سفیر پاکستان کی امریکہ میں مقیم کمیونٹی کو پاکستانی ورثے کی تریج و ترقی کے حوالے اپنا بھرپور کردار ادا کرنے کی اپیل
اشاعت کی تاریخ: 25th, February 2025 GMT
سفیر پاکستان کی امریکہ میں مقیم کمیونٹی کو پاکستانی ورثے کی تریج و ترقی کے حوالے اپنا بھرپور کردار ادا کرنے کی اپیل WhatsAppFacebookTwitter 0 25 February, 2025 سب نیوز
ورجینیا:
امریکہ میں پاکستانی سفیر رضوان سعید شیخ نے کہا ہے کہ اردو ادب ہمارا قومی اثاثہ ہے ۔ آنے والی نسلوں کو اردو ادب اور ملکی ثقافتی ورثے سے روشناس کرانا ہمارا قومی فریضہ ہے۔ اس ضمن میں سفیر پاکستان نے امریکہ میں مقیم پاکستانی کمیونٹی کو یہ پیشکش کی ہے کہ وہ ثقافتی ورثے کی ترویج و ترقی کے حوالے سے تقریبات کے لئے سفارت خانے کے وسائل برؤے کار لائیں۔
سفیر پاکستان نے یہ پیشکش ریاست ورجینیا کے علاقے ووڈ بریج میں مسلم ریسپانس یوایس اے کی ذیلی تنظیم بزم حرف و سخن کی زیر اہتمام آفاقی شاعر اسد اللہ خان غالب کی لازوال شاعری کے حوالے سے منعقدہ ایک تقریب میں مہمان خصوصی کی حیثیت سے خطاب کرتے ہوئے کی۔
تقریب میں اردو ادب سے وابستہ ممتاز شخصیات، پاکستانی کمیونٹی رہنماؤں، میڈیا نمائندگان اور زندگی کے مختلف شعبہ جات سے تعلق رکھنے والے افراد شریک تھے۔ صدر محفل ڈاکٹر عبداللہ، خالد حمید، نغمہ صبوحی، فیض رحمان، راحیلہ فردوس، بابر سرور، رشید انصاری، علی شعیب حسن نے بھی تقریب سے خطاب کیا اور اسد اللہ خاں غالب کی شاعری کی آفاقی اور جمالیاتی پہلوؤں کو اجاگر کیا۔ میزبانی کے فرائض ڈاکٹر عارف محمود نے سر انجام دیے۔
برصغیر پاک و ہند کے عظیم شاعر کے کلام، شعری مہارت اور فکری وسعت کو اجاگر کرتے ہوئے سفیر پاکستان نے کہا کہ اسد اللہ غالب کی شاعری کی آفاقیت کو تسلیم کرتے ہوئے ہم پر یہ ذمہ داری عائد ہوتی ہے کہ ہم اس نایاب ورثے کی نہ صرف حفاظت کریں بلکہ اس کی ترویج اور آئندہ نسلوں تک منتقلی کے حوالے سے اپنی ذمہ داریاں ادا کریں۔
جدید دور میں ٹیکنالوجی کے شعبے میں ہونے والی ترقی کا حوالہ دیتے ہوئے سفیر پاکستان نے کہا کہ زبان اور ثقافتی ورثے کے تحفظ و ترویج کے لئے ٹیکنالوجی کو برؤے کار لایا جائے۔ انہوں نے کہا کہ اردو ہماری پہچان ہے اور زبان کی ترویج و ترقی سے پاکستانیت کو تقویت ملے گی۔
امریکہ میں اردو زبان اور پاکستانی ثقافت کو روشناس کرانے کے حوالے سے بات کرتے ہوئے رضوان سعید شیخ نے کہا کہ عالمی برادری کو پاکستانی ثقافتی ورثے سے روشناس کرانا عوامی سفارت کاری کی ایک اہم جہت ہے اور اس ضمن میں ہر ممکن کوشش جاری رکھی جائے گی۔
سفیر پاکستان نے کہا کہ پاکستانی آرٹس اینڈ لٹریچر کے فروغ کے حوالے سے گذشتہ دنوں سفارت خانے میں اسلامی خطاطی کی باقاقاعدہ نمائش کا اہتمام کیا گیا۔ انہوں نے کہا کہ اس روایت کو مزید فروغ دیا جائے گا۔ انہوں نے مزید کہا کہ پاکستان ایمبیسی فورم کے پلیٹ فارم کے تحت کشمیر و دیگر اہم موضوعات پر ہون ہونے والی تقریبات کو مکمل طور پر قلم بند کرنے اور اسے تاریخ کا حصہ بنانے کی روایت کا بھی باقاعدہ آغاز کر دیا گیا ہے تاکہ ان اہم موضوعات پر ہونے والی تمام کاروائی کو محفوظ بنایا جا سکے۔
سفیر پاکستان نے کمینوٹی سے اپیل کی کہ وہ اردو زبان کی ترویج و ترقی میں اپنا بھرپور کردار ادا کریں تاکہ نہ صرف پاکستانی ورثے کے تحفظ و یقینی بنایا جا سکے بلکہ امریکہ کے طول و عرض میں اس کو روشناس کرایا جا سکے۔
سفیر پاکستان نے تقریب کے اہمتام پر ڈاکٹر عارف محمود اور بزم حرف و سخن کے دیگر عہدہ داروں کو انکی خدمات، کاوشوں اور کامیاب تقریب کے انعقاد پر مبارکباد پیش کی۔ بعد ازاں انہوں نے مہمان خصوصی کی حیثیت سے مختلف شخصیات کو ان کی سماجی و پیشہ وارانہ خدمات اعتراف میں اعزازات سے بھی نوازا۔
ذریعہ: Daily Sub News
کلیدی لفظ: سفیر پاکستان امریکہ میں کے حوالے ورثے کی
پڑھیں:
پاک افغان تعلقات عمران خان دور میں اچھے تھے، ذبیح اللہ مجاہد
سویلین حکومت تعلقات قائم کرنے میں دلچسپی رکھتی ہے، اسٹیبلشمنٹ اس کی اجازت نہیں دیتی،پاکستانی سرزمین پر ہونیوالے واقعات کو روکنے کا اختیار نہیں، ترجمان کا ٹی وی چینل کو انٹرویو
امارت اسلامیہ افغانستان کے ترجمان ذبیح اللہ مجاہد کا کہنا ہے کہ پاکستانی سرزمین پر ہونیوالے واقعات کو روکنے کا اختیار نہیں۔ عمران کے دور میں دونوں ممالک کے درمیان تعلقات اچھے تھے، خاص طور پر تجارت، ٹی ٹی پی کو کنٹرول کرنے کی کوششوں اور دیگر شعبوں میں، سب کچھ آسانی سے چل رہا تھا۔ پاکستان کی سویلین حکومت افغانستان کے ساتھ باہمی مفادات کی بنیاد پر تعلقات قائم کرنے میں دلچسپی رکھتی ہے لیکن اسٹیبلشمنٹ اس کی اجازت نہیں دیتی۔ایک ٹی وی چینل کو انٹرویو دیتے ہوئے مجاہد نے کہا کہ افغانستان کے لیے پاکستان کے خصوصی ایلچی صادق خان کابل میں تھے اور انہوں نے افغان حکام سے مثبت بات چیت کی، لیکن اسی عرصے کے دوران پاکستان نے افغان سرزمین پر حملے بھی کیے۔مجاہد نے نوٹ کیا کہ پاکستان کی طرف سے ڈیورنڈ لائن کے ساتھ کراسنگ کی بندش سے دونوں طرف کے تاجروں کو بڑا نقصان ہوا ہے، اور انہوں نے اس بات پر زور دیا کہ ایسے معاملات کو سیاست سے الگ رکھنا چاہیے، دوسری طرف پاکستانی سرزمین پر ہونیوالے واقعات روکنا ہمارا اختیار نہیں۔دریائے کنڑ پر ڈیم بننے کی خبروں پر پاکستان کی تشویش سے متعلق سوال کے جواب میں انہوں نے کہا کہ افغان سرزمین پر تعمیرات اور دیگر سرگرمیاں مکمل طور پر افغانستان کا حق ہے، اگر دریائے کنڑ پر کوئی ڈیم بنایا جاتا ہے تو اس سے پاکستان کو کوئی نقصان نہیں پہنچے گا، پانی اپنی قدرتی سمت میں بہنا جاری رہے گا، اور اسے مقررہ راستے میں ہی استعمال کیا جائے گا۔ذبیح اللہ مجاہد نے سابق پاکستانی وزیر اعظم عمران خان کے دور میں افغانستان اور پاکستان کے تعلقات پر بھی تبصرہ کرتے ہوئے کہا کہ عمران کے دور میں دونوں ممالک کے درمیان تعلقات اچھے تھے، خاص طور پر تجارت، ٹی ٹی پی کو کنٹرول کرنے کی کوششوں اور دیگر شعبوں میں، سب کچھ آسانی سے چل رہا تھا۔انہوں نے پاکستان سے مطالبہ کیا کہ وہ افغان سرزمین پر ہونے والی دہشت گردانہ سرگرمیوں کے بارے میں کسی بھی معلومات کو امارت اسلامیہ کے ساتھ شیٔر کرے تاکہ مناسب کارروائی کی جاسکے۔ان کا کہنا تھا کہ پاکستانی فریق چاہتا ہے کہ ہم پاکستان کے اندر ہونے والے واقعات کو بھی روکیں، لیکن پاکستانی سرزمین پر ہونیوالے واقعات کو روکنا ہمارے اختیار سے باہر ہے۔ امارت اسلامیہ پاکستان میں عدم تحفظ نہیں چاہتی اور اس بات کو یقینی بنانے کے لیے پرعزم ہے کہ افغان سرزمین سے کوئی خطرہ پیدا نہ ہو۔افغان ترجمان نے امید ظاہر کی کہ کابل اور اسلام آباد کے درمیان مذاکرات کے اگلے دور میں دو طرفہ مسائل کے دیرپا حل تلاش کرنے کے لیے دیانتدارانہ اور ٹھوس بات چیت ہوگی۔
سولجر بازار میں ریسٹورنٹ کے باہر فائرنگ سے تاجر جاں بحق