ملتان سلطانز نے پاکستان کرکٹ بورڈ کے خلاف عدالت جانے کا عندیہ دے دیا
اشاعت کی تاریخ: 19th, November 2025 GMT
پاکستان سپر لیگ (پی ایس ایل) کی فرنچائز ملتان سلطانز نے الزام عائد کیا ہے کہ پاکستان کرکٹ بورڈ (پی سی بی) اور پی ایس ایل انتظامیہ کی جانب سے مکمل طور پر رابطہ منقطع کر دیا گیا ہے جس کی وجہ سے فرنچائز کو اپنے اگلے اقدامات خود عوام کے سامنے لانے پڑ رہے ہیں۔
یہ بھی پڑھیں: ملتان سلطانر کا پی ایس ایل میں سفر اختتام پذیر، پی سی بی نے کنٹریکٹ میں شامل نہیں کیا
ملتان سلطانز کے مالک علی خان ترین نے ایکس پر شیئر کیے گئے ایک پیغام میں کہا ہے کہ گزشتہ ایک ماہ کے دوران پی ایس ایل مینجمنٹ کو متعدد ای میلز بھیجی گئیں جن میں ٹیم کی ویلیوایشن اور رینیوئل لیٹر کا مطالبہ کیا گیا تاہم ان کا کوئی جواب نہیں ملا۔
ملتان سلطانز کا کہنا ہے کہ نہ صرف ای میلز بلکہ اس کے لیگل نوٹس اور چیئرمین پی سی بی کو بھیجے گئے خط کا بھی کوئی جواب نہیں دیا گیا۔
مزید پڑھیے: ملتان سلطانز کے علی ترین کا پی سی بی کو دوٹوک جواب، لیگل نوٹس پھاڑ دیا
فرنچائز کے مطابق دیگر ٹیموں کے نمائندے بھی یہ سوال اٹھا رہے ہیں کہ ملتان سلطانز کو ویلیوایشن و رینیوئل کے عمل میں شامل کیوں نہیں کیا جا رہا لیکن اس حوالے سے بھی کوئی وضاحت موصول نہیں ہوئی۔
https://x.
علی خان ترین نے سوال اٹھایا کہ پسِ پردہ بات چیت کیسے ہو جب سامنے والا بات چیت کرنے کو تیار ہی نہیں؟
مزید پڑھیں: پی سی بی کی جانب سے پابندی پر ملتان سلطانز کا مؤقف سامنے آگیا
ملتان سلطانز نے کہا ہے کہ یہ مسئلہ خفیہ طور پر حل ہونا چاہیے تھا مگر پی ایس ایل مینجمنٹ کی جانب سے مسلسل خاموشی کی وجہ سے انہیں یہ معاملہ کھلے عام اٹھانا پڑ رہا ہے۔
قانونی کارروائی سے خبردارعلی خان ترین نے خبردار کیا کہ اگر پی سی بی اور پی ایس ایل مینجمنٹ کا یہی رویہ برقرار رہا تو پھر ہمیں قانونی کارروائی کرنی پڑے گی جو کہ ان کے بقول آخری اور ناپسندیدہ آپشن ہے۔
انہوں نے کہا کہ یہ مسئلہ چائے بسکٹ پر بھی حل ہوسکتا تھا۔
یہ بھی پڑھیے: پی سی بی نے ملتان سلطانز کو معطل کردیا، آئندہ سیزن میں شرکت خطرے میں، سبب کیا بنا؟
انہوں نے صورتحال کو غیر ضروری قرار دیتے ہوئے کہا کہ یہ تنازعہ انتہائی آسانی سے معمول کے مکالمے کے ذریعے حل ہو سکتا تھا مگر کمزور انا نے سادہ معاملات کو پیچیدہ بنا دیا ہے۔
ان کے مطابق حالات کو دیکھ کر ایسا محسوس ہوتا ہے کہ یہ معاملہ جلد حل نہیں ہوگا تاہم وہ اب بھی امید رکھتے ہیں کہ بہتر فیصلے سامنے آئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کرکٹ بورڈ پی ایس ایل علی خان ترین ملتان سلطانز ملتان سلطانز کا قانونی کارروائی کا فیصلہ
ذریعہ
ذریعہ: WE News
کلیدی لفظ: پاکستان کرکٹ بورڈ پی ایس ایل علی خان ترین ملتان سلطانز ملتان سلطانز علی خان ترین پی ایس ایل پی سی بی
پڑھیں:
سلامتی کونسل میں پاکستان نے بھارت کو لاجواب کر دیا
قونصلر صائمہ سلیم— فائل فوٹواقوامِ متحدہ میں پاکستانی مشن کی قونصلر صائمہ سلیم نے سلامتی کونسل میں بھارت کو لاجواب کر دیا۔
اپنے بیان میں صائمہ سلیم نے کہا ہے کہ بھارت کا امن کا درس دینا مضحکہ خیز ہے، جو خود بین الاقوامی قانون اور سلامتی کونسل کی قراردادوں کی خلاف ورزی، ہمسایوں کے خلاف جارحیت اور خطے میں ریاستی سرپرستی میں دہشت گردی کا مرتکب ہے۔
انہوں نے کہا کہ آزاد جموں و کشمیر اور بھارت کے غیر قانونی زیرِ قبضہ جموں و کشمیر کے حالات میں واضح فرق ہے۔
صائمہ سلیم نے کہا کہ ایک طرف سیاسی آزادی ہے اور دوسری طرف جبر، گرفتاریوں اور انسانی حقوق کی پامالیوں کا سلسلہ جاری ہے، حقوق کا استعمال اور حقوق سے محرومی ایک جیسی چیزیں نہیں ہو سکتیں۔
اقوامِ متحدہ میں پاکستانی کونسلر صائمہ سلیم نے کہا کہ افغان سرزمین سے حملوں کی منصوبہ بندی اور سہولت کاری ہوئی۔
انہوں نے کہا کہ کشمیری عوام کے ناقابلِ تنسیخ حقِ خودارادیت سے انکار نہیں کیا جا سکتا، جموں و کشمیر نہ بھارت کا اٹوٹ انگ ہے اور نہ داخلی معاملہ، بھارت کا انکار اس تنازع کی بین الاقوامی حیثیت تبدیل نہیں کر سکتا۔
قونصلر صائمہ سلیم نے کہا کہ بھارت خود مسئلہ کشمیر سلامتی کونسل میں لایا اور آج قراردادوں سے انحراف کر رہا ہے، مقبوضہ کشمیر میں جبر اور انسانی حقوق کی پامالیاں جاری ہیں۔
انہوں نے مزید کہا کہ سندھ طاس معاہدے کی معطلی کا بھارتی فیصلہ بین الاقوامی قانون کی خلاف ورزی ہے، دریائے سندھ کا پانی زندگی کا ذریعہ ہے، جنگ کا ہتھیار نہیں۔
صائمہ سلیم نے یہ بھی کہا کہ بھارت سے منسلک دہشت گردی کے نیٹ ورک عالمی سطح تک پھیل چکے ہیں، بھارت میں ہندوتوا نظریات نے اسلاموفوبیا کو ریاستی پالیسی بنا دیا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی