پشاور،افغان گینگ منشیات کاروبارکھلے عام کرنے لگا
اشاعت کی تاریخ: 26th, November 2025 GMT
data-id="863a0a8" data-element_type="widget" data-widget_type="theme-post-content.default">
پشاور(آئی این پی )افغان مہاجرین نے حاجی کیمپ سیٹھی ٹاؤن اور تھانہ پہاڑی پورہ کو یرغمال بنا لیاتھانہ پہاڑی پورہ سے چند قدم کے فاصلے پر حاجی کیمپ سیٹھی ٹاؤن، خان کالونی، خٹک کالونی، غالب سٹریٹ اور ملحقہ گلی محلوں میں افغان مہاجر شرپسند نوجوانوں کے گینگز نے صوبائی حکومت کے ساتھ ساتھ قانون نافذ کرنے والے اداروں کو بھی کھلا چیلنج دے رکھا ہے۔ ان علاقوں میں افغان مہاجرین کے سیکڑوں خاندان دھڑلے سے رہائش اور کاروبار بھی کر رہے ہیں اور 35 سے زائد افغان مہاجر شرپسند نوجوانوں کا ایک ایسا گینگ بھی سرگرم ہے جو پولیس کی ناک نیچے آئس ، چرس سمیت دیگر نشوں کا کھلا استعمال اور کاروبار بھی کرتے ہیں، یہ گینگ آے روز شریف شہریوں کے ساتھ جان بوجھ کر لڑائی جھگڑا کر کے انھیں چھریوں چاکووں اور اسلحہ سے موت کے قریب لے جاتے ہیں۔ اتوار یعنی 23 نومبر کی دوپہر 3 بجے خان کالونی میں یہ گینگ کم و بیش 5 سی سی ٹی وی کیمروں میں نظر آیا جہاں انہوں نے میڈیسن کا کاروبار کرنے والے ایک شریف خاندان کے لڑکوں کو ان کی خواتین کے سامنے اپنے اپنی جنونیت کا نشانہ بنایا۔ ان پر حملہ کیا چھریوں سے انہیں شدید زخمی کیا یہاں تک کے ان کی ہڈیاں توڑ ڈالیں ۔ اسی پر بس نہیں کیا لڑائی کے فوراً بعد ہی موٹرسائکل پر آ کر بھرے بازار میں ہوائی فائرنگ کی اور دندناتے ہوے فرار بھی ہو گیے ۔ لیکن پہاڑی پورہ پولیس کچھ نہ کر سکی۔ پہاڑی پورہ پولیس کو مکمل معلومات ہیں کہ خان کالونی اور اس سے ملحقہ محلوں میں سنوکر کلبز اور باکسنگ کلبز ان افغان شرپسند نوجوانوں کے اڈے ہیں لیکن کارروائی کون کرے۔ مزید یہ کہ مذکورہ گینگ کے ساتھ علاقے کے تمام افغان مہاجر باشندے بھی ان کی پشت پناہی پر ہمیشہ کی طرح کھڑے ہوگئے ہیں اور مقامی شہریوں کی زندگی اجیرن بنا دی ہے۔شہریوں نے سیکیورٹی اداروں سے مطالبہ کیا ہے.
ذریعہ
ذریعہ: Jasarat News
کلیدی لفظ: افغان مہاجرین
پڑھیں:
دفتری نظم و ضبط کی پابندی کی ہدایت ،نیاسرکلرجاری
اسٹیبلشمنٹ ڈویژن(Establishment Division) نے دفتری نظم و ضبط اور پیشہ ورانہ ماحول کو بہتر بنانے کے لیے نیا سرکلر جاری کرتے ہوئے تمام افسران اور اہلکاروں کو مقررہ دفتری اوقات، بائیومیٹرک حاضری اور لباس کے ضوابط پر سختی سے عمل کرنے کی ہدایت کر دی ہے۔
جاری کردہ سرکلر کے مطابق تمام ملازمین کے لیے صبح 8 بجے سے شام 4 بجے تک کے سرکاری اوقاتِ کار پر مکمل عمل درآمد لازمی ہوگا، جبکہ مقررہ وقت پر دفاتر میں حاضری یقینی بنانے کے لیے بائیومیٹرک حاضری کے نظام پر سختی سے عمل کرنے کی بھی ہدایت کی گئی ہے۔
سرکلر میں سرکاری ملازمین کے لیے ڈریس کوڈ بھی واضح کیا گیا ہے۔ ہدایات کے مطابق افسران اور اہلکار یا تو لاؤنج سوٹ پہنیں یا پھر شلوار قمیض کے ساتھ ویسٹ کوٹ زیب تن کریں تاکہ دفاتر میں پیشہ ورانہ اور باوقار ماحول برقرار رکھا جا سکے۔
مزیدپڑھیں:آج کہاں کہاں بادل برسیں گے ،محکمہ موسمیات نے بڑی پیشگوئی کردی
اسٹیبلشمنٹ ڈویژن نے دفتری ماحول کو بہتر بنانے کے لیے راہداریوں میں شور شرابے اور بلند آواز میں گفتگو سے بھی گریز کرنے کی ہدایت کی ہے، تاکہ سرکاری امور کی انجام دہی کے دوران پرسکون اور منظم ماحول برقرار رہے۔
سرکلر میں واضح کیا گیا ہے کہ یہ تمام ہدایات فوری طور پر نافذ العمل ہیں اور متعلقہ افسران کو ان پر مکمل عمل درآمد یقینی بنانے کی ذمہ داری سونپی گئی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار