’گلے لگانا میری فطرت ہے‘، اریکا کرک کا جے ڈی وینس سے گلے ملنے پر وضاحت
اشاعت کی تاریخ: 26th, November 2025 GMT
امریکا کے نائب صدر جے ڈی وینس کے ساتھ جذباتی انداز میں گلے ملنے کی وائرل ویڈیو پر تنقید کے بعد مرحوم چارلی کرک کی بیوہ اریکا کرک نے ردِعمل دیتے ہوئے کہا ہے کہ ان پر اعتراض کرنے والوں کو شاید خود ایک بار گلے لگنے کی ضرورت ہے۔
میگن کیلی شو میں گفتگو کے دوران میزبان نے ان سے سوال کیا کہ کیا انہوں نے اُن تبصروں کو دیکھا جن میں سوشل میڈیا صارفین نے دونوں کے درمیان گلے ملنے کو غلط رنگ دیا۔ اس پر اریکا کرک نے ہنستے ہوئے کہا کہ جو لوگ انہیں جانتے ہیں، وہ بخوبی واقف ہیں کہ وہ فطری طور پر گلے ملنے والی شخصیت رکھتی ہیں۔ انہوں نے کہا کہ جو لوگ اس پر تنقید کر رہے ہیں، انہیں شاید خود ایک بار گلے ملنے کی ضرورت ہے۔ میری محبت کی زبان لمس ہے۔
یہ بھی پڑھیں: امریکی نائب صدر جے ڈی وینس اور اریکا کرک کی گلے لگنے کی ویڈیو وائرل، شادی کی قیاس آرائیاں
اریکا کرک نے اس موقع کی وضاحت کرتے ہوئے بتایا کہ ’جب وہ اور نائب صدر جے ڈی وینس ایک دوسرے کی جانب بڑھے تو وہ جذبات پر قابو نہ رکھ سکیں۔ نائب صدر کہہ رہے تھے، وہ تم پر فخر کرے گا، اور میں نے جواب میں خدا آپ کو خوش رکھے کہا۔ میں نے ان کے سر کے پچھلے حصے کو چھوا، جیسا کہ میں ہر اس شخص کے ساتھ کرتی ہوں جسے میں گلے لگاتی ہوں‘۔
سوشل میڈیا پر پھیلنے والے ردِعمل پر بات کرتے ہوئے انہوں نے کہا کہ اگر لوگ اس منظر کو غلط سمجھنا چاہتے ہیں تو یہ ان کی اپنی سوچ ہے۔ ’میرے خیال میں ایسا ردِعمل یہی ظاہر کرتا ہے کہ انہیں دوسروں سے زیادہ گلے لگنے کی ضرورت ہے‘۔ میزبان کیلی نے مزاحیہ انداز میں کہا کہ سوشل میڈیا صارفین ایسے ردِعمل دے رہے تھے جیسے ایریکا نے وینس کے جسم کے کسی نامناسب حصے کو چھوا ہو۔ اس پر ایریکا نے مزاحیہ انداز میں جواب دیا کہ اگر ایسا ہوتا تو شاید تنقید کم ہوتی۔
یہ بھی پڑھیں: ٹرمپ نے چارلی کرک کو ’امریکی آزادی کا شہید‘ قرار دیدیا، بیوہ کا قاتل کو معاف کرنے کا اعلان
اس سے قبل فاکس نیوز کو دیے گئے ایک انٹرویو میں اریکا کرک نے کہا تھا کہ ان کے مرحوم شوہر چارلی کرک کی جگہ کوئی نہیں لے سکتا، تاہم انہیں جے ڈی وینس میں ان کی کچھ خصوصیات ضرور دکھائی دیتی ہیں۔ ایونٹ کے دوران جب انہوں نے وینس کو اسٹیج پر مدعو کیا تو دونوں نے جذباتی انداز میں ایک دوسرے کو گلے لگایا، جس کی ویڈیو سوشل میڈیا پر وائرل ہوگئی۔
خیال رہے کہ اریکا اور چارلی کرک نے 2021 میں شادی کی تھی۔ ان کی ایک بیٹی 2022 میں اور ایک بیٹا 2024 میں پیدا ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اریکا کرک امریکی نائب صدر جے ڈی وینس چارلی کرک.
ذریعہ
ذریعہ: WE News
کلیدی لفظ: اریکا کرک امریکی نائب صدر جے ڈی وینس چارلی کرک نائب صدر جے ڈی وینس اریکا کرک نے سوشل میڈیا چارلی کرک گلے ملنے انہوں نے کہا کہ
پڑھیں:
کراچی، نوجوان لڑکی کو گھر میں گھس کر اجتماعی زیادتی کا نشانہ بنا ڈالا، والد کی مدعیت میں مقدمہ درج
کراچی:شہر قائد میں گلشن معمار پولیس نے نوجوان لڑکی کو گھر میں گھس کر اجتماعی زیادتی کا نشانہ بنانے کا مقدمہ والد کی مدعیت میں درج کرلیا۔
اس حوالے سے مدعی مقدمہ جاوید اقبال نے پولیس کو بیان دیا ہے کہ بہادر گوٹھ میں کارپٹ کی دکان پر کام کرتا ہوں جبکہ اہلیہ گھریلو ملازمہ ہے۔
23 جولائی کو میں اور اہلیہ صبح 9 بجے اپنے اپنے کام پر چلے گئے جبکہ گھر پر 18 سالہ بیٹی اکیلی تھی۔
مدعی کے مطابق صبح سوا نو بجے 2 لڑکے ہمارے گھر میں زبردستی داخل ہوئے جو کہ شلوار قمیض پہنے ہوئے تھے جبکہ سامنے آنے پر میری بیٹی انھیں شناخت کر سکتی ہے۔
مدعی کے مطابق دونوں نے میری بیٹی کو پکڑا اور کمرے میں لیجا کر اس کے ساتھ زیادتی کی اور موقع سے فرار ہوگئے۔
واقعے کے بعد میری بیٹی نے بذریعہ فون مجھے اطلاع دی جس کے بعد میں اور میری اہلیہ گھر پہنچ گئے۔
واقعے کی مدد گار 15 پولیس کو اطلاع دی جو موقع پر پہنچ گئی، مدعی کے مطابق میرا دعویٰ 2 نامعلوم صورت شناس لڑکوں پر میرے گھر میں گھس کر بیٹی کو زیادتی کا نشانہ بنانے کا ہے لہذا قانونی کارروائی عمل میں لائی جائے۔
گلشن معمار پولیس نے نوجوان لڑکی کو اجتماعی زیادتی کا نشانہ بنانے کا مقدمہ نمبر 356 سال 2026 بجرم دفعہ 376 چونتیس کے تحت درج کر کے مزید تفتیش کے لیے انویسٹی گیشن پولیس کے حوالے کر دیا ۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار