وزیر خزانہ کا ملکی معیشت مضبوط بنانے کا عزم
اشاعت کی تاریخ: 8th, December 2025 GMT
وزیرِ خزانہ محمد اورنگزیب نے پاکستان کی معیشت کو مضبوط بنانے اور طویل المدتی، ذمہ دارانہ سرمایہ کاری کو فروغ دینے کے لیے حکومت کے پختہ عزم کا اعادہ کیا ہے۔اسلام آباد میں نیسلے پاکستان کے وفد سے گفتگو کرتے ہوئے انہوں نے کہا کہ بہتر کمپلائنس، شفافیت اور مضبوط ٹیکس نظام پاکستان کی معاشی بحالی کے بنیادی ستون ہیں۔وزیرِ خزانہ نے غیر رسمی معیشت کے خلاف کارروائی کے حکومتی عزم پر زور دیتے ہوئے کہا کہ اس حوالے سے کئی صنعتوں میں نمایاں نتائج سامنے آ رہے ہیں۔انہوں نے وزارتِ خزانہ میں ٹیکس پالیسی آفس کے قیام کو بڑی ساختی اصلاحات میں سے ایک قرار دیا، جو نجی شعبے کے ساتھ سال بھر مسلسل رابطے کے ذریعے پالیسی میں بہتری اور آئندہ بجٹ سے قبل اس کے مؤثر نفاذ میں مدد دے گا۔وزیرِ خزانہ نے نیسلے پاکستان کی ٹیکس پالیسی آفس کے ساتھ تعاون کی خواہش کا خیرمقدم کیا اور خوراک و مشروبات کے شعبے میں زیادہ رسمی کاروبار اور بہتر ٹیکس مساوات کے لیے حکومتی عزم کو بھی اجاگر کیا۔انہوں نے ایک بار پھر اس بات پر زور دیا کہ حکومت برآمدات پر مبنی صنعتوں کی ترقی کے لیے پرعزم ہے۔
اشتہار
.ذریعہ: Al Qamar Online
پڑھیں:
مضبوط فوج مضبوط پاکستان کی ضامن، پی ٹی آئی نے مذاکرات سے کبھی انکار نہیں کیا، بیرسٹر گوہر
پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ مضبوط فوج ہی مضبوط پاکستان کی ضامن ہے، قومی معاملات افہام و تفہیم کے ذریعے حل ہونے چاہییں۔
پارلیمانی پارٹی اجلاس کے بعد میڈیا سے گفتگو میں انہوں نے واضح کیاکہ پی ٹی آئی نے کبھی مذاکرات سے انکار نہیں کیا۔
مزید پڑھیں: اسپیکر قومی اسمبلی کی سیاسی کشیدگی میں کمی کے لیے کردار ادا کرنے کی پیشکش
ان کا کہنا تھا کہ پارٹی ہمیشہ سے جمہوریت کے فروغ کی خواہاں رہی ہے اور ملک میں جاری صورتحال کو بات چیت کے ذریعے بہتر بنانا چاہتی ہے۔
بیرسٹر گوہر نے کہاکہ چند عناصر حالات میں بگاڑ پیدا کرنے اور آگ لگوانے کے خواہشمند ہیں، لیکن پی ٹی آئی نے ہمیشہ ریاستی اداروں کے مثبت کردار کو سراہا ہے۔
انہوں نے اس تاثر کو بھی غلط قرار دیا کہ پارٹی اداروں سے تصادم چاہتی ہے، ان کے مطابق کچھ لوگ جان بوجھ کر پی ٹی آئی اور اداروں کے درمیان دوریاں پیدا کرنا چاہتے ہیں۔
انہوں نے کہاکہ ایک دوسرے کو خطرہ سمجھنے کے بجائے تمام فریقین کو مل بیٹھ کر معاملات طے کرنے ہوں گے، کیونکہ ایسے فیصلے ہی ملک کے وسیع تر مفاد میں ہیں۔
دوسری جانب اسپیکر قومی اسمبلی سردار ایاز صادق نے سیاسی کشیدگی میں کمی کے لیے کردار ادا کرنے کی پیشکش کردی۔
مزید پڑھیں: ایک ذہنی مریض سے ’ذہنی ڈاکٹر‘ ہی مذاکرات کر سکتا ہے، مریم اورنگزیب کی عمران خان پر تنقید
قومی اسمبلی اجلاس کے دوران گفتگو کرتے ہوئے انہوں نے کہاکہ میں حکومت اور اپوزیشن کے درمیان مذاکرات کے لیے کردار ادا کرنے کو تیار ہوں۔
انہوں نے شکوہ کرتے ہوئے کہاکہ میں نے پہلے بھی کردار ادا کیا مگر مجھے اچھا صلہ نہیں ملا، اب لوگ بیٹھ جائیں اور مشاورت کرکے بتا دیں کہ کیا کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل بیرسٹر گوہر چیئرمین پی ٹی آئی عمران خان رہائی مذاکرات وی نیوز
پاکستان اور ریاست مخالف پروپیگنڈا کرنے والے سوشل میڈیا اکاؤنٹس کا سراغ مل گیا، اہم انکشافات