سعودی فاسٹ فوڈ کمپنی ’البیک‘ جلد پاکستان میں برانچیں کھولے گی، وفاقی وزیر تجارت
اشاعت کی تاریخ: 9th, February 2025 GMT
وفاقی وزیر تجارت جام کمال خان نے سعودی عرب کے شہر جدہ میں موجودگی کے دوران آگاہ کیا ہے کہ سعودی فاسٹ فوڈ کمپنی ’البیک‘ نے پاکستان میں اپنا کاروبار شروع کرنے کا فیصلہ کرلیا ہے، اور توقع ہے کہ وہ بڑے شہروں میں اپنی فرنچائز کھولے گی۔
نجی اخبار میں شائع اے پی پی کی خبر کے مطابق وفاقی وزیر تجارت نے البیک کے پلانٹس کا دورہ کیا، اور وہاں کام کرنے والے پاکستانی ملازمین سے ملاقات کی۔
دورے کے دوران، البیک نے تصدیق کی کہ مفاہمت کی یادداشت (ایم او یو) پر دستخط کے بعد پاکستان میں آپریشن شروع کرنے کا اس کا منصوبہ اپنے آخری مراحل میں ہے۔
ہفتے کو اس حوالے سے جاری پریس ریلیز کے مطابق پہلی میڈ ان پاکستان نمائش کے دوران ہونے والی بات چیت کاروباری تعاون، سرمایہ کاری کے مواقع اور سعودی برانڈز کی پاکستانی مارکیٹ میں داخلے پر مرکوز رہی۔
سعودی عرب کے ممتاز تاجروں سے اہم ملاقات میں وفاقی وزیر نے پاکستان میں توانائی، زراعت، آئی ٹی، ہیلتھ کیئر، انفرااسٹرکچر اور کنزیومر گڈز میں سرمایہ کاری کے مواقع تلاش کرنے کی دعوت دی۔
انہوں نے سعودی عرب کو پاکستان کی برآمدات میں 22 فیصد اضافے پر روشنی ڈالی، اور سعودی سرمایہ کاروں کو ٹیکس چھوٹ، سرمایہ کاروں کے تحفظ کے قوانین اور 24 کروڑ مضبوط صارفین کی مارکیٹ تک رسائی کے ساتھ کاروبار دوست ماحول کی یقین دہانی کرائی۔
سعودی بزنس کمیونٹی کی سرکردہ شخصیات نے پاکستانی ہم منصبوں کے ساتھ خاص طور پر تعمیراتی مواد، ٹیکسٹائل اور خوراک کی صنعتوں میں تعاون میں گہری دلچسپی کا اظہار کیا۔
ملاقات میں تجارتی شراکت داری اور صنعتی سرمایہ کاری بڑھانے کے حوالے سے متعدد تجاویز پر تبادلہ خیال کیا گیا، جن میں وفاقی وزیر نے انہیں پاکستان کا دورہ کرنے اور ٹی ای ایکس پی او، فوڈ اے جی اور ہیلتھ کیئر اینڈ منرل شو جیسی تجارتی نمائشوں میں شرکت کی دعوت دی۔
ملاقات میں پاکستان کی جانب سے کاروبار میں آسانی پیدا کرنے کے حالیہ اقدامات بشمول پاکستان سنگل ونڈو (پی ایس ڈبلیو) اور نیشنل کمپلائنس سینٹر پر بھی تبادلہ خیال کیا گیا، جس کا مقصد تجارتی ضوابط کو ہموار کرنا اور برآمدات کے معیار کو بڑھانا ہے۔
دورے کی ایک اہم بات وزیر جام کمال خان کی البیک کے مالک رامی ابو غزالہ سے ملاقات تھی، وزیر خارجہ کو البیکس آپریشنز کا دورہ کرایا گیا، جہاں انہوں نے فاسٹ فوڈ کمپنی میں کام کرنے والے پاکستانی ملازمین سے ملاقات کی۔
بات چیت کے دوران، البیک نے پاکستان میں اپنی توسیع کی تصدیق کی، یہ کہتے ہوئے کہ ایم او یو پر دستخط کے بعد یہ عمل اپنے آخری مراحل میں ہے، توقع ہے کہ پاکستان میں البیک کی ابتدائی شاخیں جلد کھلیں گی، جس سے روزگار کے نئے مواقع پیدا ہوں گے اور دونوں ممالک کے درمیان اقتصادی تعلقات مضبوط ہوں گے۔
وفاقی وزیر نے البیک جیسے سعودی کاروباری اداروں میں پاکستانی کارکنوں کی خدمات کو سراہا، اور پاکستان میں برانڈز کی شمولیت کا خیر مقدم کیا، ملک کی فاسٹ فوڈ انڈسٹری اور کنزیومر مارکیٹ کو بڑھانے کے امکانات کو اجاگر کیا۔
ایک اور اہم ملاقات میں وفاقی وزیر نے جدہ میں مقیم پاکستانی سرمایہ کاروں اور کاروباری رہنماؤں سے ملاقات کی، اور سعودی عرب کے معاشی منظرنامے میں ان کی دہائیوں پر محیط خدمات کا اعتراف کیا۔
انہوں نے اعتراف کیا کہ گزشتہ 5 سال میں 17 لاکھ پاکستانیوں نے سعودی عرب کا سفر کیا، جس سے یہ پاکستانی تارکین وطن کے لیے سرفہرست منزل بن گیا۔
وفاقی وزیر نے گزشتہ مالی سال میں سعودی عرب سے بھیجی جانے والی 7 ارب 40 کروڑ ڈالر کی ترسیلات زر پر بھی روشنی ڈالی، اور دونوں ممالک کے درمیان مضبوط مالیاتی روابط پر زور دیا۔
انہوں نے کہا کہ حال ہی میں جدہ میں قائم ہونے والا پاکستان انویسٹر فورم مارکیٹ میں داخل ہونے والے نئے افراد کی رہنمائی اور پاکستان اور سعودی عرب کے درمیان کاروباری تعاون کو فروغ دینے میں کلیدی کردار ادا کر رہا ہے۔
انہوں نے پاکستانی سرمایہ کاروں کی حوصلہ افزائی کی کہ وہ ملک کی نظر ثانی شدہ ویزا پالیسی سے فائدہ اٹھائیں، جس کے تحت جی سی سی کے شہریوں کو 90 دن تک بغیر ویزا کے پاکستان میں داخلے کی اجازت دی گئی ہے۔
وفاقی وزیر جام کمال خان کی جدہ میں مصروفیات نے سعودی عرب کے ساتھ تجارتی تعلقات کو مضبوط بنانے کے پاکستان کے عزم کو تقویت دی۔
سعودی کاروباری رہنماؤں کی جانب سے پاکستان کی معیشت پر اعتماد کا اظہار کرنے سے لے کر البیک کی آئندہ توسیع تک، یہ دورہ دونوں ممالک کے درمیان اقتصادی اور تجارتی تعلقات کو گہرا کرنے میں ایک اہم قدم ہے۔
پاکستانی صنعتوں میں سعودی عرب کی بڑھتی ہوئی دلچسپی، بڑھتے ہوئے تجارتی حجم اور نئی کاروباری شراکت داری کے ساتھ، پاک سعودی اقتصادی راہداری مزید وسعت دینے کے لیے تیار ہے، جس سے دونوں ممالک کے لیے دلچسپ مواقع پیدا ہوں گے۔
.ذریعہ: Daily Mumtaz
کلیدی لفظ: دونوں ممالک کے وفاقی وزیر نے سرمایہ کاروں سعودی عرب کے پاکستان میں ملاقات میں نے پاکستان کے درمیان اور سعودی سے ملاقات کے دوران انہوں نے کے ساتھ
پڑھیں:
افغان ترجمان کے دعوے جھوٹے، وزارت اطلاعات: ایک اور بھارتی سازش بے نقاب: پاکستانی مچھیرے کو انڈین خفیہ اداروں نے دباؤ میں لا کر سکیورٹی فورسز کی وردیاں، سمز، کرنسی لانے کو کہا، وفاقی وزرا
اسلام آباد (اپنے سٹاف رپورٹر سے) وفاقی وزیر اطلاعات و نشریات عطاء اللہ تارڑ نے کہا ہے کہ آپریشن سندور کی ناکامی کے بعد بھارت نے مس انفارمیشن اور ڈس انفارمیشن کی مہم شروع کر رکھی ہے۔ بھارت میدان جنگ میں شکست کو بھلا نہیں پا رہا ہے۔ تمام بھارتی میڈیا جھوٹا بیانیہ پھیلانے میں مصروف ہے۔ بھارت نے اعجاز ملاح نامی مچھیرے کو گرفتار کیا۔ قانون نافذ کرنے والے اداروں نے بڑی کامیابی حاصل کی ہے۔ وزیر اطلاعات و نشریات عطاء اللہ تارڑ نے ہفتہ کے روز پی آئی ڈی زیرو پوائنٹ میں وزیر مملکت برائے داخلہ طلال چوہدری کے ہمراہ پریس کانفرنس سے خطاب کرتے ہوئے ان خیالات کا اظہار کیا۔ وفاقی وزیر اطلاعات و نشریات نے کہا کہ اعجاز ملاح سمندر میں ماہی گیری کرتا تھا جس کو بھارتی کوسٹ گارڈز نے گرفتار کیا۔ بھارت نے اعجاز ملاح کو ٹاسک دے کر پاکستان بھیجا۔ وزیر اطلاعات عطاء اللہ تارڑ نے کہا کہ مچھیرے اعجاز ملاح کو بھارتی خفیہ اداروں نے دباؤ میں لا کر پاکستان کے خلاف استعمال کیا۔ مچھیرے اعجاز ملاح کو ٹاسک دیا گیا کہ وہ پاکستانی سکیورٹی فورسز کی یونیفارم خریدے اور مچھیرے اعجاز ملاح کو ناموں کے ساتھ یونیفارم خریدنے کا کہا گیا۔ عطاء اللہ تارڑ نے کہا کہ اعجاز ملاح نے زونگ سمز، پاکستانی کرنسی اور رسیدیں حاصل کیں۔ خفیہ اداروں نے مشکوک حرکات پر اعجاز ملاح پر نظر رکھی اور گرفتار کرلیا۔ یہ واضح ثبوت ہے کہ بھارت پاکستان کو بدنام کرنے کیلئے اوچھے ہتھکنڈے استعمال کر رہا ہے۔ وزیراطلاعات نے کہا کہ آپریشن سندور میں بدترین ناکامی کے بعد بھارت اوچھے ہتھکنڈوں پر اتر آیا ہے۔ پاکستان کے سکیورٹی ادارے الرٹ ہیں۔ وزیراطلاعات و نشریات عطاء اللہ تارڑ نے کہا کہ ادارے کسی بھی سازش کو ناکام بنانے کے لیے تیار ہیں۔ دنیا بھارت کے گھناؤنے عزائم اور جھوٹے بیانیہ سے مکمل طور پر آگاہ ہے۔ ہم نے بھارتی سازش کو ناکام بنا کر آج اس کے عزائم دنیا کے سامنے بے نقاب کر دئیے ہیں۔ عطاء اللہ تارڑ نے کہا کہ کلبھوشن یادیو کے بعد بھارت کی یہ ایک اور مذموم کوشش تھی۔ اعجاز ملاح کا اعترافی بیان پریس کانفرنس میں میڈیا کے سامنے چلایا گیا۔ اعجاز ملاح نے بتایا کہ ہم مچھلی مارنے گئے تو بھارت نے ہمیں پکڑ لیا۔ انہوں نے مجھے کہا کہ آرمی، نیوی اور رینجرز کی وردیاں لینی ہیں۔ اعجاز ملاح نے کہا کہ زونگ سم، پاکستانی سگریٹ اور کرنسی لانے کا کہا۔ اس کے بعد بھارتی خفیہ ایجنسی نے مجھے رہا کردیا۔ اعجاز ملاح نے کہا کہ میں نے خفیہ ایجنسی کے افسر کو کچھ تصاویر بھیجیں۔ میں جب دوبارہ سمندر میں گیا تو پاکستانی ایجنسی نے مجھے پکڑ لیا۔ پریس کانفرنس سے خطاب کرتے ہوئے وزیر مملکت برائے داخلہ طلال چوہدری نے کہا کہ یہ بھارت کا پروپیگنڈا آپریشن ہے جو ایکسپوز ہوا ہے۔ پاکستان کے میڈیا نے جنگ میں انفارمیشن کی جنگ جیتی۔ اعجاز ملاح کو پیسوں کا لالچ دیا گیا۔ 95 ہزار روپے دینے کے ثبوت موجود ہیں۔ پہلگام میں بھی انہوں نے چائنیز سیٹلائٹ کا ذکر کیا۔ اب یہاں پر زونگ کی سمز مانگی جارہی تھیں۔ انہوں نے ویڈیو کے ساتھ کچھ آڈیوز بھی میڈیا کے ساتھ شیئر کیں۔ کہا کہ بھارت کو کہنا چاہتے ہیں ہمارے ادارے چوکنا ہیں۔
اسلام آباد (نوائے وقت رپورٹ) پاکستان کے ترجمان نے افغان طالبان کا گمراہ کن بیان مسترد کردیا۔ وزارت اطلاعات کا کہنا ہے کہ استنبول مذاکرات سے متعلق حقائق کو توڑ مروڑ کر پیش کیا گیا۔ پاکستان نے افغان سرزمین پر موجود دہشتگردوںکی گرفتاری کا مطالبہ کیا۔ افغان فریق کے دعوے پر پاکستان نے فوری طور پر تحویل کی پیشکش کی۔ پاکستان کا موقف واضح، مستقل اور ریکارڈ پر موجود ہے۔ پاکستان کے خلاف غلط بیانی قبول نہیں۔ افغانستان کی جانب سے جھوٹے دعوے حقائق کے منافی ہیں۔ پاکستان نے واضح کہا دہشتگردوں کی حوالگی سرحدی انٹری پوائنٹس سے ممکن ہے۔ پاکستان کے موقف کو غلط انداز میں پیش کیا جا رہا ہے۔
اشتہار