ڈپٹی میئر کراچی کا اعلان: الطاف حسین حالی روڈ کا کام جلد شروع
اشاعت کی تاریخ: 25th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( رپورٹ : مقصود احمد خان ) ڈپٹی میئر کراچی سلمان عبداللہ مراد نے کہا ہے کہ بلدیہ عظمیٰ کراچی شہر کے مسائل کے حل کے لیے بھرپور کوششیں جاری رکھے گی، اور ملیر کے اہم علاقوں میں زیر التوا ترقیاتی منصوبے جلد عملی شکل اختیار کریں گے۔ وہ گزشتہ روز کے این گوہر گرین سٹی ملیر ریزیڈنٹس کمیٹی کی حلف برداری تقریب سے بحیثیت مہمانِ خصوصی خطاب کر رہے تھے۔
اپنے خطاب میں ڈپٹی میئر نے بتایا کہ گوہر گرین سٹی کے سامنے الطاف حسین حالی روڈ، ملیر تھانے سے مرتضیٰ چورنگی تک، تعمیر کے لیے درپیش تکنیکی رکاوٹوں کو دور کر دیا گیا ہے۔ ان کا کہنا تھا کہ بجٹ مختص ہوتے ہی اس منصوبے کا ٹینڈر جاری کر دیا جائے گا اور تعمیراتی کام جلد شروع ہو جائے گا۔
انہوں نے مزید بتایا کہ قائد آباد فلائی اوور کو آٹھ لین تک توسیع دی جا رہی ہے تاکہ ٹریفک کے بڑھتے ہوئے دباؤ پر قابو پایا جاسکے۔ انہوں نے کہا کہ پیپلز پارٹی شہر بھر میں بلا تفریق ترقیاتی کام کر رہی ہے اور ملیر و کورنگی سمیت ہر علاقے میں سڑکوں، سیوریج، انفرااسٹرکچر اور شہری سہولیات کی بہتری کے لیے عملی اقدامات جاری ہیں۔
سلمان عبداللہ مراد نے اعلان کیا کہ “عوامی خدمت ہمارا نصب العین ہے۔ جہاں میری ضرورت پڑی، میں وہاں موجود ہوں گا۔ گوہر گرین سٹی کے مسائل کو اپنے مسائل سمجھ کر حل کرنا میری ترجیح ہوگی۔”
تقریب میں گوہر گرین سٹی ریزیڈنٹس کمیٹی کے نو منتخب عہدیداران نے اپنے عہدوں کا حلف اٹھایا۔ ان میں صدر بابل بلوچ، جنرل سیکریٹری چوہدری نسیم اختر، نائب صدر رانا نور ساجد، چیئرمین ریاض بھٹی، ایگزیکٹیو ممبر ڈاکٹر عمران نوری، سیکریٹری فنانس خرم شہزاد، سیکریٹری اطلاعات راؤ وکیل سمیت دیگر اراکین شامل تھے۔ نومنتخب قیادت نے سوسائٹی کی ترقی اور رہائشی مسائل کے حل کے لیے پوری توانائیاں صرف کرنے کے عزم کا اظہار کیا۔
اس موقع پر سوسائٹی کے عمائدین، رہائشی خواتین ونگ، گوہر گروپ آف کمپنیز کے آصف خان، اکرم خان کوہاٹی، سید محمد سرفراز، انصار شیخ، سید محمد خلجی، مفتی محمد زکریا، مفتی محمد راشد اور مولانا حق نواز عامر سمیت بڑی تعداد میں مکین موجود تھے۔
آخر میں مقررین نے اس امید کا اظہار کیا کہ گوہر گرین سٹی کو شہر کی مثالی سوسائٹی بنانے کے لیے مشترکہ تعاون اور مربوط حکمت عملی کو آگے بڑھایا جائے گا
ذریعہ
ذریعہ: Jasarat News
کلیدی لفظ: گوہر گرین سٹی کے لیے
پڑھیں:
ایران کے شہید سپریم لیڈر علی خامنہ ای کی تدفین مشہد میں ہوگی، تیاریاں شروع
ایران کے شہید سپریم لیڈر آیت اللہ سید علی خامنہ ای کی تدفین تین بڑے شہروں ایران، قم اور مشہد میں نماز جنازہ کے بعد مشہد میں امام رضا کے مزار میں ہوگی، جس کے لیے حکام کی جانب سے تیاریاں شروع کی گئی ہیں۔
ایرانی میڈیا کی رپورٹ کے مطابق ایران کے دارالحکومت تہران کے سماجی و ثقافتی امور کے نائب محمد امین توکلی زادہ نے بتایا کہ شہید سپریم لیڈر آیت اللہ علی خامنہ کی تدفین کے لیے تیاریاں جاری ہیں اور صرف دارالحکومت تہران میں ڈیڑھ سےدو کروڑ (15 سے 20 ملین) لوگوں کے لیے تیاریاں جاری ہیں۔
انہوں نے کہا کہ ہم دنیا کے انتہائی استکبار مخالف رہنما، امریکا اور اسرائیل کے خلاف جنگ کے عظیم کمانڈر اور ایران کے عظیم قابل تقلید رہنما کے جنازے میں شریک ہو رہے ہیں۔
امین توکلی زادہ نے کہا کہ مختلف صوبوں کی جانب سے جنازے کی میزبانی کے لیے درخواستیں کی گئی ہیں اور تدفین ممکنہ طور پر ذوالحج کے اختتام اور محرم کے شروع میں ہوگی۔
انہوں نے کہا کہ تہران میں نماز جنازے کا پروگرام تقریباً 24 گھنٹوں تک جاری رہے گا، ہم شیعہ مسلمانوں کا ایک بہت بڑا اجتماع دیکھیں گے اور یہاں تک کہ تمام مسلمانوں کا ایک عظیم اجتماع ہوگا۔
رپورٹ میں بتایا گیا کہ آیت اللہ علی خامنہ ای کی نماز جنازے میں ہمسایہ ممالک بشمول پاکستان، افغانستان، بھارت، بنگلہ دیش اور کشمیر سے بڑی تعداد میں سوگواروں کی شرکت کا امکان ہے۔
یاد رہے کہ ایران کے سابق سپریم لیڈر آیت اللہ علی خامنہ ای 28 فروری کو امریکا اور اسرائیل کے حملے میں شہید ہوگئے تھے جب ایران پر اچانک حملہ کیا گیا تھا اور بم باری کے نتیجے میں آیت اللہ علی خامنہ ای کے علاوہ ان کے خاندان کے چند انتہائی قریبی ارکان سمیت پاسداران انقلاب کے اعلیٰ کمانڈرز بھی شہید ہوگئے تھے۔
امریکا اور اسرائیل کے اس حملے میں مناب میں لڑکیوں کے ایک اسکول پربھی بم باری کی گئی تھی، جس کے نتیجے میں اسکول کی بچیوں سمیت 165 افراد شہید ہوگئے تھے، جبکہ ایران نے جواب میں اسرائیل اور خطے کے ممالک میں قائم امریکی اڈوں پر حملے شروع کیے تھے۔
پاکستان کی ثالثی میں اپریل میں امریکا اور ایران نے جنگ بندی پر اتفاق کیا اور دونوں اطراف سے حملے روک دیے گئے تاہم ایران نے آبنائے ہرمز کا کنٹرول اپنے پاس رکھا جبکہ امریکا نے ناکہ بندی کی جو تاحال جاری ہے لیکن مخصوص جہازوں کو گزرنے کی اجازت دی جاتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ