Daily Ausaf:
2025-07-26@09:30:08 GMT
سونے کی نئی قیمتوں نے تمام سابقہ ریکارڈ توڑ دیے، بھاری اضافہ
اشاعت کی تاریخ: 16th, April 2025 GMT
عالمی اور مقامی مارکیٹ میں سونے کی قیمتوں نے تمام سابقہ ریکارڈ توڑ دیے۔ کراچی میں فی تولہ سونا 8 ہزار 600 روپے مہنگا ہو کر 3 لاکھ 48 ہزار روپے کی خطرناک حد کو چھو گیا، جبکہ 10 گرام سونا بھی 7 ہزار 373 روپے اضافے سے 2 لاکھ 98 ہزار 353 روپے تک جا پہنچا۔
بین الاقوامی سطح پر بھی سنہری ہلچل جاری ہے، جہاں فی اونس سونا 86 ڈالر بڑھ کر 3310 ڈالر کی ریکارڈ سطح پر آ گیا۔ماہرین کے مطابق عالمی اقتصادی غیر یقینی صورتحال، مشرق وسطیٰ میں جاری کشیدگی اور ڈالر کی قدر میں اتار چڑھاؤ نے سرمایہ کاروں کو سونے کی جانب مائل کر دیا ہے۔
سونے کی اس تیز رفتاری نے زیورات کے خریداروں کے لیے خطرے کی گھنٹی بجا دی ہے، جبکہ سرمایہ کار اس سنہری موقع سے بھرپور فائدہ اٹھا رہے ہیں۔
.ذریعہ: Daily Ausaf
کلیدی لفظ: سونے کی
پڑھیں:
متحدہ عرب امارات میں روزگار کا سنہری موقع
ابوظہبی ( اُردو پوائنٹ اخبارتازہ ترین۔ 26 جولائی 2025ء ) پاکستانیوں سمیت تمام غیر ملکیوں کے لیے متحدہ عرب امارات میں روزگار کا سنہری موقع ہے کیوں کہ ایمریٹس کے بعد اتحاد ایئرویز نے بھی نئے ملازمین کیلئے اپنے دروازے کھول دیئے۔ خلیج ٹائمز کے مطابق ابوظہبی سے تعلق رکھنے والے قومی کیریئر بڑے پیمانے پر اپنے آپریشنز کو بڑھا رہا ہے جس نے حال ہی میں سات نئے روٹس کا اعلان کیا ہے، جن میں الماتی، قازقستان؛ باکو، آذربائیجان؛ بخارسٹ، رومانیہ؛ مدینہ منورہ، سعودی عرب؛ تبلیسی، جارجیا؛ تاشقند، ازبکستان؛ اور یریوان، آرمینیا شامل ہیں، ایئرلائن نے اپنی ترقی کی حکمت عملی کے تحت ایک ہی سال میں 27 نئے راستوں کا آغاز یا اعلان کیا۔ اتحاد ائیر ویز کے سی ای او اینٹونوالڈو نیوس کا کہنا ہے کہ ایئر لائن کو اس سال 22 طیارے ملیں گے جس سے اگلے پانچ سالوں میں بیڑے کی کل تعداد 200 سے 220 تک پہنچ جائے گی، اس سال ہم 2 ہزار 500 نئے لوگوں کو بھرتی کر رہے ہیں، ہم پوری دنیا سے بھرتیاں کرنے کے خواہشمند ہیں، ہم اگلے پانچ سالوں میں ہر سال تقریباً 350 پائلٹس اور ہر سال تقریباً 1ہزار 500 فلائٹ اٹینڈنٹ بھرتی کرنے جا رہے ہیں اور مجموعی طور پر ہم تقریباً 17 ہزار سے 18 ہزار لوگوں کو حاصل کرنے جا رہے ہیں۔(جاری ہے)
انہوں نے بتایا کہ ہم نے پچھلے سال 2 ہزار سے زیادہ نئے ملازمین کی خدمات حاصل کیں اور 1 ہزار 500 سے زیادہ کو ترقی دی، جن میں بنیادی طور پر پائلٹ اور کیبن کریو شامل ہیں،تیزی سے ترقی کرنے والی ایئر لائن اس وقت مختلف ڈویژنوں میں تقریباً 12 ہزار عملے کو ملازمت دیتی ہے، اتحاد ایئرویز ویز ایئر ابوظہبی کے ملازمین کی خدمات حاصل کرنے کے لیے بھی تیار ہے جس نے یکم ستمبر سے متحدہ عرب امارات کے آپریشنز کو معطل کرنے اور مشترکہ منصوبے کو ختم کرنے کا اعلان کیا ہے۔ اتحاد ائیر ویز کے سی ای او کا کہنا ہے کہ وِز ایئر ابوظہبی کے ملازمین کی خدمات حاصل کرنے کے لیے ہم مکمل طور پر کھلے ہیں کیوں کہ ہمیں لوگوں کی ضرورت ہے جس کی وجہ سے ہم بہت زیادہ بھرتی کر رہے ہیں، ہم کسی بھی ایئر لائن کے ریزیومے کو حاصل کرنے کے لیے تیار ہیں، مجھے یقین ہے دیگر ایئر لائنز بھی وِز ایئر ابوظہبی کے عملے کی خدمات حاصل کرنے کی کوشش کرنے والی ہیں۔
ٹرمپ لائبیریا کے صدر کی رواں انگریزی پر حیران رہ گئے