قومی اسمبلی کی نشست کیلئے ضمنی انتخاب کا شیڈول جاری
اشاعت کی تاریخ: 28th, February 2025 GMT
قومی اسمبلی کی نشست این اے 213 عمر کوٹ میں ضمنی انتخاب کا شیڈول جاری کر دیا گیا۔
الیکشن کمیشن کے مطابق حلقے میں پولنگ 17 اپریل کو ہوگی، ڈپٹی کمشنر عمر کوٹ ڈی آر او اور اسسٹنٹ کمشنر آر او ہوں گے۔
پیپلز پارٹی کے نواب یوسف تالپور کی وفات کی وجہ سے نشست خالی ہوئی تھی۔
واضح رہے کہ نواب یوسف تالپور 2024 کے عام انتخابات میں قومی اسمبلی کے حلقہ این اے 213 ضلع عمرکوٹ سے رکن قومی اسمبلی منتخب ہوئے تھے۔
نواب یوسف تالپور متعدد بار رکن قومی اسمبلی رہ چکے ہیں، نواب یوسف تالپور بے نظیر بھٹو کی کابینہ میں بھی وفاقی وزیر رہ چکے ہیں۔
.ذریعہ: Daily Ausaf
کلیدی لفظ: نواب یوسف تالپور قومی اسمبلی
پڑھیں:
وفاقی بجٹ، پارلیمانی رہنماؤں کا مشاورتی اجلاس کل طلب
اسپیکر قومی اسمبلی سردار ایاز صادق نے وفاقی بجٹ 26-2025ء سے متعلقہ اجلاس کےلیے پارلیمانی رہنماؤں کا مشاورتی اجلاس کل طلب کرلیا۔
اسپیکر کی زیر صدارت مشاورتی اجلاس کل شام 4 بجے ہوگا، جس میں قومی اسمبلی کے بجٹ سیشن کی حکمت عملی طے کی جائے گی۔
اسپیکر قومی اسمبلی سردار ایاز صادق نے وفاقی بجٹ 26-2025ء کے لیے قومی اسمبلی اجلاس کے شیڈول کی منظوری دے دی۔
اجلاس میں وفاقی بجٹ پر بحث سمیت دیگر امور کا دورانیہ بھی طے ہوگا، اس موقع پر ڈپٹی اسپیکر غلام مصطفیٰ شاہ بھی شریک ہوں گے۔
اجلاس کے لیے اپوزیشن اراکین میں اسد قیصر، زرتاج گل، بیرسٹر گوہر، عامر ڈوگر اور ریاض فتیانہ کو شرکت کی دعوت دی گئی ہے۔
وزیر خزانہ نے کہا کہ رواں مالی سال جی ڈی پی گروتھ 2.7 فیصد رہی، ہم استحکام کی طرف گامزن ہیں۔
پارلیمانی رہنماؤں کے مشاورتی اجلاس میں جے یو آئی کے نور عالم، ضیاء لیگ کے اعجاز الحق، مسلم لیگ کے حسین الہٰی، نیشنل پارٹی کے پولین بلوچ کو دعوت دی گئی ہے۔
اجلاس کےلیے پیپلز پارٹی کے اعجاز جاکھرانی، نوید قمر، شازیہ مری، شہلا رضا، ایم کیو ایم کے امین الحق، حفیظ الدین بھی شریک ہوں گے۔
پارلیمانی رہنماؤں کے مشاورتی اجلاس میں وفاقی وزراء اعظم نذیر تارڑ، رانا تنویر، عطا تارڑ، طارق فضل چوہدری اور خالد مگسی بھی موجود ہوں گے۔
بنارس کی تاریخی اور مسلم اکثریتی بازار کے انہدام پر کورٹ سے راحت