لاہور میں ہلکی بارش ،موسم خوشگوار ہو گیا
اشاعت کی تاریخ: 3rd, March 2025 GMT
لاہور شہر میں بادلوں کا بسیرا ہے، موسم خوشگوار ہو گیا،شہر میں مختلف مقامات پر رم جھم جاری ہے۔وزیر اعلیٰ پنجاب مریم نواز شریف کی خصوصی ہدایات پر وائس چیئرمین واسا چوہدری شہباز احمد اور ایم ڈی واسا غفران احمد نے واسا لاہور کو متحرک رہنے کی ہدایات کر دیں ۔اسلام آباد،شمال مشرقی ووسطی پنجاب میں گرج چمک سے بارش کی پیشگوئی ہے،خطہ پوٹھوہار ، مری ، گلیا ت،خیبرپختونخوامیں بارش،پہاڑوں پربرفباری متوقع ہے،شمال مشرقی بلوچستان،گلگت بلتستان ، کشمیرمیں بارش،پہاڑوں پربرفباری کاامکان ہے،خطہ پوٹھوہار،بالائی خیبرپختونخوا،کشمیر میں موسلا د ھاربارش،پہاڑوں پرشدیدبرفباری متوقع ہے۔بالائی پنجاب اورجنوبی خیبر پختونخوامیں چند مقامات پرژالہ باری کابھی امکان ہے،شدیدبارش، برفباری سےمری، گلیات، ناران، کاغان میں سڑکوں کی بندش متوقع ہے،دیر، سوات، کوہستان، مانسہرہ، ایبٹ آباد، شانگلہ، استورمیں ٹریفک کی روانی متاثرہونے کاامکان ہے۔ہنزہ، سکردو، وادی نیلم، باغ، پونچھ، حویلی میں سڑکوں کی بندش کاامکان ہے،مری،گلیات،کشمیر،گلگت بلتستان،خیبرپختونخوامیں لینڈسلائیڈنگ،برفانی تودےگرنےکاخطرہ ہے ،بارش اوربرفباری کے دوران سیاحوں کو محتاط رہنے،غیرضروری سفرسےاجتناب کی ہدایت ہیں۔لہہ منفی14ڈگری سینٹی گریڈ درجہ حرارت کے ساتھ سرد ترین علاقہ ریکارڈ کیاگیاہے۔
.ذریعہ: Nawaiwaqt
پڑھیں:
محکمہ موسمیات کی کل سے پنجاب کے بیشتر اضلاع میں بارشوں کی پیشگوئی
لاہور:محکمہ موسمیات نے پنجاب کے بیشتر اضلاع میں بارشوں کی پیشگوئی کردی۔ترجمان پی ڈی ایم اے پنجاب کے مطابق 4 سے 5 نومبر کے دوران پنجاب کے بیشتر اضلاع میں ہلکی بارش کا امکان ہے. جس کے باعث درجہ حرارت میں واضح طور پر کمی واقع ہوگی۔پی ڈی ایم اے کے مطابق لاہور، راولپنڈی، مری، گلیات، اٹک، تلہ گنگ، جہلم، سرگودھا، خوشاب، گجرانوالہ، سیالکوٹ اور نارووال میں بارشوں کا امکان ہے۔ مری، گلیات سمیت دیگر پہاڑی علاقوں میں برف باری متوقع ہے۔ممکنہ بارشوں سے اسموگ میں کمی کے امکانات ہیں.شہری اسموگ سے بچاؤ کیلئے ماسک کا استعمال کریں اور غیر ضروری باہر نہ نکلیں، پی ڈی ایم اے کنٹرول روم میں صورتحال کی مانیٹرنگ 24/7 جاری ہے۔ڈی جی پی ڈی ایم اے عرفان علی کاٹھیا کا کہنا ہے کہ شہری خراب موسم کی صورتحال میں غیر ضروری سفر سے گریز کریں. دوران سفر فوگ لائٹس کا استعمال کریں۔انہوں نے کہا کہ ہنگامی صورتحال میں پی ڈی ایم اے کی ہیلپ لائن 1129 پر رابطہ کر سکتے ہیں۔ کسان اپنی سرگرمیوں کو موسم کی صورتحال کے مطابق ترتیب دیں۔
کراچی، نادرن بائی پاس پر پلاسٹک کے گودام میں آگ لگ گئی