صبح کا وقت انسان کی طبیعت کو بلند کرتا ہے، ماہرینِ نفسیات
اشاعت کی تاریخ: 5th, February 2025 GMT
کبھی کبھی انسان بہت زیادہ بیزاری اور اُداسی محسوس کرتا ہے۔ کچھ لوگ دن رات اِس کیفیت سے دوچار رہتے ہیں۔ ایسا کیوں ہوتا ہے؟ اِس کی بہت سی وجوہ ہوتی ہیں۔ حالات انسان کو پریشان رکھتے ہیں۔ جب ذہن الجھا ہوا ہو تو کچھ بھی اچھا نہیں لگتا۔ نفسی امور کے ماہرین کہتے ہیں کہ کسی بھی معاملے کو کس نظر سے دیکھا جارہا ہے اِس کا مدار بہت حد تک اس بات پر ہے کہ انسان کن حالات سے دوچار ہے یا گزر رہا ہے۔
جب ذہن الجھا ہوا ہو تو بہت سے معاملات سمجھ میں نہیں آتے مگر ایک ایسی حقیقت بھی ہے جس پر عام آدمی زیادہ غور نہیں کرتا اور پریشان ہی رہتا ہے۔ رات کے اوقات میں ذہن زیادہ الجھتا ہے، طبیعت بوجھل رہتی ہے اور اتوار کا دن بھی بالعموم بیزاری کے ساتھ گزرتا ہے۔ نفسی امور کے ماہرین کا کہنا ہے کہ صبح کے وقت ذہن بہت اچھی حالت میں ہوتا ہے۔ اگر پُرسکون نیند ملی ہو تو صبح کا وقت انسان کے مزاج کو بلندی عطا کرنے میں غیر معمولی کردار ادا کرتا ہے۔
جو لوگ رات کی بھرپور نیند کے بعد علی الصباح بیدار ہوتے ہیں وہ بالعموم دن بھر بہت اچھے موڈ میں رہتے ہیں۔ انہیں کام پر جانا بھی اچھا لگتا ہے اور کام میں جی بھی خوب لگتا ہے۔ صبح کے اوقات طبیعت کو تر و تازہ رکھتے ہیں۔
ماہرین کا کہنا ہے کہ جب ہم صبح کو بیدار ہوتے ہیں تب ہر چیز روشن تر دکھائی دیتی ہے۔ معاملات ذہن کو الجھاتے نہیں۔ صبح کے اوقات میں ذہن خاصی پُرسکون حالت میں ہوتا ہے۔ ایسے میں زیادہ اور اچھی طرح سوچ سکتا ہے۔ جو لوگ علی الصباح بیدار ہوکر پوری تیاری کے ساتھ گھر سے باہر آتے ہیں وہ دن اچھا گزارتے ہیں۔ اُن کے معاملات سلجھے ہوئے رہتے ہیں۔
عام آدمی کے ذہن میں یہ تصور پایا جاتا ہے کہ ہفتہ وار تعطیل کا دن بہت اچھا گزرنا چاہیے مگر ایسا ہوتا نہیں۔ اس کا بنیادی سبب یہ ہے کہ یومیہ بنیاد پر اگر زیادہ آرام کیا جائے، سماجی سرگرمیاں ہفتہ بھر جاری رہیں تو پھر ہفتہ وار تعطیل کے دن کچھ زیادہ لطف محسوس نہیں ہوتا۔ اگر انسان ہفتہ بھر بھرپور محنت کرے اور کسی سے زیادہ میل جول نہ رکھے تو ہفتہ وار تعطیل کے دن اُسے لوگوں سے ملنے اور آرام کرنے میں زیادہ لطف محسوس ہوتا ہے۔
علی الصباح بیدار ہونے کا بھی کچھ ایسا ہی معاملہ ہے۔ رات کو خواہ مخواہ دیر تک جاگتے رہنے اور نیند کو ٹالتے رہنے سے جسم کے معاملات بگڑتے ہیں اور ذہن منتشر ہو جاتا ہے۔ اگر طے شدہ وقت پر سونے کی عادت ڈالی جائے تو نیند جلد اور اچھی آتی ہے اور یوں دن کا اچھا آغاز ممکن ہو پاتا ہے۔
محققین کی محنت کا نتیجہ بی ایم جے مینٹل ہیلتھ نامی جریدے میں شایع ہوا ہے۔ یہ تحقیق یونیورسٹی کالج لندن کے تحت کرائی گئی ہے۔ ماہرین کی ایک ٹیم نے مختلف حوالوں سے بھرپور جائزہ لے کر بتایا ہے کہ صبح کے اوقات طبیعت کو بلند رکھتے ہیں اور یوں انسان زیادہ اور اچھا کام کرتا ہے۔
.
ذریعہ
ذریعہ: Jasarat News
کلیدی لفظ: کے اوقات کرتا ہے ہوتا ہے صبح کے
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم