سینیٹر روبینہ خالدکی زیر صدارت بی آئی ایس پی بینظیر کفالت قسط جائزہ اجلاس
اشاعت کی تاریخ: 8th, April 2025 GMT
سینیٹر روبینہ خالدکی زیر صدارت بی آئی ایس پی بینظیر کفالت قسط جائزہ اجلاس WhatsAppFacebookTwitter 0 8 April, 2025 سب نیوز
اسلام آباد (آئی پی ایس )چیئرپرسن بی آئی ایس پی سینیٹر روبینہ خالد اور سیکرٹری عامر علی احمد کی بینظیر کفالت قسط کے اجرا کی تیاری کے حوالے سے جائزہ اجلاس کی صدارت چیئرپرسن بینظیر انکم سپورٹ پروگرام سینیٹر روبینہ خالد نے سیکرٹری BISP جناب عامر علی احمد کے ہمراہ BISP ہیڈ کوارٹرز میں بینظیر کفالت پروگرام کی آئندہ قسط کے اجرا کے حوالے سے تیاریوں کا جائزہ لینے کے لیے ایک اہم اجلاس کی صدارت کی۔اجلاس میں بی آئی ایس پی ہیڈکوارٹرز کے تمام ڈائریکٹر جنرلز، زونل ڈائریکٹر جنرلز اور ڈائریکٹرز نے شرکت کی۔
اجلاس کا مقصد بی آئی ایس پی مستحقین کو کفالت وظائف کی باعزت اور شفاف انداز میں تقسیم کو یقینی بنانا تھا۔اجلاس کے دوران چیئرپرسن سینیٹر روبینہ خالد نے اعلان کیا کہ وہ ادائیگی کیمپس کے انتظامات کی نگرانی کے لیے ذاتی طور پرملک کے مختلف علاقوں کے اچانک دورے کریں گی۔ انہوں نے تمام زونل ڈائریکٹر جنرلز اور ڈائریکٹرز کو ہدایت کی کہ وہ مستحقین کیلئے دستیاب تمام تر سہولیات اور انتظامات کو یقینی بنائیں تاکہ انہیں تقسیم کے عمل کے دوران کسی قسم کی تکلیف کا سامنا نہ کرنا پڑے۔ٹیم ورک کی اہمیت پر زور دیتے ہوئے، چیئرپرسن نے بی آئی ایس پی حکام کو ہدایت کی کہ وہ عملے کے حقوق کا تحفظ کریں، تمام کیمپ سائٹس پر بینک ایجنٹوں کی موجودگی کو یقینی بنائیں، اور کسی بھی مسئلے کو فوری اور مثر طریقے سے حل کریں۔ انہوں نے تقسیم کے مرحلے کے دوران ہموار اور بلاتعطل کارروائیوں کی ضمانت کے لیے تمام متعلقہ اسٹیک ہولڈرز کے ساتھ بات چیت کی ضرورت پر بھی زور دیا۔
سیکرٹری بی آئی ایس پی جناب عامر علی احمد نے تمام عہدیداروں کو ہدایت کی کہ وہ روزانہ مانیٹرنگ رپورٹس جمع کرائیں گے، مانیٹرنگ پلان شیئر کریں گے اور معیاری آپریٹنگ طریقہ کار (SOPs) پر سختی سے عمل کریں گے۔ انہوں نے کیمپ سائٹس پر ضروری سہولیات بالخصوص مستحقین کے لیے پینے کے صاف پانی کی دستیابی کی اہمیت کو بھی اجاگر کیا۔ ڈی جی کیش ٹرانسفرز جناب انعام الرحمن ملک نے مجموعی انتظامات اور آئندہ قسط کی تیاریوں کے بارے میں تفصیلی بریفنگ دی۔ زونل ڈائریکٹر جنرلز نے اپنے اپنے علاقوں میں تیاریوں کے بارے میں اپڈیٹس بھی شیئر کیں اور علاقے کے مخصوص مسائل اور حل پر تبادلہخیالکیا۔
.ذریعہ: Daily Sub News
کلیدی لفظ: سینیٹر روبینہ بی آئی ایس پی بینظیر کفالت
پڑھیں:
قطر میں عالمی اجلاس، صدر زرداری پاکستان کی ترجیحات اور پالیسی فریم ورک پیش کریں گے
صدر مملکت آصف علی زرداری دوحہ میں منعقد ہونے والی دوسری عالمی سماجی ترقیاتی کانفرنس میں پاکستان کی نمائندگی کریں گے، یہ اجلاس اقوام متحدہ کی جنرل اسمبلی کے تحت منعقد ہورہا ہے، جس میں عالمی سطح پر سماجی تحفظ، روزگار کے مواقع اور پائیدار ترقی سے متعلق اقدامات کا جائزہ لیا جائے گا، اجلاس 4 تا 6 نومبر قطر کے دارالحکومت دوحہ میں ہوگا۔
یہ بھی پڑھیں: پاک چین دوستی نسل در نسل آگے بڑھے گی، صدر مملکت آصف زرداری کی شنگھائی میں اعلیٰ سطح ملاقاتیں
صدر آصف علی زرداری کانفرنس سے خطاب میں سماجی ترقی، روزگار کے فروغ اور جامع معاشی نمو کے لیے پاکستان کے عزم کو اجاگر کریں گے۔ وہ بینظیر انکم سپورٹ پروگرام کے ذریعے غربت میں کمی اور کمزور طبقوں کے استحکام کے لیے کیے گئے اقدامات پر بھی روشنی ڈالیں گے۔
اجلاس میں صدرِ مملکت دوحہ الائنڈ سوشل پروٹیکشن اینڈ جابز کمپیکٹ (2026-28) کے آغاز کے حوالے سے پاکستان کی تیاری کا تذکرہ بھی کریں گے۔ اس منصوبے کا مقصد غیر رسمی ملازمین، معذور افراد اور بچوں کے لیے سماجی تحفظ کے دائرہ کار کو وسعت دینا اور ماحول دوست روزگار کے مواقع بڑھانا ہے۔
یہ بھی پڑھیں: بے نظیر ہنرمند پروگرام قوم کے نوجوانوں کو بااختیار بنائے گا، صدر مملکت آصف زرداری
صدر آصف علی زرداری دوحہ پولیٹیکل ڈیکلریشن اور عالمی ترقیاتی وعدوں سے ہم آہنگ پاکستان کے ترجیحی منصوبوں کو بھی نمایاں کریں گے، جبکہ ترقیاتی شراکت داروں اور عالمی مالیاتی اداروں کے ساتھ قریبی تعاون کے عزم کا اعادہ کریں گے۔
صدرِ مملکت ایس ڈی جی اسٹیمولس، قرض برائے سماجی و ماحولیاتی تبدیلی اور چین کے گلوبل ڈیولپمنٹ انیشی ایٹو جیسے ذرائع سے مالی وسائل کے حصول کی اہمیت پر زور دیں گے۔ وہ اس بات کو بھی واضح کریں گے کہ پاکستان دوحہ سربراہی اجلاس کے نتائج کو عملی اقدامات میں تبدیل کرنے کے لیے پُرعزم ہے، تاکہ پائیدار اور جامع ترقی کے مقاصد حاصل کیے جا سکیں۔
دورۂ قطر کے دوران صدر آصف علی زرداری عالمی و علاقائی رہنماؤں، قطر کی قیادت اور اقوامِ متحدہ سمیت اہم بین الاقوامی تنظیموں کے سربراہان سے ملاقاتیں بھی کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آصف علی زرداری اقوام متحدہ پاکستان جنرل اسمبلی دوحہ کانفرنس سماجی ترقی
پاکستان اور افغان طالبان کے درمیان استنبول میں مذاکرات ناکام، عطا تارڑ