عائزہ خان کا اپنے سسر سے جیب خرچ لینے کا انکشاف
اشاعت کی تاریخ: 17th, March 2025 GMT
پاکستانی ڈرامہ انڈسٹری کی نامور اداکارہ عائزہ خان نے ایک نجی ٹی وی شو میں اپنے سسر سے جیب خرچ لینے کے حوالے سے دلچسپ انکشاف کیا شو میں عائزہ خان اپنے شوہر معروف اداکار دانش تیمور کے ساتھ شریک تھیں جہاں انہوں نے اپنی ابتدائی شادی شدہ زندگی کے مالی معاملات پر روشنی ڈالی عائزہ خان نے بتایا کہ دانش تیمور کے مالی معاملات ان کے والد سنبھالتے ہیں اور وہ خود اس معاملے میں کم ہی مداخلت کرتے ہیں انہوں نے کہا شروع میں جب میں کام نہیں کر رہی تھی تو مجھے جیب خرچ کی ضرورت ہوتی تھی اور یہ رقم مجھے دانش کے والد سے ہی ملتی تھی وہی مجھے چیک دیتے تھے اور اگلے مہینے پوچھتے تھے کہ میں نے اس رقم کا کیا کیا اس موقع پر دانش تیمور نے بھی اپنی مالی روایات پر بات کرتے ہوئے کہا الحمدللہ میرے پاس بہت سے چیکس آتے ہیں لیکن آج تک کوئی بھی چیک میرے والد کے ہاتھوں سے گزرے بغیر میرے پاس نہیں آیا میں نے ہمیشہ یہی اصول رکھا ہے کہ جو بھی آمدنی ہو وہ پہلے ابو کے پاس جائے اور میں خود انہیں کہتا ہوں کہ یہ رقم اکاؤنٹ میں جمع کرا دیں انہوں نے مزید کہا کہ وہ اپنے والد سے کبھی یہ نہیں پوچھتے کہ انہیں کسی چیز کی ضرورت ہے یا نہیں بلکہ وہ ہمیشہ اس بات کا خیال رکھتے ہیں کہ ان کے والد کو کبھی یہ احساس نہ ہو کہ اگر وہ کام چھوڑ دیں تو ان کے پاس پیسے نہیں ہوں گے دانش تیمور نے کہا میں چاہتا ہوں کہ میرے والد کو ہمیشہ یہ احساس رہے کہ وہ مالی طور پر مضبوط ہیں اور تمام معاملات میں ان کی ہی اتھارٹی ہو یہ بالکل ایسا ہی ہے جیسے میں اپنے بیٹے کی ہر خواہش پوری کر رہا ہوں، جس طرح میرے والد نے ہمیشہ میری ضروریات کا خیال رکھا ہے عائزہ خان اور دانش تیمور کی یہ گفتگو سوشل میڈیا پر کافی وائرل ہو رہی ہے اور مداح ان کی خاندانی اقدار اور مضبوط تعلقات کی خوب تعریف کر رہے ہیں
.ذریعہ: Nawaiwaqt
کلیدی لفظ: دانش تیمور
پڑھیں:
روس اور چین بھی ایٹمی تجربات کرتے ہیں مگر بتاتے نہیں، امریکی صدر ٹرمپ کا انکشاف
امریکی صدر ڈونلڈ ٹرمپ نے دعویٰ کیا ہے کہ شمالی کوریا کے علاوہ روس اور چین بھی ایٹمی ہتھیاروں کے تجربات کر رہے ہیں۔
امریکی نشریاتی ادارے سی بی ایس نیوز کے پروگرام 60 منٹسکو دیے گئے انٹرویو میں ٹرمپ نے کہا کہ روس تجربات کر رہا ہے، چین بھی کر رہا ہے، لیکن اس پر بات نہیں کی جاتی۔
یہ بیان انہوں نے اس وقت دیا جب میزبان نورا اوڈونیل نے کہا کہ صرف شمالی کوریا ایٹمی تجربات کر رہا ہے۔ ٹرمپ نے 3 روز قبل امریکی فوج کو 30 سال بعد دوبارہ ایٹمی تجربات بحال کرنے کا حکم بھی دیا تھا۔
یہ بھی پڑھیے: نائیجیریا نے عیسائیوں کا قتل عام نہ روکا تو فوجی کارروائی کریں گے، ٹرمپ کی دھمکی
ٹرمپ نے مزید کہا کہ دیگر ممالک تجربات کر رہے ہیں۔ ہم واحد ملک ہیں جو تجربات نہیں کرتے اور میں نہیں چاہتا کہ ہم واحد ملک ہوں جو ایسا نہ کرے۔ انہوں نے یہ بھی کہا کہ ہمیں ہمیشہ معلوم نہیں ہوتا کہ یہ ممالک اپنے تجربات کہاں کرتے ہیں۔
‘زبردست ایٹمی طاقت’ٹرمپ نے واضح کیا کہ وہ ایٹمی ہتھیار استعمال نہیں کرنا چاہتے لیکن ان کا تجربہ ضروری ہے تاکہ معلوم ہو سکے کہ وہ کام کرتے ہیں یا نہیں۔ ان کے بقول، کیا یہ بات سمجھ میں نہیں آتی؟ آپ ایٹمی ہتھیار بناتے ہیں مگر ان کا تجربہ نہیں کرتے تو آپ کیسے جانیں گے کہ وہ کام کرتے ہیں یا نہیں؟
یہ بھی پڑھیے: ’حالیہ ہتھیاروں کے تجربات ایٹمی نہیں‘ ٹرمپ کے ایٹمی تجربات کے اعلان پر روس کا رد عمل
انہوں نے کہا کہ امریکا کے پاس ‘زبردست ایٹمی طاقت’ موجود ہے، جو کسی بھی ملک سے زیادہ ہے۔ روس دوسرے نمبر پر ہے، چین کافی پیچھے ہے، مگر پانچ سال میں وہ برابر ہو جائے گا۔ وہ تیزی سے ایٹمی ہتھیار بنا رہے ہیں، اور ہمیں اس کے بارے میں کچھ کرنا چاہیے۔
ٹرمپ نے مزید کہا کہ ہمارے پاس اتنے ایٹمی ہتھیار ہیں کہ دنیا کو 150 بار تباہ کر سکتے ہیں۔ روس کے پاس بھی بہت سے ہیں، اور چین کے پاس بھی جلد بہت زیادہ ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ایٹمی ہتھیار جنگ جوہری طاقت چین ڈونلڈ ٹرمپ روس
کراچی، نادرن بائی پاس پر پلاسٹک کے گودام میں آگ لگ گئی