لندن کے مشہور بگ بین ٹاور پر ایک نوجوان فلسطینی پرچم لےکر چڑھ گیا
اشاعت کی تاریخ: 8th, March 2025 GMT
لندن کے مشہور بگ بین ٹاور پر ایک نوجوان فلسطینی پرچم لےکر چڑھ گیا، فلسطینی پرچم لہراتے نوجوان نے فلسطین کی آزادی کے نعرے بھی لگائے۔
برطانوی پارلیمنٹ اور ویسٹ منسٹر پیلس کے نزدیک واقع بگ بین ٹاور کے اطراف کی سڑکیں بند کر دی گئیں۔
پولیس، فائر بریگیڈ اور ایمبولینس کی گاڑیاں بھی موقع پر پہنچ گئیں، پولیس کا کہنا ہے کہ صورتحال کو قابو میں کرنے کی کوشش کر رہے ہیں۔
برطانوی میڈیا کے مطابق بگ بین ٹاور پر فلسطین کا پرچم لےکر چڑھنے والے نوجوان کو 8 گھنٹے سے زائدگزرگئے ہیں۔
برطانوی میڈیا کے مطابق پولیس کی جانب سے مداخلت کی کوشش پر نوجوان نے دھمکی دی کہ وہ ٹاور پر مزید اوپر چڑھ جائےگا۔ ٹاور پر چڑھے نوجوان کے پیروں سے خون بھی رستا دکھائی دے رہا ہے۔
دوسری جانب فلسطین میں امن کے حامی فلسطینی پرچم لے کر پارلیمنٹ کے اطراف پہنچ گئے ہیں۔ آج پارلیمنٹ کے تمام ٹور منسوخ کردیے گئے ہیں، پارلیمنٹ کے قریب ویسٹ منسٹر ٹیوب اسٹیشن کا ایک راستہ بھی بند کیا گیا ۔
ذریعہ: Daily Mumtaz
کلیدی لفظ: فلسطینی پرچم بگ بین ٹاور ٹاور پر
پڑھیں:
آئی آئی چندریگر روڈ پر شاہین کمپلیکس تا ٹاور تک پارکنگ ممنوع قرار
وزیرِ اعلیٰ سندھ سید مراد علی شاہ کی ہدایت پر ٹریفک روانی کو بہتر بنانے کے لیے اقدامات کیے جا رہے ہیں جہاں کراچی میں آئی آئی چندریگر روڈ پر شاہین کمپلیکس تا ٹاور تک پارکنگ ممنوع قرار دے دی گئی۔
وزیرِ اعلیٰ سندھ سید مراد علی شاہ کی زیرِ صدارت اجلاس ہوا۔
اجلاس کے دوران وزیرِ اعلیٰ سندھ کو بریفنگ کے دوران بتایا گیا کہ آئی آئی چندریگر روڈ پر شاہین کمپلیکس تا ٹاور تک پارکنگ ممنوع قرار دے دی گئی، محمد بن قاسم روڈ تا ڈاکٹر ضیاء الدین روڈ ایس ایم لا کالج تک ہر قسم کی گاڑی کھڑی کرنا ممنوع ہے۔
وزیرِ اعلیٰ سندھ کو آگاہی کے دوران ڈی آئی جی ٹریفک نے بتایا کہ فُٹ پاتھ یا سڑک پر پارکنگ پر مکمل پابندی عائد کی گئی ہے، گاڑیاں ریلوے گراؤنڈ میں پارک کی جاسکتی ہیں، بغیر رجسٹریشن یا غیر معیاری نمبر پلیٹ والی گاڑیوں کے خلاف کریک ڈاؤن جاری ہے۔
ڈی آئی جی ٹریفک کا کہنا ہے کہ وزیرِ اعلیٰ سندھ کی ہدایات پر کراچی ٹریفک پولیس مکمل ایکشن میں ہے، صرف سرکاری سائز کی نمبر پلیٹس قابلِ قبول ہوں گی۔
اس موقع پر وزیرِ اعلیٰ سندھ مراد علی شاہ نے ہدایت دیتے ہوئے کہا کہ ٹریفک قوانین کی خلاف ورزی پر کارروائی کی جائے، فینسی نمبر پلیٹس والی گاڑیاں ضبط کی جائیں اور غیرقانونی پارکنگ پر فوری قانونی کارروائی ہوگی۔
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم