ای چالان سندھ کے دیگر شہروں میں کیوں نافذ نہیں کیا گیا؟
اشاعت کی تاریخ: 24th, November 2025 GMT
کراچی:
شہر قائد میں ای چالان سسٹم نافذ کیے جانے کے بعد شہریوں کی جانب سے سوال اٹھایا گیا کہ یہ نظام سندھ کے دیگر شہروں میں کیوں نافذ نہیں کیا گیا۔
ایکسپریس نیوز کے پروگرام پاور کاسٹ میں ڈی آئی جی ٹریفک سید پیر محمد شاہ نے گفتگو کرتے ہوئے ای چالان سسٹم صرف کراچی میں نافذ کرنے اور سندھ کے دیگر شہروں میں نافذ نہ کیے جانے کے سوال کا جواب دیدیا۔
انہوں نے بتایا کہ اس وقت ای چالان سسٹم صرف کراچی میں نافذ ہے اور باقی سندھ میں ہم ایک یا دو ماہ سے ڈمی چالان جاری کر رہے ہیں، جس کے بعد یہ نظام بہت جلد اب صوبے کے دیگر شہروں میں بھی نافذ کردیا جائے گا۔
انہوں نے کہا کہ اس نظام کا آغاز صرف کراچی میں ہوا اور باقی سندھ میں نہیں، اس سوال کا جواب تو آئی جی سندھ ہی دے سکتے ہیں، میں کراچی کا ڈی آئی جی ہوں، اس لیے کراچی کا ذمے دار ہوں۔
انہوں نے مزید کہا کہ یہ نظام فی الوقت کراچی میں نافذ ہے، لیکن اسے بہت جلد دیگر شہروں میں بھی نافذ کریں گے، کیوں کہ یہ ترمیم پورے سندھ میں لاگو کی گئی ہے۔
.ذریعہ: Express News
کلیدی لفظ: کے دیگر شہروں میں کراچی میں میں نافذ
پڑھیں:
راولپنڈی میں خودکار ای چالان سسٹم فعال، خلاف ورزی پر فوری جرمانے
data-id="863a0a8" data-element_type="widget" data-widget_type="theme-post-content.default">
راولپنڈی میں ٹریفک قوانین کی خلاف ورزیوں پر قابو پانے کے لیے جدید قدم اٹھایا گیا ہے، جس کے تحت ای چالان سسٹم کو باضابطہ طور پر فعال کر دیا گیا ہے۔
شہر کے مختلف علاقوں میں نصب سیف سٹی کیمروں کے ذریعے اب ہر قسم کی ٹریفک خلاف ورزی نہ صرف فوری ریکارڈ ہوگی بلکہ خودکار طور پر اس کا چالان بھی جاری کر دیا جائے گا۔ حکام کے مطابق یہ پورا نظام سیف سٹی کے مرکزی کمانڈ اینڈ کنٹرول سینٹر سے منسلک ہے، جہاں سے تمام کارروائی کو حقیقی وقت میں مانیٹر کیا جاتا ہے۔
نئے نظام کے تحت اگر کوئی ڈرائیور ٹریفک سگنل توڑتا ہے، لین کی خلاف ورزی کرتا ہے، ہیلمٹ کے بغیر موٹر سائیکل چلاتا ہے یا ڈرائیونگ کے دوران موبائل فون استعمال کرتا ہے تو سی سی ٹی وی کیمروں میں اس کی ریکارڈنگ ہوتے ہی خودکار کوڈ کے ساتھ چالان تیار ہو جائے گا۔
یہ چالان پہلے موبائل یا ای میل کے ذریعے وہیکل مالک کو موصول ہوگا اور بعد ازاں گھر کے پتے پر بھی بھیجا جائے گا۔ حکام نے واضح کیا ہے کہ مقررہ وقت کے اندر جرمانہ جمع کرانا لازمی ہوگا، ورنہ مزید کارروائی کی جا سکتی ہے۔
غیر نمونہ نمبر پلیٹ، جعلی یا غیر قانونی نمبر پلیٹ والے گاڑیوں کے خلاف بھی یہ سسٹم فوری کارروائی یقینی بنائے گا۔ جدید کیمروں میں ایسی ٹیکنالوجی نصب ہے جو نمبر پلیٹ کی شناخت میں معمولی غلطی بھی فوری پکڑ لیتی ہے۔
حکام کا کہنا ہے کہ اس اقدام سے نہ صرف ٹریفک کی روانی بہتر ہوگی بلکہ ٹریفک پولیس کو بھی اضافی سہولت ملے گی ۔
سیف سٹی اتھارٹی کے تحت راولپنڈی کے 359 مقامات پر مجموعی طور پر 2000 سے زائد کیمرے نصب ہیں۔ یہ کیمرے نہ صرف ٹریفک کی نگرانی کرتے ہیں بلکہ اہم شاہراہوں اور بازاروں میں عوامی سرگرمیوں پر بھی نظر رکھتے ہیں۔ اسی طرح شہر کے داخلی اور خارجی راستوں پر بھی 15 جدید کیمرے نصب ہیں جو مشکوک گاڑیوں، گمشدہ گاڑیوں اور جرائم سے متعلق گاڑیوں کی شناخت میں مدد دیتے ہیں۔
سرویلنس سسٹم کا دائرہ صرف ٹریفک قوانین تک محدود نہیں بلکہ یہ نظام جرائم کی بروقت نشاندہی اور واقعات کی فوری رپورٹنگ میں بھی اہم کردار ادا کر رہا ہے۔
حکام کے مطابق شہر میں بڑی وارداتوں کی روک تھام، ملزمان کی شناخت اور قانون نافذ کرنے والے اداروں کی معاونت میں یہ نظام نہایت مؤثر ثابت ہو رہا ہے۔ روزمرہ جرائم کی مانیٹرنگ میں بھی اس کا کردار بڑھتا جا رہا ہے۔
اینڈرائیڈ اسمارٹ فون کی سست رفتاری کی بڑی وجہ سامنے آ گئی