کراچی سے محبت میں جذباتی ہوگیا تھا، میئر سے سخت سوالات پر تابش ہاشمی کی وضاحت
اشاعت کی تاریخ: 23rd, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی: شہر قائدکے نوجوان میزبان اور کومیڈی آرٹسٹ تابش ہاشمی نے میئر کراچی مرتضیٰ وہاب سے اپنے سابقہ انٹرویو میں کیے گئے سخت اور تند و تیز سوالات پر وضاحت پیش کر تے ہوئے کہا ہے کہ ان کے سخت لہجے کی وجہ صرف اور صرف شہر کراچی سے محبت تھی اور جذبات کے اظہار کا ایک حصہ تھا۔
گزشتہ روز ایک پریس کانفرنس میں گفتگو کرتے ہوئے تابش ہاشمی نے کہا کہ کراچی گزشتہ تین دہائیوں سے متعدد مسائل کا شکار رہا ہے اور شہر کی خراب صورتحال نے شہریوں کو ہمیشہ مایوس کیا ہے، کراچی کے حالات 35 سال سے خراب ہیں، مرتضیٰ وہاب تو صرف ایک سال پہلے اس منصب پر آئے ہیں، اس لیے تمام تر ذمہ داری ان کے کندھوں پر ڈالنا درست نہیں ہوگا۔
انہوں نے وضاحت کی کہ انٹرویو کے دوران ان کے سوالات سخت ضرور تھے لیکن ان کا مقصد کسی کی تضحیک یا کردار کشی نہیں تھا، میں اپنے پروگرام میں کسی کے لیے جھوٹ بولنے جیسے سخت الفاظ استعمال نہیں کرتا۔ وہ میرے مہمان تھے اور مہمان کی عزت کرنا میری بنیادی ذمہ داری ہے۔
خیال رہےکہ تابش ہاشمی کے شو کی یہ قسط کچھ عرصہ قبل سوشل میڈیا پر خوب وائرل ہوئی تھی، جس میں انہوں نے میئر کراچی سے شہر کی حالتِ زار، پانی کی قلت، صفائی کے مسائل، ٹریفک اور شہری سہولیات پر بے لاگ سوالات کیے تھے، اس ویڈیو پر شہریوں اور سیاسی حلقوں سے ملا جلا ردعمل سامنے آیا تھا، جس کے بعد تابش ہاشمی نے پہلی مرتبہ اس معاملے پر وضاحت دی ہے۔
انہوں نے کہا کہ وہ اپنے شو کے ذریعے شہری مسائل کی عکاسی اور عوامی شعور بیدار کرنے کے لیے کام کر رہے ہیں اور کبھی بھی کسی شخصیت کو ذاتی طور پر نقصان پہنچانے کا مقصد نہیں ہوتا۔
ذریعہ
ذریعہ: Jasarat News
کلیدی لفظ: تابش ہاشمی
پڑھیں:
سونے کی قیمت میں کمی کا رجحان برقرار، فی تولہ کتنے کا ہوگیا؟
کراچی:امریکا اور ایران کے درمیان ایک دوسرے پر حملوں کے تسلسل سے آبنائے ہرمز کی بندش، فی بیرل خام تیل کی عالمی قیمت 100ڈالر کی سطح پر آنے، امریکی فیڈرل ریزرو کے اگلے ہفتے کے اجلاس سے قبل سود کی بلند شرح کو تقویت ملنے سے عالمی اور مقامی صرافہ مارکیٹوں میں سونے اور چاندی کی قیمتوں میں کمی کا رجحان برقرار ہے۔
بین الاقوامی بلین مارکیٹ میں فی اونس سونے کی قیمت 46ڈالر کی کمی سے 4ہزار 050ڈالر کی سطح پر آگئی۔
کمی کے باعث مقامی صرافہ مارکیٹوں میں بھی جمعہ کو فی تولہ سونے کی قیمت 4ہزار 600روپے کی کمی سے 4لاکھ 27ہزار 436روپے کی سطح پر آگئی اور فی دس گرام سونے کی قیمت 3ہزار 944روپے کی کمی سے 3لاکھ 66ہزار 457روپے کی سطح پر آگئی۔
مزید پڑھیںسونے کی عالمی اور مقامی مارکیٹوں میں 4 دن کے بعد قیمت کم ہو گئی
سونے اور چاندی کی عالمی و مقامی مارکیٹوں میں آج پھر قیمتیں بڑھ گئیں
سونے کی عالمی اور مقامی مارکیٹوں میں قیمتوں میں بڑا اضافہ
اسی طرح، عالمی مارکیٹ میں فی اونس چاندی کی قیمت 61سینٹس کی کمی سے 58ڈالر 30سینٹس کی سطح پر آگئی۔
کمی کے نتیجے میں مقامی صرافہ مارکیٹوں میں بھی فی تولہ چاندی کی قیمت 61روپے کی کمی سے 6ہزار 309روپے اور فی دس گرام چاندی کی قیمت 53روپے کی کمی سے 5ہزار 408روپے کی سطح پر آگئی۔
بھارت سے جنگ اور افغانستان میں کارروائی خارج ازامکان نہیں، وزیردفاع