مشکل وقت میں آسٹریلوی عوام و حکومت کیساتھ کھڑے ہیں، وزیراعظم
اشاعت کی تاریخ: 14th, December 2025 GMT
اسلام آباد(نیوزڈیسک) صدرِ مملکت آصف علی زرداری اور وزیراعظم شہباز شریف نے سڈنی دہشتگرد حملے کی شدید مذمت کرتے ہوئے آسٹریلوی حکومت اور عوام سے مکمل یکجہتی کا اظہار کیا ہے۔
صدرِ مملکت آصف علی زرداری نے آسٹریلوی شہر سڈنی میں دہشتگرد حملے پر گہرے دکھ اور افسوس کا اظہار کرتے ہوئے متاثرین کے اہلِ خانہ سے تعزیت اور زخمیوں کی جلد صحتیابی کی دعا کی۔
صدرآصف علی زرداری کا کہنا ہے پاکستان خود دہشتگردی سے شدید متاثر رہا ہے، اس طرح کے حملوں کے درد اور صدمے کو بخوبی سمجھتے ہیں، صدرِ مملکت نے دہشتگردی کے خلاف پاکستان کے اصولی مؤقف کا اعادہ کیا۔
وزیر اعظم شہباز شریف نے ایکس پر پیغام میں کہا سڈنی حملے کے متاثرین سے دلی ہمدردی ہے۔ پاکستان ہر قسم کی دہشتگردی کی مذمت کرتا ہے اور مشکل وقت میں آسٹریلوی عوام اور حکومت کے ساتھ کھڑے ہیں۔
واضح رہے کہ آسٹریلیا کے شہرسڈنی میں یہودیوں کے تہوار کے دوران فائرنگ سے 12 افراد ہلاک اور 29 زخمی ہوگئے۔ زخمیوں میں دو پولیس اہلکار بھی شامل ہیں۔ سڈنی پولیس کے مطابق ایک حملہ آور جوابی کارروائی میں مارا گیا۔ دوسرے کو شدید زخمی حالت میں گرفتار کرلیا گیا۔ پولیس نے فائرنگ کو دہشت گردی کا واقعہ قراردے دیا۔
.ذریعہ: Daily Mumtaz
پڑھیں:
سڈنی کے بونڈی بیچ میں دہشت گرد حملے پر وزیر داخلہ محسن نقوی کا اظہارِ افسوس
سٹی 42 : سڈنی کے بونڈی بیچ میں دہشت گرد حملے پر وزیر داخلہ محسن نقوی کی جانب سے اظہارِ افسوس کیا گیا ہے، وزیرداخلہ کا کہنا ہے کہ پاکستانی حکومت اور عوام دکھ کی اس گھڑی میں آسٹریلیا کے ساتھ کھڑے ہیں۔
محسن نقوی کا آسٹریلیا سے یکجہتی کا اظہار، متاثرین کے لیے دعائیں۔ وزیرداخلہ نے اپنے ٹویٹ میں لکھا کہ دہشت گردی انسانیت کے خلاف ناقابلِ معافی جرم ہے، پاکستان دہشت گردی کے درد کو بخوبی سمجھتا ہے۔ انہوں نے کہاکہ حملے میں زخمی ہونے والوں کی جلد صحتیابی کے لیے دعا۔
سستی اورمعیاری اشیاء کا حصول پنجاب کے عوام کا حق ہے:مریم نواز
محسن نقوی نے کہا کہ پاکستان روزانہ دہشت گردی کا سامنا کرتا ہے، اس درد کو بخوبی سمجھتے ہیں، پاکستان دہشت گردی کے کرب سے واقف ہے، آسٹریلیا کے دکھ میں شریک ہے۔ انہوں نے کہا کہ پاکستان آسٹریلیا کے ساتھ کھڑا ہے ۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر