اسلام آباد میٹروپولیٹن کارپوریشن کی ڈیجیٹل ایڈورٹائزنگ نیلامی سے ریکارڈ آمدنی
اشاعت کی تاریخ: 22nd, November 2025 GMT
اسلام آباد میٹروپولیٹن کارپوریشن کی ڈیجیٹل ایڈورٹائزنگ نیلامی سے ریکارڈ آمدنی WhatsAppFacebookTwitter 0 22 November, 2025 سب نیوز
اسلام آباد(آئی پی ایس) میٹروپولیٹن کارپوریشن اسلام آباد (ایم سی آئی) نے ڈیجیٹل ایڈورٹائزنگ میڈیا رائٹس کی پہلی نیلامی شاندار کامیابی سے مکمل کر لی جو بلدیاتی سطح پر آمدنی میں اضافے اور شہری ڈیجیٹل تبدیلی کے حوالے سے ایک نیا قومی معیار قائم کرتی ہے۔نصف روزہ نیلامی میں 9اہم اشتہاری مقامات کے لیے بولیاں لگائی گئیں جس سے سالانہ کرائے کی مد میں 148 ملین روپے کی ریکارڈ رقم حاصل ہوئی جس میں ہر سال 10 فیصد اضافہ شامل ہوگا۔
صرف اس ایک نیلامی سے حاصل ہونے والی آمدنی ایم سی آئی کی مالی سال 2024-25 کے لیے تمام ذرائع سے متوقع مجموعی آمدنی 138 ملین روپے سے بھی زیادہ ہے۔ڈیجیٹل ایڈورٹائزنگ رائٹس کی اس نیلامی میں شاہین چوک انڈر پاس ڈویلپمنٹ پراجیکٹ سمیت کئی نمایاں مقامات شامل ہیں، جس میں ملک بھر کی 17 سرکردہ ایڈورٹائزنگ کمپنیوں نے حصہ لیا جبکہ ہر مقام کے لیے بولیاں لاہور کی قائم شدہ مارکیٹس بشمول پارکس اینڈ ہارٹیکلچر اتھارٹی (پی ایچ اے) اور ڈیفنس ہاؤسنگ اتھارٹی (ڈی ایچ اے) کی اوسط کرایہ جاتی قدروں سے بھی بڑھ گئیں۔
ایم سی آئی کی چیف آفیسر ڈاکٹر انعم فاطمہ نے کہا کہ یہ نیلامی اسلام آباد کی بڑھتی ہوئی اقتصادی صلاحیت اور ایک سمارٹ، پائیدار شہری مستقبل کی جانب جرات مندانہ قدم ہے۔ حاصل ہونے والی ریکارڈ آمدنی شہری ترقیاتی منصوبوں پر خرچ کی جائے گی جس سے اسلام آباد کے شہریوں کو بہتر سہولیات کے ساتھ ساتھ بہتر شہری ڈھانچہ فراہم کیا جا سکے گا۔ڈیجیٹل ایڈورٹائزنگ میڈیا کی طرف یہ منتقلی اسلام آباد کے لیے ایک اہم اقتصادی تبدیلی ہے۔
مالی فوائد کے ساتھ ساتھ یہ اقدام شہری اور ماحولیاتی سطح پر بھی انتہائی مثبت اثرات مرتب کرے گا۔ ڈیجیٹل پلیٹ فارمز کے ذریعے سماجی آگاہی، ایمرجنسی اپیلز اور دیگر عوامی معلومات فوری طور پر شہریوں تک پہنچائی جا سکیں گی۔ مزید برآں اس قلیل مدتی فزیکل اشتہارات کی تیاری اور تلفی سے پیدا ہونے والا پلاسٹک ویسٹ اور ماحولیاتی آلودگی بھی نمایاں حد تک کم ہو جائے گی۔
ایم سی آئی اس کامیاب نیلامی کو شہر کے اثاثوں کی جدید کاری، نان ٹیکس ریونیو میں اضافے اور ماحولیاتی پائیداری کے فروغ کی حکمتِ عملی کا اہم سنگ میل قرار دیتی ہے۔ ادارہ مستقبل میں بھی ایسے جدید حل اپنانے کے لیے پُرعزم ہے تاکہ اسلام آباد کے شہریوں کی زندگی کے معیار کو بہتر بنایا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروفاقی آئینی عدالت میں اسلام آباد ہائیکورٹ کے 5 ججز کی انٹرا کورٹ اپیل سماعت کیلئے مقرر وفاقی آئینی عدالت میں اسلام آباد ہائیکورٹ کے 5 ججز کی انٹرا کورٹ اپیل سماعت کیلئے مقرر ایبٹ آباد: مسافر وین کھائی میں گرنے سے باپ بیٹے سمیت 5 افراد جاں بحق بنوں میں سکیورٹی فورسز کے کامیاب آپریشنز، 3 اہم کمانڈرز سمیت 17 دہشتگرد ہلاک وفاقی حکومت نے سونےکی درآمد اوربرآمد پر عائد پابندی ختم کردی پاکستان اور جرمنی کے درمیان مختلف شعبوں میں تعاون مزید مضبوط بنانے پر اتفاق فیصل آباد: فیکٹری میں دھماکا کیسے ہوا؟ رپورٹ سامنےCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: اسلام ا باد ایم سی ا ئی کے لیے
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار