بیرون ملک مقیم پی ٹی آئی رہنما پاکستان کی جی ایس پی پلس سہولت کیخلاف مہم چلا رہے ہیں، خواجہ آصف
اشاعت کی تاریخ: 26th, November 2025 GMT
وزیر دفاع اور مسلم لیگ (ن) کے سینیئر رہنما خواجہ آصف نے بیرونِ ملک مقیم پاکستان تحریک انصاف (پی ٹی آئی) کے رہنماؤں اور کارکنوں پر سخت تنقید کی ہے۔
ایکس پر پیٖغام شیئر کرتے ہوئے انہوں نے کہا ہے کہ پی ٹی آئی رہنما پہلے ملک کو نقصان پہنچاتے رہے اور اب بیرونِ ملک پاکستانیوں سے رقوم اکٹھی کرکے پُرتعیش زندگی گزار رہے ہیں۔
یہ بھی پڑھیے: توہمات پر یقین رکھنے والے اقتدار میں آئیں تو سلامتی کے لیے خطرہ بنتے ہیں، خواجہ آصف
خواجہ آصف نے اپنے بیان میں کہا کہ پی ٹی آئی کے رہنما یورپ میں پاکستان کے لیے جی ایس پی پلس سہولت کے خلاف مہم چلا کر قومی مفادات کو نقصان پہنچانے کے مرتکب ہو رہے ہیں۔ اگر ان میں ہمت ہے تو پاکستان آ کر سیاسی جنگ لڑیں، پاکستان کی لڑائیاں پاکستان کی سرزمین پر ہی لڑی جاتی ہیں۔
لیگی رہنما نے بے نظیر بھٹو اور نواز شریف کی مثال دیتے ہوئے کہا کہ دونوں نے سیاسی آزمائشوں کا سامنا کیا، قید و بند کی صعوبتیں برداشت کیں اور ان کے خاندانوں کو بھی نشانہ بنایا گیا، مگر انہوں نے کبھی ملک کے مفادات کے خلاف قدم نہیں اٹھایا۔
یہ بھی پڑھیے: وزیراعلیٰ خیبر پختونخوا سہیل آفریدی کا پہلا مہینہ کیسا گزرا؟
خواجہ آصف کا کہنا تھا کہ عمران خان اور ان کے ساتھیوں نے اقتدار سے محرومی کے بعد پہلے آئی ایم ایف کو خط لکھ کر پاکستان کو معاشی طور پر نقصان پہنچانے کی کوشش کی اور اب پاکستانی برآمدات کو کمزور کرنے کی سرگرمیوں میں مصروف ہیں۔
وزیر دفاع نے کہا کہ ایسا رویہ اگر دشمن ملک اختیار کرے تو سمجھ آتی ہے، لیکن خود کو پاکستانی کہنے والے اگر یہ کریں تو یہ کھلی غداری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تحریک انصاف پی ٹی آئی جی ایس پی پلس خواجہ آصف.ذریعہ: WE News
کلیدی لفظ: پاکستان تحریک انصاف پی ٹی ا ئی جی ایس پی پلس خواجہ ا صف خواجہ آصف پی ٹی آئی
پڑھیں:
اسپیکر ایاز صادق سے ایرانی رہنما ڈاکٹر علی لاریجانی کی ملاقات، دوطرفہ معاملات پر تبادلہ خیال
فوٹو: پی آئی ڈیاسپیکر قومی اسمبلی ایاز صادق سے ایرانی سپریم نیشنل سیکیورٹی کونسل کے سیکریٹری ڈاکٹر علی لاریجانی نے ملاقات کی۔ ملاقات میں پاک ایران تعلقات، علاقائی سلامتی، پارلیمانی تعاون اور اقتصادی شراکت داری پر تبادلہ خیال کیا گیا۔
اس موقع پر اسپیکر ایاز صادق نے علاقائی امن و استحکام اور باہمی تعاون کو مزید وسعت دینے کی ضرورت پر زور دیا۔
اسپیکر قومی اسمبلی ایاز صادق نے کہا کہ پاکستان اور ایران برادرانہ ہمسایہ ممالک ہیں، پاکستانی اور ایرانی لیڈرشپ کے درمیان حالیہ رابطے دونوں ممالک کے تعلقات مضبوط بنانے میں اہم سنگ میل ثابت ہوں گے۔
ملاقات میں دونوں رہنماؤں نے پارلیمانی اور عوامی سطح پر رابطوں کو فروغ دینے پر اتفاق کیا اور مسلم ممالک کے درمیان اتحاد و یکجہتی اور مشترکہ لائحہ عمل کی ضرورت پر زور دیا۔
اسپیکر قومی اسمبلی ایاز صادق نے کہا کہ پاکستان ایرانی عوام کیلئے دوسرا گھر ہے، بھارت کیساتھ جنگ میں ایران کی سفارتی واخلاقی حمایت کے مشکور ہیں۔
انھوں نے کہا کہ پاکستان نے دشمن کی جارحیت کا منہ توڑ جواب دیا اور ملکی دفاع کو مضبوط بنایا، پاکستان ہمیشہ علاقائی اور عالمی تنازعات کے پرامن اور پائیدار حل کا خواہاں رہا ہے۔
اسپیکر قومی اسمبلی ایاز صادق نے کہا کہ افغانستان کی سر زمین پاکستان میں دہشتگردی کیلئے استعمال ہو رہی ہے، پاکستان دہشتگردی کے مکمل خاتمے کیلیے پرعزم ہے، اسرائیل کے ایران پر حملے کی پاکستانی پارلیمنٹ نے یک زبان ہو کر مذمت کی۔
انھوں نے کہا کہ ایران اور پاکستان کے دشمن مشترکہ ہیں جن میں اسرائیل شامل ہے، ایران کو اسرائیلی جارحیت کا بھرپور جواب دینے پر مبارکباد پیش کرتا ہوں۔
اسپیکر ایاز صادق نے ایران کے آئندہ ترقیاتی وژن کے لیے نیک خواہشات کا اظہار کیا۔
اس موقع پر ڈاکٹر علی لاریجانی نے ایران سے متعلق اسپیکر قومی اسمبلی کے تاثرات کو سراہا، انھوں نے اسرائیلی جارحیت کے دوران پاکستانی عوام کی حمایت کو سراہا۔
علی لاریجانی نے کہا کہ ایران پاکستان اور سعودی عرب کے درمیان دفاعی معاہدے کا خیرمقدم کرتا ہے، ایران اور پاکستان کے درمیان متعدد شعبوں میں تعاون بڑھانے کے وسیع مواقع موجود ہیں۔
ڈاکٹر علی لاریجانی نے متفرق شعبوں میں تعاون کو فروغ دینے کی ضرورت پر زور دیا اور کہا کہ ایران کے عوام پاکستانی عوام سے گہری وابستگی اور محبت رکھتے ہیں۔
چین: شادی کرو اور کیش انعام پاؤ، منفرد اسکیم متعارف