چین پاکستان کے ساتھ سی پیک کے اپ گریڈڈ ورژن کی تعمیر کرنے کے لئے تیار ہے، چینی وزیراعظم
اشاعت کی تاریخ: 6th, February 2025 GMT
چین پاکستان کے ساتھ سی پیک کے اپ گریڈڈ ورژن کی تعمیر کرنے کے لئے تیار ہے، چینی وزیراعظم WhatsAppFacebookTwitter 0 6 February, 2025 سب نیوز
بیجنگ :چینی وزیر اعظم لی چھیانگ نے بیجنگ کے عظیم عوامی ہال میں پاکستانی صدرآصف علی زرداری کے ساتھ بات چیت کی ۔جمعرات کے روز چینی میڈیا نے بتا یا کہ لی چھیانگ نے کہا کہ چین دونوں سربراہان مملکت کے درمیان طے پانے والے اہم اتفاق رائے پر عمل درآمد کرنے، قریبی اعلیٰ سطح تبادلوں کو برقرار رکھنے، روایتی دوستی کو فروغ دینے اور چین پاکستان ہمہ موسمی اسٹریٹجک تعاون کی شراکت داری کو گہرا کرنے کے لیے پاکستان کے ساتھ مل کر کام کرنے کے لیے تیار ہے تاکہ چین پاکستان ہم نصیب معاشرے کی تعمیر سے دونوں ممالک کے عوام کو بہتر فائدہ پہنچ سکے۔
لی چھیانگ نے کہا کہ چین پاکستان کے ساتھ ترقیاتی حکمت عملی کو مزید مربوط کرنے، بیلٹ اینڈ روڈ تعاون کی اعلیٰ معیار کی تعمیر کرنے، چین پاکستان اقتصادی راہداری ( سی پیک ) کے “اپ گریڈڈ ورژن” کی تعمیر کرنے، شاہراہوں، ریلوے اور بندرگاہوں جیسے بڑے منصوبوں کی تعمیر کو منظم انداز میں فروغ دینے اور زراعت، کان کنی، نئی توانائی، انفارمیشن ٹیکنالوجی اور مصنوعی ذہانت میں تعاون کو گہرا کرنے کے لئے تیار ہے تاکہ دونوں ممالک کی مشترکہ ترقی کو بہتر طور پر فروغ دیا جا سکے۔
صدر آصف علی زرداری نے کہا کہ پاکستان پاک چین دوستی کو بڑی قدر کی نگاہ سے دیکھتا ہے اور تجارت، سرمایہ کاری، بنیادی ڈھانچے کی تعمیر، فنانس، عوام کے ذریعہ معاش اور عوامی اور ثقافتی شعبوں میں تبادلوں اور تعاون کو مزید گہرا کرنے کے لئے چین کے ساتھ مل کر کام کرنے کا خواہاں ہے۔ پاکستان اپنے ہاں سرمایہ کاری کے لئے مزید چینی کاروباری اداروں کو خوش آمدید کہتا ہے اور پاکستان میں چینی اہلکاروں، منصوبوں اور اداروں کے تحفظ کو یقینی بنانے کے لئے ہر ممکن کوشش کرے گا۔ چین کی قومی عوامی کانگریس کی قائمہ کمیٹی کے چیئرمین چاؤ لہ جی نے بھی بیجنگ میں پاکستانی صدر زرداری کے ساتھ بات چیت کی۔
.ذریعہ: Daily Sub News
کلیدی لفظ: پاکستان کے ساتھ کی تعمیر کرنے چین پاکستان کرنے کے لئے تیار ہے
پڑھیں:
شہباز شریف کا شاوکت مرزِیویوف سے رابطہ، دوطرفہ تعلقات پر گفتگو
وزیراعظم کا ازبکستان کے صدر سے ٹیلیفونک گفتگو میں کہنا تھا کہ پاکستان ہمیشہ خطے میں امن و استحکام کا خواہاں ہے، دونوں راہنماؤں کا دوطرفہ تعلقات کی مثبت رفتار پر اطمینان کا اظہار کیا گیا، تمام شعبوں خصوصاً علاقائی روابط میں تعاون بڑھانے کے مشترکہ عزم کا اعادہ کیا گیا۔ اسلام ٹائمز۔ وزیراعظم شہباز شریف کا ازبکستان کے صدر سے ٹیلیفونک رابطہ، دوطرفہ تعلقات پر گفتگو کی گئی۔ وزیراعظم شہباز شریف نے ازبک صدر اور عوام کو عیدالاضحیٰ کی مبارکباد دی، وزیراعظم نے پاک بھارت کشیدگی کے دوران متوازن موقف پر ازبکستان کا شکریہ ادا کیا۔ شہباز شریف نے کہا کہ پاکستان ہمیشہ خطے میں امن و استحکام کا خواہاں ہے، دونوں راہنماؤں کا دوطرفہ تعلقات کی مثبت رفتار پر اطمینان کا اظہار کیا گیا، تمام شعبوں خصوصاً علاقائی روابط میں تعاون بڑھانے کے مشترکہ عزم کا اعادہ کیا گیا۔ دوران گفتگو ای سی او اور ایس سی او میں دونوں ملکوں کے درمیان قریبی تعاون جاری رکھنے پر اتفاق کیا گیا، صدر ازبکستان کی خطے میں امن اور سلامتی کیلئے پاکستان کی کوششوں کی تعریف کی گئی۔
پاکستان اور افغانستان کا باہمی اعتماد کے فروغ کیلئے تعاون جاری رکھنے پر اتفاق