وزیراعلیٰ سرفراز بگٹی کی پشاور ایف سی ہیڈکوارٹر حملے کی مذمت
اشاعت کی تاریخ: 24th, November 2025 GMT
اپنے بیان میں سرفراز بگٹی نے ایف سی ہیڈکوارٹر پشاور پر ہونیوالے حملے کی مذمت کرتے ہوئے کہا کہ ایف سی جوانوں نے بہادری سے حملہ ناکام بنا کر قوم کا سر بلند کیا ہے۔ اسلام ٹائمز۔ وزیراعلیٰ بلوچستان سرفراز بگٹی نے پشاور میں ایف سی ہیڈکورٹرز پر ہونے والے حملے کی مذمت کرتے ہوئے کہا ہے کہ دہشتگردی کی اس کارروائی نے دشمنوں کی بزدلی کو مزید بے نقاب کیا ہے۔ ایف سی جوانوں نے بہادری سے حملہ ناکام بنا کر قوم کا سر بلند کیا ہے۔ وزیراعلیٰ نے کہا کہ ملک دشمن عناصر کے مکمل خاتمے تک ہماری جدوجہد جاری رہے گی۔ اپنی جان وطن پر نچھاور کرنے والے ایف سی شہداء کو خراج عقیدت پیش کرتے ہیں۔ انہوں نے کہا کہ بلوچستان حکومت شہداء کے اہل خانہ کے غم میں برابر کی شریک ہے۔ پشاور حملے میں شہید ہونے والے بہادر سپوت قوم کا قابل فخر اثاثہ ہیں۔ قوم سکیورٹی فورسز کی لازوال قربانیوں کو کبھی فراموش نہیں کرے گی۔ زخمی اہلکاروں اور شہریوں کی جلد صحتیابی کے لیے ہیں۔
.ذریعہ: Islam Times
کلیدی لفظ: ایف سی
پڑھیں:
وزیراعلی بلوچستان کی تبدیلی خبریں؛ صدرمملکت کا سرفراز بگٹی سے ملاقات سے انکار
وزیراعلی بلوچستان کی تبدیلی کا معاملہ خبروں کی زینت بننے کے بعد وزیراعلی بلوچستان سرفراز بگٹی نجی دورے پر دبئی پہنچ گئے۔
ذرائع نے کہا کہ سرفراز بگٹی نے دبئی میں صدرمملکت آصف علی زرداری سے ملاقات کی کوششیں کیں اور آصف علی زرداری سے ملاقات کا وقت مانگا۔
پی پی پی ذرائع نے دعویٰ کیا کہ صدرمملکت آصف زرداری نے سرفراز بگٹی سے فوری ملاقات کرنے سے انکار کردیا۔
ذرائع کے مطابق سرفراز بگٹی ملاقات کے لیے کچھ دن دبئی میں ہی قیام کریں گے۔
پی پی بلوچستان کے ناراض ایم پی اے نے بھی وزیراعلی بلوچستان سے متعلق صدر آصف علی زرادری کو تحفظات سے آگاہ کردیا۔
بارڈرز کی بندش: پاکستان اور افغانستان کے درمیان تجارت میں بڑی کمی