پاکستانی کھلاڑیوں کی شاندار کارکردگی، ساؤتھ ایشین یوتھ ٹیبل ٹینس چیمپئن شپ میں دو سلور اور چار برانز میڈلز جیتے
اشاعت کی تاریخ: 28th, April 2025 GMT
ساؤتھ ایشین یوتھ ٹیبل ٹینس چیمپئن شپ میں پاکستانی کھلاڑیوں نے شاندار کارکردگی کا مظاہرہ کرتے ہوئے دو سلور اور چار برانز میڈلز جیتے۔
نیپال کے شہر کھٹمنڈو میں ہونے والی اس چیمپئن شپ میں پاکستانی کھلاڑیوں نے اپنی مدد آپ کے تحت اپنی مہارت کا لوہا منوایا۔
پاکستانی کھلاڑی ابدال خان اور زنیرہ خان کی جوڑی نے انڈر 15 مکسڈ ڈبلز ایونٹ کے فائنل میں بھارت کے خلاف عمدہ کھیل کا مظاہرہ کیا، تاہم وہ بھارتی حریفوں کے سامنے ہار گئے اور سلور میڈل پر اکتفا کیا۔
اسی طرح ابدال خان نے انڈر 15 بوائز سنگلز کے فائنل میں بھارت کے کھلاڑی کے ہاتھوں شکست کھائی اور اس ایونٹ میں بھی سلور میڈل حاصل کیا۔
پاکستانی کھلاڑیوں نے مجموعی طور پر چار برانز میڈلز بھی جیتے، جن میں بوائز انڈر 15 ڈبلز میں ابدال محمد خان اور نور خان، انڈر 19 مکسڈ ڈبلز میں طحہ بلال اور زنیرہ خان، انڈر 19 بوائز ٹیم ایونٹ میں ابدال محمد خان، طحہ بلال، عطاالمنان ملہی، مطاہر امین اور موسی امین کی ٹیم، اور انڈر 15 بوائز ٹیم ایونٹ میں ابدال محمد خان، نور خان اور ابو ہریرہ شامل تھے۔
یہ بات قابل ذکر ہے کہ پاکستانی کھلاڑی سیلف فنانس کی بنیاد پر اس چیمپئن شپ میں شریک ہوئے۔ تاہم، مالی مشکلات کی وجہ سے گرلز انڈر 19 کے منتخب کھلاڑی رقم کا بندوبست نہ ہونے کے سبب اس چیمپئن شپ میں شرکت سے قاصر رہے۔
اسی طرح گرلز انڈر 15 ایونٹ کے لیے منتخب تین کھلاڑیوں میں سے دو بھی مالی مشکلات کی وجہ سے اس ایونٹ میں حصہ نہیں لے سکیں۔
.ذریعہ: Express News
کلیدی لفظ: پاکستانی کھلاڑیوں پاکستانی کھلاڑی چیمپئن شپ میں ایونٹ میں
پڑھیں:
اے ایف سی ایشین کپ کوالیفائر میں میانمار نے پاکستان کو شکست دیدی
data-id="863a0a8" data-element_type="widget" data-widget_type="theme-post-content.default">
رنگون: ایشیائی فٹ بال کنفیڈریشن ایشین کپ کوالیفائر میں میانمار نے پاکستان کو تھن پینگ کے فیصلہ کن گول کی بدولت صفر کے مقابلے میں ایک گول سے شکست دیدی۔
رنگون کے تھوونا فٹبال اسٹیڈیم میں کھیلے جانے والے اس میچ میں میانمار کے تھن پینگ نے 41ویں منٹ میں اپنی ٹیم کو برتری دلائی جو کھیل کے اختتام تک برقرار رہی۔
اس شکست کے ساتھ ہی پاکستان کو کوالیفائر میں شام کے بعد مسلسل دوسری شکست کا سامنا رہا۔ والیفائر کے تیسرے راؤنڈ میں پاکستان اور میانمار کے درمیان یہ پہلا فٹبال میچ تھا۔
خواتین سٹوریز اپریل 2025