فیفا کا رونالڈو کو بڑا ریلیف، فٹبال ورلڈ کپ میں شرکت برقرار
اشاعت کی تاریخ: 26th, November 2025 GMT
فیفا نے پرتگالی فٹبال اسٹار کرسٹیانو رونالڈو کی ورلڈ کپ میچز میں ممکنہ عدم شمولیت کے خدشات دور کردیے ہیں۔
فیفا نے ان پر 3 میچوں کی پابندی تو عائد کی، مگر اس میں سے 2 میچوں کی سزا ایک سال کے لیے معطل کردی ہے۔
اس کا مطلب ہے کہ رونالڈو ورلڈ کپ میں پرتگال کے کسی بھی میچ سے باہر نہیں ہوں گے۔
یہ بھی پڑھیں: ریٹائرمنٹ کتنی دور ہے؟ کرسٹیانو رونالڈو نے اپنے ارادے بتا کر شائقین کو حیران کردیا
فیفا نے منگل کو جاری کردہ فیصلے میں کہا کہ آئرلینڈ کے خلاف کوالیفائنگ میچ میں رونالڈو کی جانب سے مدمقابل کھلاڑی دارا او شیعے کو کہنی مارنا ’تشدد آمیز رویہ‘ اور ’سنگین فاؤل‘ کے زمرے میں آتا ہے۔
Cristiano Ronaldo has avoided a suspension for the start of next summer’s World Cup after FIFA handed the Portugal captain a three-match ban, with the final two games suspended for “a one-year probation period”.
Ronaldo was sent off in Portugal’s penultimate World Cup qualifier… pic.twitter.com/G3Stjnfl3U
— The Athletic | Football (@TheAthleticFC) November 25, 2025
آرمینیا کیخلاف کھیلے گئے ورلڈ کپ کوالیفائنگ میچ سے باہر رہ کر رونالڈو ایک میچ کی لازمی پابندی پہلے ہی پوری کر چکے ہیں، پرتگال نے گزشتہ ہفتے آرمینیا کو 1-9 سے شکست دے کر امریکا میں متوقع ورلڈ کپ میں جگہ بنالی ہے۔
امکان تھا کہ رونالڈو کو کم از کم مزید ایک میچ کی پابندی بھگتنا پڑے گی اور وہ اپنے ریکارڈ چھٹے ورلڈ کپ کا آغاز میدان کے باہر سے کریں گے۔
مزید پڑھیں:فٹبال کی تاریخ کا نیا سنگِ میل، کرسٹیانو رونالڈو کے 950 گول مکمل
مگر فیفا کے فیصلے نے یہ خدشہ ختم کردیا ہے۔ عام طور پر 3 میچوں کی پابندی میں سے 2 میچ معطل کرنا کم دیکھا جاتا ہے، تاہم فیفا کے ضابطے اس کارروائی کی گنجائش رکھتے ہیں۔
فیفا نے خبردار کیا ہے کہ اگر رونالڈو ایک سالہ پروبیشن کے دوران اسی نوعیت کی کوئی خلاف ورزی دوبارہ کرتے ہیں تو باقی 2 میچوں کی پابندی فوری طور پر فعال ہو جائے گی۔
دیگر مثالوں میں، اسی ماہ آرمینیا اور برونڈی کے کھلاڑیوں کیخلاف ورلڈ کپ کوالیفائنگ میں جارحانہ حرکت پر 3 میچوں کی پابندی عائد کی گئی، جس میں کسی قسم کی رعایت نہیں دی گئی۔
مزید پڑھیں:سعودی عرب میں فٹبال کی تاریخ کا بہترین ورلڈ کپ ہوگا، رونالڈو
پرتگال مارچ میں 2 دوستانہ میچ کھیلے گا، جبکہ مئی کے آخر یا جون میں ورلڈ کپ سے قبل مزید ایک یا 2 وارم اپ میچز بھی متوقع ہیں۔
ورلڈ کپ کا آغاز 11 جون کو امریکا، کینیڈا اور میکسیکو میں ہوگا۔
مزید پڑھیں:
رونالڈو نے 2 ہفتے قبل ڈبلن میں آئرلینڈ کے خلاف 2-0 کی شکست کے دوران ہاتھ گھما کر او شیعے کو کہنی ماری تھی، جس پر انہیں ریڈ کارڈ ملا۔
فیفا کا کہنا ہے کہ پابندی کے فیصلے کے خلاف فیفا اپیل کمیٹی میں اپیل کی جا سکتی ہے، تاہم یہ واضح نہیں کہ اس فیصلے کو چیلنج کرنے کا حق کس کے پاس ہوگا۔
آئرلینڈ کی فٹبال فیڈریشن یا ورلڈ کپ میں پرتگال کے مستقبل کے حریفوں کے پاس؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئرلینڈ پرتگال ڈونلڈ ٹرمپ رونالڈو ریڈ کارڈ شہزادہ محمد بن سلمان فیفا واشنگٹن ورلڈ کپ
ذریعہ
ذریعہ: WE News
کلیدی لفظ: ا ئرلینڈ پرتگال ڈونلڈ ٹرمپ رونالڈو ریڈ کارڈ فیفا واشنگٹن ورلڈ کپ
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا