پنجاب، کے پی میں مختلف ٹریفک حادثات نے تباہی مچا دی، 8 افراد جاں بحق، 48 زخمی
اشاعت کی تاریخ: 26th, November 2025 GMT
data-id="863a0a8" data-element_type="widget" data-widget_type="theme-post-content.default">
پنجاب اور خیبر پختونخوا کے مختلف علاقوں میں صبح سویرے پیش آنے والے متعدد ٹریفک حادثات میں کم از کم 8 افراد جاں بحق جبکہ درجنوں زخمی ہوگئے۔
سیالکوٹ میں بڈیانہ روڈ پر افسوسناک واقعہ اس وقت پیش آیا جب دو تیز رفتار کاریں ریس لگاتے ہوئے ایک رکشے سے جا ٹکرائیں۔ زور دار ٹکر کے نتیجے میں رکشے میں سوار تینوں افراد موقع پر ہی دم توڑ گئے، جن میں دو سگے بھائی اور ان کا ایک کزن شامل تھا۔
عینی شاہدین کا کہنا ہے کہ دونوں گاڑیاں ایک دوسرے کو پیچھے چھوڑنے کی کوشش میں بےقابو ہوئیں اور رکشے کو شدید ٹکر ماری۔ حادثے کے بعد کار ڈرائیور موقع سے فرار ہوگئے جبکہ ریسکیو ٹیموں نے لاشوں کو اسپتال منتقل کیا۔ علاقہ مکینوں نے سڑک پر تیز رفتاری اور ریسنگ کے بڑھتے ہوئے رجحان پر تشویش کا اظہار کیا ہے۔
چارسدہ میں ترنگزئی بائی پاس پر اسکول وین اور ٹرک میں خوفناک ٹکر سے دو طالب علم جان کی بازی ہار گئے جبکہ 24 بچے زخمی ہوئے۔ حادثہ اس وقت پیش آیا جب وین معمول کے مطابق بچوں کو اسکول لے جارہی تھی کہ سامنے سے آنے والا ٹرک قابو سے باہر ہو کر وین سے جا ٹکرایا۔ زخمی طلبہ کو فوری طور پر ڈی ایچ کیو اور قریبی اسپتالوں میں منتقل کیا گیا جہاں کئی بچوں کی حالت نازک بتائی جا رہی ہے۔ والدین اسپتالوں کے باہر شدید پریشانی کے عالم میں موجود رہے۔
بھکر میں ایم ایم روڈ پر مسافر بس اور ٹرک میں تصادم سے دو افراد جاں بحق اور نو زخمی ہوئے۔ ابتدائی اطلاعات کے مطابق بس تیز رفتاری کے باعث موڑ کاٹتے ہوئے ٹرک سے ٹکرا گئی۔ ریسکیو اہلکاروں نے زخمیوں کو اسپتال پہنچایا جہاں انہیں طبی امداد دی جا رہی ہے۔
اسی طرح صوابی کے شیوہ اڈہ چوک پر دو بسیں ایک دوسرے سے ٹکرا گئیں جس کے نتیجے میں دو افراد جاں بحق اور 15 زخمی ہوگئے۔ تصادم اتنا شدید تھا کہ دونوں گاڑیوں کے اگلے حصے بری طرح تباہ ہوگئے۔ حادثے کے بعد سڑک پر طویل ٹریفک جام بھی لگ گیا جسے بعد میں کلیئر کیا گیا۔
ملک کے مختلف علاقوں میں ایک ہی صبح پیش آنے والے یہ حادثات تیز رفتاری، غفلت اور گاڑیوں کی بےاحتیاط ڈرائیونگ کے سنگین نتائج کی طرف ایک بار پھر توجہ دلارہے ہیں۔
.ذریعہ: Jasarat News
کلیدی لفظ: افراد جاں بحق
پڑھیں:
غزہ، گزشتہ چوبیس گھنٹوں کے دوران 23 فلسطینی شہید
غزہ میں وزارت صحت کے مطابق گزشتہ چوبیس گھنٹوں کے دوران 21 افراد شہید جبکہ 2 کی لاشیں برآمد ہوئی ہیں۔ وزارت صحت کے مطابق 11 اکتوبر کو جنگ بندی معاہدے کے نفاذ کے بعد سے 339 افراد شہید جبکہ 871 زخمی ہو چکے ہیں۔ اسلام ٹائمز۔ جنگ بندی معاہدے کے باؤجود غزہ میں صیہونی جارحیت مسلسل جاری ہے۔ گزشتہ چوبیس گھنٹوں کے دوران اسرائیلی بربریت کے نتیجے میں 23 فلسطینی شہید جبکہ 83 زخمی ہو گئے ہیں۔ غزہ میں وزارت صحت کے مطابق گزشتہ چوبیس گھنٹوں کے دوران 21 افراد شہید جبکہ 2 کی لاشیں برآمد ہوئی ہیں۔ وزارت صحت کے مطابق 11 اکتوبر کو جنگ بندی معاہدے کے نفاذ کے بعد سے 339 افراد شہید جبکہ 871 زخمی ہو چکے ہیں۔
اپوزیشن اتحاد کا 27ویں ترمیم کیخلاف پارلیمنٹ ہاؤس کے باہر احتجاج، جمعہ کو یومِ سیاہ منانے کا اعلان