“شوہر کو دوسری شادی کا مشورہ دیا تو وہ خوش ہونے کے بجائے پریشان ہوگئے” : منزہ عارف
اشاعت کی تاریخ: 24th, November 2025 GMT
پاکستانی ڈراموں کی معروف اداکارہ منزہ عارف نے انکشاف کیا ہے کہ انہوں نے ہلکے پھلکے انداز میں اپنے شوہر کو دوسری شادی کی اجازت دینے کی بات کی تو شوہر حیران اور پریشان ہوگئے۔ حالیہ انٹرویو میں انہوں نے اپنے شوبز کیریئر اور نجی زندگی کے حوالے سے گفتگو کرتے ہوئے بتایا کہ شوبز میں آنے سے قبل وہ لاہور میں بطور ماہرِ تعلیم کام کر رہی تھیں، بعدازاں ڈرامہ انڈسٹری میں قدم رکھا اور اب کراچی میں پروجیکٹس کے باعث طویل عرصے سے مقیم ہیں۔ منزہ عارف نے بتایا کہ کراچی میں لمبے قیام کے دوران انہیں شوہر کی فکر رہتی تھی، جبکہ ان کے شوہر ہمیشہ انہیں سپورٹ کرتے رہے ہیں۔ انہوں نے کہا کہ شوہر انہیں خود ایئرپورٹ چھوڑنے اور لینے آتے تھے اور ان کی کامیابی پر فخر کرتے ہیں۔ اداکارہ نے بتایا کہ ایک بار مذاق میں انہوں نے شوہر سے کہا کہ اگر وہ چاہیں تو دوسری شادی کر سکتے ہیں تاکہ وہ تنہائی محسوس نہ کریں منزہ کے مطابق: “مجھے لگا وہ خوش ہوں گے، لیکن وہ الٹا پریشان ہوگئے اور پوچھنے لگے کہ تم ایسا مشورہ کیوں دے رہی ہو؟ کیا تمہارے ذہن میں کچھ اور ہے؟” اداکارہ نے ہنستے ہوئے کہا کہ یہ صرف میاں بیوی کے درمیان ایک مزاح تھا جسے شوہر نے کبھی سنجیدگی سے نہیں لیا۔ انہوں نے اپنے شوہر کو مکمل “گرین فلیگ” قرار دیتے ہوئے کہا کہ وہ ہر قدم پر ان کا ساتھ دیتے ہیں اور مضبوط سپورٹ سسٹم ہیں
.ذریعہ: Nawaiwaqt
پڑھیں:
’بچاؤ مجھے بچاؤ‘ اداکارہ یمنیٰ زیدی کی ویڈیو سوشل میڈیا پر وائرل
معروف اداکارہ یمنیٰ زیدی کی دلچسپ ویڈیو سوشل میڈیا پر وائرل ہوگئی جس میں اداکارہ کو شوٹنگ کے لیے تیار ہوتے ہوئے دیکھا جا سکتا ہے۔
شوبز انڈسٹری کی معروف اداکارہ یمنیٰ زیدی نے سوشل میڈیا پلیٹ فارم انسٹاگرام پر ایک ویڈیو شیئر کی جس کے کیپشن میں انہوں نے لکھا کہ ’’بہت اہم سین ہے‘‘۔
ویڈیو میں دیکھا جا سکتا ہے کہ ادکارہ شوٹنگ کے لیے تیار ہوتے ہوئے کہتی ہیں کہ ’’امپورٹینٹ سین ہے اور میک اپ لگاؤ‘‘۔
View this post on Instagramویڈیو میں اداکارہ دروازہ کھول کر کہتی ہیں کہ ’’بچاؤ مجھے بچاؤ‘‘، جس کے بعد ایک لڑکا جس کے ہاتھ میں موبائل ہوتاہے اور اداکارہ کی ویڈیو ریکارڈنگ کر رہا ہوتا ہے وہ اداکارہ کو کہتا ہے کہ ’’کیمرہ تو شروع ہونے دے میری ماں‘‘۔
مزاحیہ ویڈیو میں اداکارہ کو یہ بھی کہتے ہوئے سنا جا سکتا ہے کہ ’’میں ہوں حسن کی ملکہ اور میک اپ لگاؤ‘‘ جس پر ڈائریکٹر بنا لڑکا کہتا ہے کہ ’’ہاں جاؤ اور میک اپ تھوپ کے آؤ‘‘
پاکستان نے بنگلہ دیش کو آخری ہاکی میچ میں بھی شکست دے کر کلین سوئپ مکمل کر لیا