کراچی؛ ایف آئی اے کی کارروائی میں ملکی اور غیرملکی کرنسی برآمد، ملزم گرفتار
اشاعت کی تاریخ: 25th, February 2025 GMT
کراچی:
وفاقی تحقیقاتی ادارہ (ایف آئی اے) کمرشل بینک سرکل نے پی ای سی ایچ ایس میں کارروائی کے دوران لاکھوں روپے مالیت کی ملکی اور غیرملکی کرنسی تحویل میں لے لی اور ملزم کو بھی گرفتار کرلیا۔
ذرائع کے مطابق ایف آئی اے کمرشل بینک سرکل نے شہرکے علاقے پی ای سی ایچ ایس کے ایک گھر میں کارروائی کی، اس چھاپہ مارکارروائی میں لاکھوں روپےمالیت کی ملکی اور غیرملکی کرنسی برآمد کرکے ملزم کوگر فتار کیا گیا ہے۔
انہوں نے بتایا کہ برآمد شدہ کرنسی میں 1200 برطانوی پاؤنڈز، 900 یو اے ای درہم، 100یورو اور 5 لاکھ 70 ہزار روپے شامل ہیں۔
مزید بتایا گیا کہ ملزم کے موبائل فون سےحوالہ ہنڈی کے ذریعے رقم کی منتقلی کے پیغامات اور شواہد بھی حاصل کیے گئے ہیں، ملزم کے خلاف مقدمے کے اندراج کے بعد مزید کارروائی جاری ہے۔
.
ذریعہ
ذریعہ: Express News
پڑھیں:
بحرالکاہل میں ایل نینو سرگرم، پاکستان کے موسم پر کیا اثرات مرتب ہوں گے؟
— فائل فوٹومحکمۂ موسمیات نے بتایا ہے کہ بحرالکاہل میں ایل نینو سرگرم ہو رہا ہے، جس کے اثرات دنیا بھر کے موسموں پر پڑتے ہیں۔
محکمۂ موسمیات کے مطابق ایل نینو 2016ء کے بعد اب سرگرم ہو رہا ہے، جس کے باعث پاکستان میں معمول سےکم بارشیں ہو سکتی ہیں۔
محکمۂ موسمیات نے بتایا ہے کہ تھر پارکر ریجن سمیت سندھ میں رواں مون سون میں معمول سے کم بارشیں ہونے کا امکان ہے جب کہ ملک کے شمالی علاقوں میں مغربی ہواؤں کے سلسلے بارش کا سبب بنتے رہیں گے۔
امریکی موسمی ادارے کا کہنا ہے کہ رواں سال بحرِ اوقیانوس میں معمول سے کم طوفان متوقع ہیں۔
محکمۂ موسمیات کے مطابق کراچی میں آئندہ دنوں میں بھی موسم گرم اور مرطوب رہےگا، کراچی میں درجۂ حرارت 38 ڈگری سینٹی گریڈ تک رہ سکتا ہے۔
محکمۂ موسمیات نے بتایا ہے کہ ملک کے بالائی علاقوں میں 5 جون تک آندھی اور گرج چمک کے ساتھ بارش کا امکان ہے۔
محکمۂ موسمیات کے مطابق مغربی ہوائیں چلنے کا سلسلہ گزشتہ رات سندھ کے مختلف علاقوں میں بارش کا باعث بنا۔
محکمۂ موسمیات نے بتایا ہے کہ موئن جوداڑو میں گزشتہ 24 گھنٹوں کے دوران 32 ملی میٹر بارش ریکارڈ ہوئی، مانو روہڑی میں 20 ملی میٹر بارش جب کہ ہواؤں کی رفتار 104 کلو میٹر فی گھنٹہ ریکارڈ ہوئی۔
محکمۂ موسمیات کے مطابق اس سسٹم کے زیرِ اثر خیر پور، دادو، گھوٹکی، تھر پارکر اور ملحقہ اضلاع میں بھی بارش کا امکان رہے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ