اداکار ایتھن براؤن 52 برس کی عمر میں چل بسے
اشاعت کی تاریخ: 28th, November 2025 GMT
گلوکار اور نغمہ نگار جیکسن براؤن نے بدھ کے روز اعلان کیا کہ ان کے بیٹے ایتھن براؤن، جو ماڈل، اداکار اور موسیقار تھے، انتقال کر گئے ہیں۔
’رننگ آن ایمپٹی‘ کے گلوکار کے آفیشل فیس بک اکاؤنٹ پر جاری بیان میں بتایا گیا کہ ایتھن منگل کی صبح چل بسے، ان کی عمر 52 برس تھی۔ وجۂ موت تاحال معلوم نہیں۔
یہ بھی پڑھیں:
بیان میں کہا گیا ہے کہ 25 نومبر کی صبح جیکسن براؤن اور فِلس میجر کے بیٹے ایتھن براؤن اپنے گھر میں بے ہوش پائے گئے اور انتقال کر گئے۔
’اس مشکل وقت میں ہم خاندان کی نجی نوعیت کا احترام کرنے کی درخواست کرتے ہیں۔ اس وقت مزید تفصیلات دستیاب نہیں۔‘
Ethan Browne passed today.
— Kristy Mills (@ocnaturaldoc) November 26, 2025
رپورٹس کے مطابق ایتھن نے آئیزک مِزراہی سمیت کئی فیشن ڈیزائنرز کے لیے ماڈلنگ کی۔ انہوں نے 1995 کی اینجلینا جولی اور جونی لی ملر کی فلم ’ہیکرز‘، کیٹ ہڈسن کی فلم ’ریزنگ ہیلن‘ اور ٹی وی سیریز ’برڈز آف پرے‘ میں بھی کام کیا۔
ایتھن نے اپنے والد کی طرح موسیقی میں بھی قدم رکھا، وہ ایلائن زین نامی میوزیکل جوڑی کا حصہ تھے، جس کے دوسرے رکن کیٹ کولبرٹ کے والد چارلس کولبرٹ ہیری بیلافونٹے سمیت دیگر فنکاروں کے ساتھ بطور باس گِٹارسٹ کام کر چکے ہیں۔ اس جوڑی نے 2022 میں اپنا ڈیبیو البم ’رائٹ بیفور یور آئیز‘ جاری کیا۔
مزید پڑھیں:
2 نومبر 1973 کو پیدا ہونے والے ایتھن، جیکسن اور ماڈل فِلس میجر کے بیٹے تھے۔
1974 میں، محض 6 ماہ کی عمر میں، وہ اپنے والد کے ساتھ رولنگ اسٹون میگزین کے سرورق پر بھی چھپ چکے تھے۔
جیکسن اور میجر کی شادی دسمبر 1975 سے مارچ 1976 تک صرف 4 ماہ برقرار رہی، جب فِلس میجر نے خودکشی کر لی تھی۔ اُس وقت ایتھن کی عمر صرف 2سال تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکار ایتھن براؤن
ذریعہ
ذریعہ: WE News
کلیدی لفظ: اداکار ایتھن براؤن ایتھن براؤن کی عمر
پڑھیں:
راولپنڈی میں 14 سالہ فیکٹری ملازم کے ساتھ ’استاد‘ کی بدفعلی، لڑکا اسپتال میں داخل
راولپنڈی کے تھانہ سول لائن کے علاقے گلستان کالونی میں فیکٹری کے استاد کی 14 سالہ شاگرد سے مبینہ زیادتی و انسانیت سوز سلوک کا کیس سامنے آنے پر پولیس نے مقدمہ درج کرکے ملزم کو گرفتار کرلیا۔
پولیس کے مطابق بچے کے والد نے بتایا 14 سالہ بیٹا پلاسٹک کے دروازے کھڑکیاں بنانے والی فیکٹری میں کام سیکھ رہا ہے، جہاں اسد جہانگیر نامی شخص نے اُسے مبینہ بدفعلی کا نشانہ بنایا۔
والد کے مطابق اسد جہانگیر نے آج فون پر بتایا کہ آپکے بیٹے کی طبیعت اچانک خراب ہوگی اسکو اسپتال لے کر آئے ہیں اور ڈاکٹر بچے کے والد کو بلوا رہے ہیں۔
انہوں نے بتایا کہ اسپتال پہنچا تو بیٹے نے گلے لگ کر سہمے ہوئے انداز بتایا کہ اسکے فیکٹری کے استاد اسد جہانگیر نے مبینہ زیادتی کا نشانہ بنایا اور مزید بتایا فیکٹری استاد اسد جہانگیر نے مبینہ بربریت کا مظاہرہ کرتے ہوئے پرائیویٹ پارٹ میں پائپ بھی ڈالتا رہا۔
پولیس نے والد کی درخواست پر مقدمہ درج کرکے ملزم کو گرفتار کرلیا۔ ایس پی پوٹھوہار سردار بابر ممتاز کا نے کہا کہ متاثرہ لڑکے کا میڈیکل کروایا جارہا ہے جس کی رپورٹ آنے کے بعد مزید کارروائی کی جائے گی۔
انہوں نے متاثرہ خاندان کو یقین دہانی کرائی کہ زیر حراست شخص کو ٹھوس شواہد کے ساتھ چالان کیا جائے گا،خواتین ، بچوں سے ہراسمنٹ یا زیادتی ناقابل برداشت ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار