موجودہ پارلیمنٹ کے پہلے سال میں ارکان اسمبلی کی حاضری کتنے فیصدرہی؟رپورٹ جاری
اشاعت کی تاریخ: 12th, February 2025 GMT
اسلام آباد: فری اینڈ فیئر الیکشن نیٹ ورک(فافن) نے پہلے سال میں موجودہ پارلیمنٹ کے 12 ویں سیشن میں ارکان اسمبلی کی حاضری کارکردگی پر جائزہ رپورٹ جاری کردیا۔
رپورٹ کے مطابق سیشن کا انعقاد 13 سے 23 جنوری 2025 تک رہا جس میں ایوان کی 9 نشستیں ہوئیں جس میں صرف 36 ارکان تمام نشستوں میں شرکت کی اور 35 ارکان کسی بھی نشست میں نہ آئے۔
فافن نے اپنی جائزہ رپورٹ میں بتایا کہ سیشن کی 9ویں نشست میں سب سے زیادہ 241 (68 فیصد) ارکان حاضر ہوئے، سیشن کی 5ویں نشست میں سب سے کم 117 (37 فیصد) ارکان حاضر ہوئے جب کہ 277 ارکان (82 فیصد) ایسے تھے جو کم از کم ایک نشست میں حاضر نہیں ہوئے۔
رپورٹ کے مطابق 9 میں سے 8 نشستوں میں مرد ارکان کے مقابلے میں خواتین کی حاضری شرح بلند رہی، 96 ایم این ایز رخصت پر رہے، 181 ارکان بغیر باضابطہ درخواست دیے نہ آئے۔
رپورٹ میں کہا گیا کہ مسلم لیگ (ن)، سنی اتحاد کونسل، پیپلزپارٹی کے اکثریتی ارکان نصف سے زائد نشستوں میں حاضر ہوئے، مسلم لیگ (ن) کے 13 فیصد، سنی اتحاد کونسل کے 8 فیصد، پیپلز پارٹی کے 11 فیصد ارکان کی حاضری 100 فیصد رہی۔
علاوہ ازیں، سیشن کے وقفہ سوالات میں 20 وزرا کی حاضری درکار تھی تاہم صرف 6 وزرا تمام متعلقہ نشستوں میں حاضر ہوئے جب کہ 5 وزرا کسی بھی نشست میں نہ آئےاور 9 وزراء نے کم از کم ایک نشست میں حاضری دی۔
فافن رپورٹ کے مطابق وزرا میں صرف وزیر ہاؤسنگ تمام نشستوں میں حاضر رہے ، وزیر صنعت اور وزیر آئی ٹی کی حاضری 89 فیصد رہی، وزیر میری ٹائم افیئرز کی حاضری 78 فیصد رہی جب کہ وزیراعظم نے صرف 2 نشستوں میں شرکت کی ، اپوزیشن لیڈر تمام نشستوں میں شریک ہوئے۔
علاوہ ازیں پارلیمانی لیڈرز میں سے سنی اتحاد کونسل اور مجلس وحدت مسلمین کے لیڈر زتمام 9 نشستوں میں حاضر ہوئے، مسلم لیگ (ن) پارلیمانی لیڈر 6 نشستوں میں حاضر ہوئے جب کہ پیپلز پارٹی ، جے یو آئی ، بی این پی کے پارلیمانی لیڈرز کسی ایک نشست میں بھی شریک نہ ہوئے۔
ذریعہ: Daily Mumtaz
کلیدی لفظ: نشستوں میں حاضر ہوئے کی حاضری
پڑھیں:
پاکستانی باکسر عثمان وزیر نے بھارتی حریف کو پہلے راؤنڈ میں شکست دیدی
پاکستانی باکسر عثمان وزیر نے جمعرات کو سنسنی خیز کارکردگی کا مظاہرہ کرتے ہوئے اپنے بین الاقوامی رینکنگ باؤٹ کے پہلے راؤنڈ میں اپنے بھارتی حریف ایس ایشورن کو ٹیکنیکل ناک آؤٹ کردیا۔
پاکستان اور بھارت کے درمیان کھیلوں کی تاریخی رقابت کے پیش نظر بنکاک کے ورلڈ سیام اسٹیڈیم میں منعقدہ باکسنگ کے اس مقابلے کی انتہائی چرچا تھی، مذکورہ مقابلہ عثمان وزیر کی 16ویں پیشہ ورانہ فائٹ تھی۔
23 سالہ عثمان وزیر نے اپنے ناقابل شکست ریکارڈ کو ایک اور جہت دیتے ہوئے ابتدائی راؤنڈ میں فائٹ صرف ایک منٹ اور 41 سیکنڈ میں ختم کردی۔
یہ بھی پڑھیں: ویڈیوز سے سیکھ کر عالمی باکسنگ مقابلے جیتنے والے انجینیئر ریحان اظہر
جیسے ہی مقابلے کے آغاز کی گھنٹی بجی، عثمان وزیر نے وقت ضائع کیے بغیر پہلا حملہ داغا جس نے لڑائی کی رفتار اور جارحیت کا تعین کردیا، ایشورن نے اپنے تئیں جارحیت کے ساتھ جواب دیا اور یوں مقابلہ تیزی سے مکوں کے دھماکہ خیز تبادلے میں تبدیل ہوگیا۔
تاہم، عثمان وزیر نے اعلیٰ تکنیک اور سمجھداری کا مظاہرہ کرتے ہوئے زور دار ضربوں کا ایک سلسلہ شروع کیا جس نے ایشورن کو دو بار گرنے پر مجبور کردیا اور یوں ریفری کو مقابلہ روکنے کے لیے مداخلت کرنا پڑی۔
’ایشین بوائے‘ کے نام سے موسوم عثمان وزیر نے باکسنگ کی دنیا میں پہلے ہی دھوم مچارکھی ہے، وہ اس سے قبل ورلڈ یوتھ ٹائٹل، ایشین ٹائٹل، اور مڈل ایسٹ ٹائٹل سمیت متعدد اعزازات اپنے نام کر چکے ہیں۔
مزید پڑھیں: پاکستان باکسنگ فیڈریشن کے عہدیداروں کا انتخاب
عثمان وزیر کی کامیابیوں نے نہ صرف انہیں عالمی سطح پر پہچان عطا کی ہے بلکہ پاکستان اور ان کے آبائی علاقے گلگت بلتستان کے لیے بھی بہت بڑے فخر کا باعث بنی ہیں۔
بھارتی باکسر کیخلاف اپنی زبردست فتح کے بعد، عثمان وزیر نے اظہار تشکر کے ساتھ اتحاد کا ایک بھرپور پیغام دیا۔
’اس جیت کے لیے الحمدللہ۔ میں ہائی لینڈ باکسنگ پروموشن، اپنے اسپانسرز اور سندھ حکومت کا ان کے تعاون کے لیے شکر گزار ہوں۔‘
مزید پڑھیں: ورلڈ باکسنگ کونسل ایشیا ٹائٹل کا کامیاب دفاع، پاکستانی باکسر کے ہاتھوں بھارتی ناک آؤٹ
انہوں نے اپنے مقابلے سے جڑے سوشل میڈیا پر بڑھتے ہوئے اختلافات کے حوالے سے سرحد کے دونوں طرف موجود شائقین پر زور دیا کہ وہ امن کو قبول کریں۔
’میں نے اس (فائٹ) کا موازنہ ہندوستان اور پاکستان کی جنگ سے کرتے ہوئے دیکھا، میں دونوں ممالک سے مخلصانہ درخواست کرتا ہوں، ہم امن چاہتے ہیں، تقسیم کرنے کی بجائے کھیلوں کو ہمیں ایک دوسرے کے قریب لانے دیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی حریف سوشل میڈیا عثمان وزیر گلگت ورلڈ یوتھ ٹائٹل
پاکستان بھر میں کے ایف سی پر حملوں کے واقعات، 178 افراد گرفتار