجاب حکومت کی پابندی کو آئینِ پاکستان کے آرٹیکل 151 کی صریح خلاف ورزی قرار دیتے ہوئے اس فیصلے کو فوری طور پر واپس لینے کا مطالبہ کیا ہے۔ انہوں نے کہا ہے کہ وزیراعلیٰ پنجاب مریم نواز کا یہ غیر آئینی اور غیر منصفانہ اقدام صوبوں کے درمیان نفرت پیدا کرنے اور وفاقی یکجہتی کو نقصان پہنچانے کے مترادف ہے۔ اس پابندی کے باعث خیبر پختونخوا میں 20 کلو آٹے کا تھیلا 3 ہزار روپے تک پہنچ چکا ہے، جب کہ پنجاب میں یہی آٹا 1600 روپے میں دستیاب ہے، یہ ظلم اور ناانصافی کی انتہا ہے۔ عبدالواسع نے کہا کہ خیبر پختونخوا کو ہر سال تقریباً ایک لاکھ ٹن معیاری بیج درکار ہوتا ہے، جس میں سے 95 ہزار ٹن پنجاب سے خریدا جاتا ہے، مگر اس بار پابندی کے باعث کسان ایک دانہ بیج سے بھی محروم ہیں۔
انہوں نے کہا کہ نتیجتاً آدھے کسان غیر معیاری بیج استعمال کرنے پر مجبور ہو گئے جبکہ باقی ابھی تک کاشت شروع نہیں کر سکے۔ انہوں نے کہا کہ یہ فیصلہ خیبر پختونخوا کے محنت کش کاشتکاروں اور عام شہریوں کے ساتھ سنگین زیادتی ہے۔ جماعت اسلامی اس صوبہ دشمن پالیسی کو کسی صورت قبول نہیں کرے گی۔ اگر پابندی فوری طور پر ختم نہ کی گئی تو جماعت اسلامی کسانوں اور عوام کے ساتھ مل کر بھرپور احتجاجی تحریک شروع کرے گی۔
ذریعہ
ذریعہ: Islam Times
کلیدی لفظ: خیبر پختونخوا جماعت اسلامی نے کہا
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار