فیروز والا : میٹرک امتحان میں نقل میں مدد کرنے پر سپرنٹنڈنٹ گرفتار، ہزاروں روپے برآمد
اشاعت کی تاریخ: 14th, March 2025 GMT
پنجاب کے شہر فیروز والا کے امتحانی سینٹر میں میٹرک کے امتحانات میں نقل میں مدد کرنے پر سپرنٹنڈنٹ کو گرفتار کرلیا گیا، جس کے قبضے سے ہزاروں روپے برآمد کیے گئے ہیں۔
ٹاسک فورس ایجوکیشن کا کہنا ہے کہ سپرنٹنڈنٹ سے موبائل فون اور امیداروں کو بھیجے گئے پیغامات اور رول نمبر سلپ بھی برآمد کرلیے گئے۔
ٹاسک فورس کا کہنا ہے کہ سپرنٹنڈنٹ سے 17 ہزار روپے بھی برآمد کیے گئے ہیں، رقم کی منتقلی کے ثبوت مل گئے۔
سپرنٹنڈنٹ دوسرے سینٹر کے سپرنٹنڈنٹ سے رول نمبر کے تبادلے میں بھی ملوث پایا گیا، سپرنٹنڈنٹ کو معطل کرکے انکوائری کا حکم دے دیا ہے۔
.ذریعہ: Jang News
پڑھیں:
مائیکروسافٹ کا پھر ہزاروں ملازمین کی برطرفی کا اعلان، وجہ بھی سامنے آگئی
امریکہ(نیوز ڈیسک)مائیکروسافٹ کمپنی نے پھر ہزاروں ملازمین کی برطرف کرنے کا اعلان کر دیا جس کی بڑی وجہ بھی سامنے آگئی ہے۔
ٹیکنالوجی کی دنیا کی بڑی کمپنی مائیکروسافٹ نے رواں سال کی دوسری بڑی برطرفی کا آغاز کر دیا ہے، جس کے تحت ہزاروں ملازمین کو فارغ کیا جا رہا ہے۔ کمپنی نے بدھ کے روز ملازمین کو برطرفی کے نوٹس بھیجنے شروع کیے۔
کمپنی کی جانب سے برطرف کیے جانے والے ملازمین کی تعداد تو نہیں بتائی گئی لیکن اطلاعات کے مطابق یہ گزشتہ سال کی افرادی قوت کا 4 فیصد سے کم ہوگا۔ جون 2023 تک مائیکروسافٹ کے پاس 228,000 کل وقتی ملازمین تھے، جس کا مطلب ہے کہ حالیہ برطرفیوں سے تقریباً 9 ہزار افراد متاثر ہوں گے۔
کمپنی کے بیان میں کہا گیا ہم ایسے اقدامات کر رہے ہیں جو کمپنی اور ٹیموں کو تیزی سے بدلتی ہوئیی مارکیٹ میں کامیابی کے لیے بہتر طور پر تیار کریں۔
مائیکروسافٹ نے تصدیق کی کہ یہ برطرفیاں دنیا بھر میں کئی ٹیموں کو متاثر کریں گی، جن میں اس کا سیلز ڈویژن اور ایکس باکس ویڈیو گیم بزنس بھی شامل ہیں۔
مئی 2025 میں مائیکروسافٹ نے تقریباً 6 ہزار ملازمین کو برطرف کیا تھا، جو کہ اس وقت کمپنی کی کل افرادی قوت کا تقریباً 3 فیصد تھا۔ یہ پچھلے دو سال کی سب سے بڑی برطرفی تھی، جو مصنوعی ذہانت (AI) میں بھاری سرمایہ کاری کے بعد کی گئی۔
کمپنی کے سی ای او ستیہ نڈیلا پہلے ہی واضح کر چکے ہیں کہ مائیکروسافٹ کا تقریباً 20 سے 30 فیصد سافٹ ویئر کوڈ اب AI کے ذریعے تیار کیا جا رہا ہے۔
واضح رہے کہ مائیکروسافٹ نے 2023ء میں بھی 10 ہزار ملازمین کو برطرف کیا تھا۔
معروف برانڈ پر خاتون کا سیلز مین پر تشدد اور دھمکیاں، تھپڑوں اور لاتوں کی برسات
سی پی سی سینٹرل کمیٹی کی جانب سے ’’ فیصلہ سازی، غور و خوض اور کوآرڈینیشن کے ادارے کے امور سے متعلق قواعد و ضوابط‘‘ پر نظر ثانی