گرج چمک کےساتھ موسلادھار بارش اوربرفباری،جاتی سردی لوٹ آئی
اشاعت کی تاریخ: 26th, February 2025 GMT
بارش اور برفباری کا سلسلہ وقفے وقفے سے جاری ہے،بارش کے باعث موسم خوشگوار اور سردی کی شدت میں اضافہ ہوگیا،دوسری جانب ملک میں بارشوں کے دھواں دھاراسپیل کے دوران مختلف حادثات میں 9 افراد جاں بحق ہوگئے۔ راولپنڈی اور اسلام آباد میں وقفے وقفے سے بارش کا سلسلہ جاری ہے جس کے باعث موسم خوشگوار اور سردی کی شدت میں اضافہ ہوگیا۔ محکمہ موسمیات کے مطابق بارش کا سلسلہ آئندہ چند روز تک جاری رہے گا،خیبر پختونخوا میں آئندہ 24 گھنٹوں کے دوران مزید بارش اور پہاڑوں پر برفباری کا امکان ہے،گزشتہ روز سب سے زیادہ بارش کالام میں 22 ملی میٹر ریکارڈ کی گئی۔ محکمہ موسمیات کے مطابق آئندہ 24 گھنٹوں کے دوران پشاور، نوشہرہ ،مردان ، چارسدہ ، صوابی ،چترال ، دیر،سوات، شانگلہ، بونیر، مالاکنڈ ،ایبٹ اباد ، ہری پور،مانسہرہ ، بٹگرام ، کوہستان، تورغر،باجوڑ ، مہمند ، کوہاٹ ، ہنگو ، کرک ، لکی مروت، بنوں ، کرم، ڈی آئی خان ، ٹانک، شمالی و جنوبی وزیر ستان میں بارش اور بالائی اضلاع میں پہاڑوں پر برف باری کا امکان ہے۔ ملک میں بارشوں اور برفباری کا نیا سلسلہ داخل ہوگیاہے اور این ڈی ایم اے نے اس حوالے سے ایڈوائزری بھی جاری کردی ہے۔ گزشتہ روز کے پی کےکے بیشتر اضلاع میں بارش اور مالم جبہ میں برف باری ہوئی، کالام میں 22 ، پارا چنار اور دیر میں 16 ملی میٹر بارش ہوئی،اس کے علاوہ مالم جبہ میں 12 اور پشاور میں 11 ملی میٹر بارش ریکارڈ کی گئی، پشاور کا کم سے کم درجہ حرارت 9 ڈگری سینٹی گریڈ ریکارڈ کیا گیا، شہر کا زیادہ سے زیادہ درجہ حرارت 19 ڈگری سینٹی گریڈ تک جانے کا امکان ہےجبکہ پارا چنار میں درجہ حرارت منفی 3 ،کالام میں منفی 1 ڈگری سینٹی گریڈ ریکارڈ ہوا،اس کے علاوہ شانگلہ اور مانسہرہ میں بارش اور پہاڑوں پر برف باری کا سلسلہ دوسرے روز بھی جاری ہے، وادی کاغان میں برفباری کے باعث سردی کی شدت میں اضافہ ہوگیا ہے۔ شانگلہ کے میدانی علاقوں بشام،شاہ پورمیں بارش اور شانگلہ ٹاپ، یختنگی،الپوری میں برف باری سے سردی کی شدت میں اضافہ اور درجہ حرارت نقطہ انجماد سے گر گیاہے۔ دیربالا اور سوات میں بارش اوربرفباری سے سردی لوٹ آئی ہے، مالم جبہ، کالام اور مہوڈنڈ میں برفباری سے ہرسو سفیدی چھاگئی،بلوچستان میں بھی بارش ہوئی ہے،چمن میں آندھی سےگھروں کی دیواریں اور بجلی کے ٹاورگرگئے۔ پنجاب کے شہروں شیخوپورہ،فاروق آباد، رینالہ خورد، کلورکوٹ، شرقپورشریف اوردیگرعلاقوں بارش سے جل تھل ایک ہوگیا۔ دوسری جانب بارش کے باعث مختلف حادثات میں 2 بچوں سمیت 9 افراد جاں بحق جبکہ خاتون اور متعدد زخمی ہوگئے،کرک میں مکان کی چھت گرنے سے 2 کمسن بہن بھائی جاں بحق ہوئے جبکہ خاتون اور 2 بچے زخمی ہوگئے،ایک اور واقعہ میں وادی نیلم میں 3 افراد برفانی تودے تلے دب کرلقمہ اجل بن گئے،اٹک میں سڑک پر پھسلن سے بس کھائی میں جاگری جس کے باعث 3 افراد جان سے گئے جبکہ حادثے میں 9 زخمی ہوگئے۔ گلیات میں برفباری کے بعد پھسلن کی وجہ سے گاڑیاں آپس میں ٹکرا گئیں،پشاور میں کوہاٹ روڈ پر مکان کی چھت تلے دب کر 4 بچے زخمی ہوگئے،جمرود کے علاقے ملا گوری میں بارش کے باعث کمرے کی چھت گرنے سے ایک خاتون جاں بحق ہوگئی، خاتون کی لاش کو ملبے تلے سے نکال کر ہسپتال منتقل کر دیا گیا، خاتون دینی مدارس کی حافظ ومعلمہ تھی۔ محکمہ موسمیات نے انتباہ جاری کرتے ہوئے کہاہے کہ مختلف علاقوں میں برفباری کی وجہ سے سڑکوں کے بند ہونے اور پھسلن کی وجہ سے ٹریفک کی روانی میں خلل کا اندیشہ ہے،خیبر پختونخوا کے پہاڑی علاقوں، کشمیر، گلگت بلتستان، مری اور گلیات میں لینڈ سلائیڈنگ کا خدشہ ظاہر کیا گیا ہے،سیاحوں کو محتاط رہنے اور غیر ضروری سفر سے اجتناب کرنے کی ہدایت کی گئی ہے۔ شہرقائد میں مطلع ابرآلود، ہے اورآج سرمئی بادل چھائے رہیں گے،محکمہ موسمیات نے پارہ 32ڈگری سینٹی گریڈ تک جانے کی پیشگوئی کی ہے،ہوا میں نمی 85 فیصد ریکارڈ کی گئی ہے،شہر کا فضائی معیار تاحال مضرصحت قراردیاگیاہے،کراچی پاکستان کاپہلا اوردنیاکاچوتھاآلودہ ترین شہر بن گیا ہے،ماہرین نے شہریوں کواحتیاط برتنے کامشورہ دیاہے۔ وادی نیلم کے ضلعی ہیڈکوارٹر آٹھمقام سمیت زیریں علاقوں میں گزشتہ روز سے موسلا دھار بارش کا سلسلہ جاری ہے،جاگراں ویلی ،لوات بالا، شاردہ ،دودنیال ،کیل ،گریس ویلی ،تاؤبٹ سرداری ،ہلمت ،سرگن ،شونٹھر میں برفباری کا سلسلہ جاری ہے،وادی نیلم کے سیاحتی مقامات بالائی علاقوں میں ایک فٹ جبکہ پہاڑوں پر دو فٹ سے زائد برف پڑ چکی ہے،بارش اوربرفباری سے بجلی اورمواصلات کا نظام بری طرح متاثرہواہے،بالائی علاقوں کو ملانے والی متعدد رابطہ سڑکیں بند ہونے سے شہریوں کو مشکلات کا سامناکرناپڑرہاہے،بارش اوربرفباری کے دوران تمام ایمرجنسی رسپانس کے ادارے الرٹ ہیں اورشہریوں کو سفر کے دوران احتیاطی تدابیر اختیار کرنے کی ہدایات جاری کردی گئی ہیں
.ذریعہ: Nawaiwaqt
کلیدی لفظ: سردی کی شدت میں اضافہ بارش اوربرفباری محکمہ موسمیات میں بارش اور سینٹی گریڈ زخمی ہوگئے برفباری کا ریکارڈ کی پہاڑوں پر کے دوران کا سلسلہ کے باعث جاری ہے بارش کا باری کا کی گئی
پڑھیں:
عوام تیاری کرلیں: ملک بھر میں گرج چمک کے ساتھ بارش ہونے والی ہے
عوام تیاری کرلیں: ملک بھر میں گرج چمک کے ساتھ بارش ہونے والی ہے WhatsAppFacebookTwitter 0 17 September, 2025 سب نیوز
محکمہ موسمیات نے ملک کے مختلف علاقوں میں گرج چمک کے ساتھ بارش کی پیشگوئی کردی ہے۔
محکمہ موسمیات کے مطابق ملک کے بیشتر علاقوں میں موسم خشک اور گرم رہنے کا امکان ہے تاہم بالائی خیبرپختونخوا، شمال مشرقی پنجاب، خطہ پوٹھوہار، کشمیر اور گلگت بلتستان میں چند مقامات پر تیز ہواؤں اور گرج چمک کے ساتھ بارش کا امکان ہے۔
اس دوران شمال مشرقی پنجاب، کشمیر اور ملحقہ پہاڑی علاقوں میں بعض مقامات پر تیز بارش بھی ہونے کی توقع ہے۔محکمہ موسمیات نے اسلام آباد اور گرد و نواح میں چند مقامات پر بارش کا امکان ظاہر کیا ہے۔
راولپنڈی، مری، گلیات، جہلم، اٹک، چکوال، لاہور، سرگودھا، خوشاب، سیالکوٹ، نارووال، قصور، حافظ آباد، فیصل آباد، منڈی بہاؤالدین، گجرات اورگوجرانوالہ میں بارش کا امکان ہے۔
پشاور، سوات، کوہاٹ، مردان، دیر، چترال، بنوں، باجوڑ، ایبٹ آباد، صوابی اور مانسہرہ میں بارش کی توقع ہے۔ بلوچستان کے جنوبی علاقوں میں مطلع جزوی ابرآلود رہنے کا امکان ہے۔
سندھ کے بیشتر اضلاع میں موسم گرم اور خشک رہنے کی توقع ہے، آزاد کشمیر اور گلگت بلتستان میں تیز ہواؤں اورگرج چمک کے ساتھ بارش کا امکان ہے۔
گزشتہ 24 گھنٹوں کے دوران ملک کے بیشتر علاقوں میں موسم گرم اور خشک جبکہ ساحلی علاقوں میں موسم جزوی طور پر ابر آلود رہا تاہم بالائی خیبر پختونخوا، کشمیر اور ملحقہ پہاڑی علاقوں میں چند مقامات پر تیز ہواؤں اورگرج چمک کے ساتھ بارش ہوئی،اس دوران کراچی میں بھی ہلکی بارش ہوئی۔
کراچی میں موسم کیسا ہے؟
محکمہ موسمیات کے مطابق کراچی کا موجودہ درجہ حرارت 27 ڈگری سینٹی گریڈ ہے، آج زیادہ سے زیادہ درجہ حرات 32 ڈگری سینٹی گریڈ تک رہنے کا امکان ہے۔ ہوا میں نمی کا تناسب 92 فیصد ہے، جنوب مغرب سے 7 کلو میٹر فی گھنٹہ کی رفتار سے ہوائیں چل رہی ہیں۔
محکمہ موسمیات کا کہنا ہے کہ کراچی میں مطلع ابر آلود رہنے کے ساتھ ہلکی بوندا باندی کا امکان ہے۔
پنجاب میں مون سون بارشوں کا 11واں اسپیل 19 ستمبر تک جاری رہنے کا امکان
پروویشنل ڈیزاسٹر مینجمنٹ اتھارٹی (پی ڈی ایم اے) کے مطابق پنجاب بھر میں مون سون بارشوں کا 11واں اسپیل 19 ستمبر تک جاری رہنے کا امکان ہے۔
محکمہ موسمیات نے آئندہ 24 گھنٹوں میں پنجاب کے بیشتر اظلاع میں بارشوں کی پیش گوئی کی ہے۔
ڈی جی پی ڈی ایم اے کے مطابق راولپنڈی، مری، گلیات کے ندی نالوں میں بہاؤ میں اضافے کا امکان ہے، وزیراعلیٰ پنجاب کی ہدایات کے پیش نظر انتظامیہ الرٹ ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکراچی: شادی والے دن لاپتا ہونیوالے دُلہا کے کیس کا ڈراپ سین، نوجوان کا بیان سامنے آگیا کراچی: شادی والے دن لاپتا ہونیوالے دُلہا کے کیس کا ڈراپ سین، نوجوان کا بیان سامنے آگیا پنجاب حکومت نے جی ایچ کیو حملے کیس کے جیل ٹرائل کا نوٹیفکیشن واپس لے لیا سکیورٹی فورسز کا خضدار میں آپریشن، 5 بھارتی حمایت یافتہ دہشت گرد ہلاک پٹوار سرکلز میں غیر قانونی عمل، اسلام آباد ہائیکورٹ نے ڈپٹی کمشنر کو طلب کر لیا جسٹس طارق جہانگیری کی سماعت کی آڈیو ویڈیو ریکارڈنگ حصول کی درخواست دائر سی پیک کے تحت چلنے والے پراجیکٹ ایس ۔کے ۔ ہائیدروپاور اسٹیشن کے کمرشل آپریشن کا ایک سالCopyright © 2025, All Rights Reserved
رابطہ کریں ہماری ٹیم
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ